Yosua 10:4 - Wunta Mempori

⁴ ”Ime'aiwamo ndi ongkue ka imentulungi aku, ka tomensapoio Gibeo, nde moweweuomo pesintuwua saru i Yosua ka to Isaraeli.”

Yosua 10:4 ပူးပေါင်းရင်းမြစ်များ

I MATIU 16:24

Ka Do'amba i Yesu motaeako ira ana guru-Do, ”Sompo mia anu tumonda Aku, asalakono ka ihapuo koroino, po'ahao keu pinotambano tumonda Aku.

I YOHANE 15:19

Bakana me'inso komiu i wawontolino, asalakono ipehohawa komiu wawontolino kana miano. Sine hangano omiu komba inso i wawontolino, tendeano Kubiniki komiumo inso i wawontolino, onaemo pu'uno ka i'o'aliaakomiu wawontolino.

WINEWEUDO TINENA 21:28

saru mpebooli, ”Hei to Isaraeli, impontulungi! Ndiomo mia anu i sua-suamo koa paguru ira luwuno mia ka dome'ewaio tongkuto ka me'ewaio songka Taura ka po'ianga andio! Ka kanandio andio iwawa ira mbo'u to Yunani a laro Raha-Do Ue Ala ka mengkokoburutio po'ianga mempori andio!”

2 TIMOTIU 3:12

Lano sompo mia anu ineheno tuwu mesomba ndi Ondae i Kerisituu Yesu ta marasaiako pobobarasai,

YAKOBU 4:4

Hei omiu, mia anu nahi mpetenunu! Nahi imento'orioke, nine pesambe'ea saru wawontolino onaemo pe'iwalia saru Ondae Ue Ala? Gaagi ba isema mingki gagi sambe'eno wawontolino andio, ipokogagio koroino iwali-Do Ue Ala.

Yosua 10:1

Mansano irongeo i Adoni-Sede mokole Yerusale, motae irontuoomo i Yosua kota Ai ka iropuo, kana anu iweweuo Yeriko ka a mokoleno, kanatuukoa mbo'u iweweuo kota Ai ka mokoleno, ka nto Gibeo mpoweweu ira pesintuwua saru to Isaraeli ka mpo'ia ira i olodo,

Yosua 10:5

Onaemo ka olima ira mokole to Amori mpepumpu ka domelako: Mokole Yerusale, mokole Hebero, mokole Yaramu, mokole Lakisi, ka mokole Egelo, ondae ka luwuno sorodadudo. Mpekema ira mentanggolilio Gibeo ka mpeteaakono.

Yosua 9:15

Ka i'amba i Yosua moweweu pesintuwua ka pedandia saru ondae, nine ta mo'inee ira mentuwu; ka petewawa bawaa atuu mpesumpa ndi ondae.

1 PETURU 4:4

Onaemo pu'uno ka domengkohali-hali, nine omiu nahi mpetonda mpentoa merongaako ira a laro umbele nahi pototono anu mengkena, ka domposebe komiu.

MENGKAAA 16:14

Ondaemo atuu penaado onitu anu mpopokohina luwuno wineweu kinohali-haliako, ka domelako ntepohaweako ira mokole i asa wawontolino, ka dopumpu ira tiano peteaa a oleo langkai, onaemo oleo-Do Ue Ala Anu Tedoa Pabawa.