Yosua 10:28 - Wunta Mempori

²⁸ I oleo koa atuu i Yosua ipoko'alao kota Makeda, ihino inia ipepateako ira ponai, kanatuu koa mbo'u mokoledo, luwuno anu tuwu ipepate ira nahina maupo te'asa mia anu tola ka mokole Makeda wineweu kana mokoledo to Yeriko.

Yosua 10:28 ပူးပေါင်းရင်းမြစ်များ

Po'unde-unde 110:1

Penani po'unde-undeno i Daudi. Pau-Do i Ue a ueku, ”Pentoromo i koana-Ku, hawe ka Kuweweu ira iwalimu gagi pelandaano karumu.”

I LUKASI 19:27

Sine luwuno anu umewai aku andio, anu nahi behe ba kugagi mokoleno, wawa iramo ramai ka impepate iramo i arono mataku.”

1 KORINTI 15:25

Hangano asalakono Ira meparenta gagi Mokole hawe ka Donaa ira Ue Ala luwuno iwali-Do a ntoto ngkaru-Do.

Winali 2:34

I tempo atuu tompoko'alao luwuno kotano ka rumopuo palili sompo kota: tama ka beine saru nana'ote. Nahina maupo te'asa mia anu tompo'ineeo tepotola.

Winali 7:16

Asalakono imeropu ira luwuno tongku anu Doweeakomiu i Ue, Ue Alamiu. Si mpehohawa ira, kasi mpesomba a anu pinesombaido, hangano anu kanatuu ta gagi ohomiu.

Winali 7:2

Tempono Ondae i Ue, Ue Alamiu, meweengako ira ndi omiu, ranta kai menangi ira, onaemo asalakono imeropu ira luwu. Si poweweu pedandia saru ondae ke mehohawa ira.

Yosua 10:30

Kota atuu Dopeweengakono i Ue a nto Isaraeli, saru mokoleno. Kota ka luwuno ihino ipepate ira i Yosua mompake ponai, nahina maupo te'asa mia anu tepotola, ka mokoledo wineweu kana mokoledo to Yeriko.

Yosua 10:32

Ondae i Ue meweengakono kota Lakisi atuu a nto Isaraeli. Ipoko'alao i Yosua kota atuu i ko'orua oleono. Kota atuu ka luwuno ihino ipepateako ira ponai, kana iweweu ira to Libina.

Yosua 10:35

Kota atuu dompentorokio i oleo koa atuu, ka dompepateako ira ponai. Luwuno anu tuwu dompepate ira ia oleo koa atuu, doweweu ira kana doweweu ira to Lakisi.

Yosua 10:37

Dompentorokio kota atuu, dompepateako ira ponai, saru mokoledo, ka kotado, ka luwuno anu tuwu dopepate ira nahina anu tepotola, kana anu wineweudo i Egelo. Kota ka luwuno anu tuwu i larono dompepate ira.

Yosua 10:39

Wita atuu saru mokoleno ka luwuno kotano dompentorokio, ka dompepateako ira ponai. Luwuno anu tuwu pinepate, nahina anu pino'inee tepotola, kana anu wineweudo i Hebero, kanatuu koa mbo'u doweweu ira to Debiri saru mokoledo, kana anu wineweudo i Libina saru mokoledo.

Yosua 12:15

mokole wita Libina, aasa; mokole wita Adulami, aasa;

Yosua 12:16

mokole wita Makeda, aasa; mokole wita Beteli, aasa;

Yosua 15:41

Gedero, Beti-Dago, Na'ama ka Makeda; hopulu ka onoo kota saru luwuno iniano.

Yosua 6:21

Dompepateako ira ponai, tama ka beine, mia mota'u ka mia mongura, ka io pinotuwudo, sapi, bimba, ka kalide.

Yosua 8:2

ka uweweuo i kota Ai ka mokoleno, kana uweweuo Yeriko ka mokoleno; butu sangka, ka pinotuwudo anu moiko impomuruo. Tena ira miamu mpewuni i bungkuno inia.”

Yosua 9:3

Sine mansado merongeo palilido to Gibeo, hapa anu wineweuno i Yosua i kota Yeriko ka Ai,