Yosua 11:12 - Wunta Mempori

¹² Ka luwuno kota ka anu mokoledo inangio i Yosua ka ipepateako ira ponai, kana petenano i Musa, tinena-Do i Ue.

Yosua 11:12 ပူးပေါင်းရင်းမြစ်များ

Winali 7:2

Tempono Ondae i Ue, Ue Alamiu, meweengako ira ndi omiu, ranta kai menangi ira, onaemo asalakono imeropu ira luwu. Si poweweu pedandia saru ondae ke mehohawa ira.

Winali 9:3

Onae kai mento'orio koa a oleo andio, nine Ondae i Ue, Ue Alamiu, Ondaemo anu melempa i aromiu kana api anu mompokomo'ai. Ondae rumopu ira ka Ondae anu mokompetuundu ira i aromiu. Kanatuumo komiu ronga sumaari ira ka mepate ira, kana anu dinandi-Do i Ue ndi omiu.

Yosua 10:20

Umarino i Yosua ka to Isaraeli numangi ira ranta ka domentenangi ntu'u, sine ba opia ira i olodo mokompewinso ia kota anu pinokomoroso.

Yosua 10:28

I oleo koa atuu i Yosua ipoko'alao kota Makeda, ihino inia ipepateako ira ponai, kanatuu koa mbo'u mokoledo, luwuno anu tuwu ipepate ira nahina maupo te'asa mia anu tola ka mokole Makeda wineweu kana mokoledo to Yeriko.

Yosua 10:30

Kota atuu Dopeweengakono i Ue a nto Isaraeli, saru mokoleno. Kota ka luwuno ihino ipepate ira i Yosua mompake ponai, nahina maupo te'asa mia anu tepotola, ka mokoledo wineweu kana mokoledo to Yeriko.

Yosua 10:32

Ondae i Ue meweengakono kota Lakisi atuu a nto Isaraeli. Ipoko'alao i Yosua kota atuu i ko'orua oleono. Kota atuu ka luwuno ihino ipepateako ira ponai, kana iweweu ira to Libina.

Yosua 10:35

Kota atuu dompentorokio i oleo koa atuu, ka dompepateako ira ponai. Luwuno anu tuwu dompepate ira ia oleo koa atuu, doweweu ira kana doweweu ira to Lakisi.

Yosua 10:37

Dompentorokio kota atuu, dompepateako ira ponai, saru mokoledo, ka kotado, ka luwuno anu tuwu dopepate ira nahina anu tepotola, kana anu wineweudo i Egelo. Kota ka luwuno anu tuwu i larono dompepate ira.

Yosua 11:13

Sine, to Isaraeli nahi domentunuo kota tuudo, anu wunangu i wawoni howuno kota se'eluno, tendeano Hasori anu tinununo i Yosua.

Yosua 11:15

Kana tinena-Do i Ue ndi Musa, tetenaa-Do atuu, kanatuumo petenano i Musa ndi Yosua ka kanatuumo i weweuo i Yosua: Nahina te'asa anu kinolupeno kana tinena-Do i Ue ndi Musa.

Yosua 13:6

luwuno palili a mentorukuno, inso i Libano hawe i Misirepo-Maimi; luwudo to Sidoni. Ongkueku ta sumaari ira inso i arodo to Isaraeli. Sine impe'undiakono se'elu wita atuu i olodo to Isaraeli gagi pusakado, kana anu Kutenaakomu.

Yosua 21:44

Ka Ondae i Ue moweeako ira rodoa sompo siuno wita, menunu kana dandi ka sumpa-Do ia ue mpu'udo. Nahina maupo te'asa mia iwalido anu moko'aropi ira, luwuno iwalido Dopewengaako ira i Ue ndi ondae.

Yosua 8:31

kana anu itenaakono i Musa, tetenaa-Do i Ue, a nto Isaraeli montonda anu teburi a wuntano i Musa; asa meda te'inso ia watu anu nahi tinaha, anu nahi wineweuako labu hapamokoa. I wawono dompotunu pinotuwu pesomba ndi Ondae i Ue, pesomba tetolosia.

Yosua 8:8

Sa'umarimiu menangio inia atuu imentunuo; luwuakoano imeweweuo kana pau-Do i Ue, ka imento'orio motae, onaemo petenaku ndi omiu.”

Yosua 9:24

Domesangkio i Yosua, dompotae, ”Lano pinaleleomo ndi omami, motae Ondae i Ue, Ue Ala miu tumenao i Musa tetenaa-Do, meweengakono luwuno wita andio ndi omiu ka rumopu ira luwuno palili inia atuu i aromiu. Onaemo ka kitedoa medoito memate, umaropi komiu; onaemo ka kimpoweweu kanatuu.