Yosua 1:9 - Wunta Mempori

⁹ Nde komba Kutenaakomu ke: Pokomorosoo aroamu? Sidoito, ka motewe aroamu, nde Ondae i Ue, Ue Alamu kumongkomiko, isua-suamokoa ulako.”

Yosua 1:9 ပူးပေါင်းရင်းမြစ်များ

Tegagia 28:15

Menteeano, Aku kumongkomiko ka Aku dumagaiko, maupo isua ulako. Aku wawako mekule i wita andio, hangano nahi Aku bintako, tendeano weweuo mpiha hapa anu Kudandiakomu.”

Tegagia 39:2

Sine Ondae i Ue kumongkomio i Yusupu, ranta ka igagi mia mehasili. Onae mo'ia a rahano ueno, to Masiri atuu.

Tegagia 39:3

Ueno kumitao nine Ondae i Ue kumongkomio ka nine maupo hapa anu inanggano, Doweweuo i Ue mehasili.

2 Samueli 13:28

Ka i'amba i Abisalo parenta ira miano kanandio, ”Pepenteeomo! Tempono aroano i Aminoni mawongko hangano anggoro, ka aku mepau ndi omiu: Tunduhiomo i Aminoni ka pepateo. Si medoito, kombake ongkue anu parentako? Pokorosoo aroamiu ka imegagimo mosia!”

1 Tawarika 28:20

Ka i'amba motae i Daudi ndi Salomo, anano, ”Pokorosoomo aroamu ka weweuomo atuu, siimo doito ka siimo itelusa aroamu, hangano Ondae Ue Ala, Ue Alaku, kumongkomiko. Nahi Ira mo'ineeko ka bintako ranta ka i'umari luwuno anggaa a mpesombaa i raha-Do Ue Ala.

2 Tawarika 15:7

Sine omiu andio, pokorosoomo aroamiu, si memolema, hangano hinao tambono anu hapa anu wineweumiu!”

Po'unde-unde 46:7

Luwuno tongku mpohohoi, luwuno poparentaa telelu. Dopoporongeo suara-Do, ka tolino mondidi-ndidi.

Yesaya 41:10

siimo doito, hangano Ongkue kumongkomiko, siimo doito, hangano Ongkue andio Ue Alamu; Aku mokorosoko, tendeano Aku tumulungiko; Aku uminiakomu kae ngkoana-Ku anu mowawa ponangia.

Yesaya 43:1

Sine kanandio-andio, kanandiomo pau-Do i Ue anu mokogagiko, hei Yako, anu weweuko, hei Isaraeli, ”Siimo doito, hangano Kutolosikomo, Kupoboikomo a neemu, omue onaemo mia-Ku.

Yesaya 43:5

Siimo doito, hangano Ongkue kumongkomiko, Aku moweeakomu ana'uemu inso i sabaano oleo, ka pumpuko inso i sumooano oleo.

Yesaya 8:12

”Si mpotae tepo'asaa luwuno anu pinaudo tongku andio tepo'asaa, hapa anu dinoitoakodo siimo imedoitoakono ka siimo impondende.

Danieli 10:19

Ipotae, ”Hei omue anu pinehohawa, siimo doito! Manangaikomo, gagimo moroso, oo, gagimo moroso!” Kontongaano mepau saru ongkue, mompemoroso akumo mbo'u ka kupotae, ”Po'ineeomo ka Ipepau Ueku, hangano Ipowee akumo roso.”

Hagai 2:4

Isemake i olomiu anu kumitao raha andio a laro marambano anu amba-ambano? Kana'umpeke imengkitao teweweuno kanandio-andio? Kombake anu andio kana nahina hapa-hapano a pongkitamiu?

Hagai 2:5

Kanandio-andio, pokorosoomo aroamu, hei Serubabeli, kanandiomo pau-Do i Ue; Pokorosoomo aroamu, hei Yosua anano i Yosadaki, sando mpesomba langkai, impokorosoomo aroamiu, hei luwuno palili, kanandiomo pau-Do i Ue. Impo'anggamo, hangano Ongkue kumongkomi komiu, kanandiomo pau-Do Ueno luwuakoano.

WINEWEUDO TINENA 4:19

Sine dosangki ira i Peturu ka i Yohane, ”Moiko imempakosio omiumiu isuake anu mentee i aro-Do Ue Ala: metenunu ndi omiu ke metenunu ndi Ondae Ue Ala.

Winali 1:21

Kitaomo, Ondae i Ue, Ue Alamiu mopokitao wita atuu i aromiu. Imelako ka impetorokiomo, kana anu Dopauakomiu i Ue, Ue Alado uempu'umiu. Si medoito ka si ntelusa aroa.”

Winali 20:1

”Tewala mpeluarako komiu mpetea umewai ira iwalimiu, ka imengkitao ngara ka kareta, sorodadu anu lalu hadio sekono omiu, simedoitoako ira, hangano Ondae i Ue, Ue Alamiu, anu tumaatekomiu mpeluarako inso i wita Masiri, kumongkomikomiu.

Winali 31:23

Ndi Yosua, anano i Nuni Ondae i Ue moweeakono parenta, pau-Do, ”Pokorosoo ka perodoo aroamu, hangano kowawa ira to Isaraeli a wita anu Kudandiakono sumpa ndi ondae, ka Aku kumongkomiko.”

Winali 31:28

Tena iramo luwuno mia memota'u a nsukumu, ka luwuno mia mpo'anggamu mpepumpu ndi ongkue. Aku pauo mongkona anu kanandio ndi ondae saru moboio langi ka tolino gagi sakosii ndi ondae.

Yosua 1:10

Metenaomo i Yosua, ia luwuno petewawa sorodadudo tongku atuu, ipotae,

Yosua 1:17

kana kimperorongeakono songkano i Musa, kanatuu koa mbo'u kimperorongeakomiu. Butu, Ondae i Ue, Ue Alamu, Ira wela kumongkomi komiu, kana Dokongkomio i Musa.

Yosua 1:18

Isemamokoa anu umewaio petenamiu ka nahi perorongeakono paumiu, hapamokoa itenaakono, ta hinuku mate. Butu, peteao ka pokorosoo aroamu!”

Yosua 10:25

Mepauomo i Yosua ndi ondae, ”Sii medoito, ka kasi molusa aroa miu, impokomorosoo ka impedatoo aroa miu, nde kanatuumo ba Doweweuo i Ue ia luwuno iwali miu anu impeteaako ira.”

Yosua 10:8

Pau-Do i Ue ndi Yosua, ”Sidoitoako ira, nde Aku meweengako ira a ngkaemu. Nahi tahina mia inso ndi ondae anu ta moko'aropiko.”

Yosua 3:7

Pau-Do i Ue ndi Yosua, ”Mompu'u ia oleo andio Kupokolangkaio neemu ia matado luwudo to Isaraeli, ka domento'orio motae i ndi'ipua Kukongkomio i Musa, kanandiokoa mbo'u kukongkomiko.

Yosua 6:27

Ka Ondae i Ue kumongkomio i Yosua, ka teleleomo ia luwuno inia atuu.

Yosua 8:1

Mepau Iramo Ondae i Ue ndi Yosua, ”Sidoito kasi molusa aroamu. Wawa iramo luwuno sorodadu, impepatinda, imelako i kota Ai. Ka uto'orio, Aku meweengakono ndi omiu i kota Ai, mokoleno, palilino,

Puu Mpobitara 6:14

Mewolili Iramo i Ue ka Dopepauakono, ”Lakomo montonda morosomu ka upotola ira to Isaraeli inso ia ngkaedo to Midia. Nde komba Ongkue ke anu tumenako?”

1 Samueli 10:7

Tewala luwuno petondoni andio gagi ndi omue, weweuo hapamo koa anu tekona uweweuo, hangano Ondae Ue Ala kumongkomiko.