Yosua 10:24 - Wunta Mempori

²⁴ Umarido lumuarako ira mokole atuudo ka dowawa ira ndi Yosua, i Yosua moboi ira luwu to Isaraeli mpepumpu ka ipotaeako ira luwuno tadulako sorodadu anu merongaakono mpontonda mpetea, ”Ime'umpeda, imenaao karu miu ia palontundudo mokole andio.” Mperangkuhi iramo ka domenaao karudo a palontundudo mokole atuu.

Yosua 10:24 ပူးပေါင်းရင်းမြစ်များ

2 Samueli 22:39

Kupokopingko ira ka kurawo-rawo ira, ranta nahi dompewangu mbo'u, ka ntebangku ira i totono karuku.

2 Samueli 22:41

Iweweuo iwaliku mpolai inso ndi ongkue, luwuno mia anu umo'aliaakune, kupepate ira.

Po'unde-unde 107:40

Do'uwuo pompokongkodei a luwuno mia pinemota'u, ka Doweweu ira mpelakopi a mpada malua anu nahina pesalaa;

Po'unde-unde 110:1

Penani po'unde-undeno i Daudi. Pau-Do i Ue a ueku, ”Pentoromo i koana-Ku, hawe ka Kuweweu ira iwalimu gagi pelandaano karumu.”

Po'unde-unde 110:5

Ondae i Ue i koanamu; a oleo tekuda-Do Dopirego ira mokole,

Po'unde-unde 18:40

Tongaku I'onggoakonomo moroso ka kupetea; Omiu mokompetuunduo i totono pabawaku mia anu mentade umewai aku.

Po'unde-unde 91:13

Singa ka ule mo'ito kolumandao, anano singa ka ule naga kolumolandao.

Yesaya 51:23

Sine, Aku meweengakono a ngkaeno anu mokonsiiko anu hieno motae ndi omue, ’Petuundumo, ka kintelalo lumolanda komiu!’ Ka bungkumu upetunduakono merete wita, gagi pesalaano mia anu telalo i wawono.”

Maleaki 4:3

Komiu melolanda ira mia mosa'o gaudo, hangano ira megagi awu a ntoto mpelengkarumiu, a oleo Kupohuku, pau-Do Ueno luwuakoano.

ROMA 16:20

Po'ineeomo Ondae Ue Ala, pu'uno rodoa, ka Doronga puro-puroo i Mosa'o a ntoto ngkarumiu. Pompehohawa-Do i Yesu, Ueto, kumongkomi komiu!

Winali 33:29

Manangaikomo, hei Isaraeli! Isemake anu mengkena saru omue, aasa tongku anu kinadudui-Do i Ue, kanta pontulungi ka ponai ponangimu? Iwalimu ira mpetuundu mpesile'i ndi omiu, ka omue kolumolandao pongku witado.”

IBARANI 1:13

Ka ndi semake i olodo mala'eka atuudo Dohori mepau, ”Pentoromo i koana-Ku, ranta Kuweweu ira iwali-Miu gagi pelandaano karu-Miu?”

Puu Mpobitara 8:20

Motaeomo ndi Yetera anano anu aka, ”Lakomo, pepate iramo.” Sine mia mongura atuu nahi butao ponaino, hangano doito, nde onae da mongura.