Yosua 1:8 - Wunta Mempori

⁸ Sitekolupe popauo wunta Taura andio, sine penootio ia meene ka woongi, ka upompe'inandai koa melelu montonda luwuno anu teburi ilarono, nde ba kanandio pelempamu ta moiko ka kome'ura.

Yosua 1:8 ပူးပေါင်းရင်းမြစ်များ

Tegagia 24:63

Tamo ngkiniwia, i Saki kontongaano meluarako ta melempa-lempa i tonga mpada. Mansano mengkita ngkoraane, ikitao hinao ba opia unta me'aiwa.

2 Tawarika 26:5

Onae umungke Ira Ue Ala tempono i Sakaria da tuuwu anu paguruo ka idoitoako Ira Ue Ala. Tempono i'ungke Ira i Ue, Ondae Ue Ala weweuo mehasili.

Po'unde-unde 119:11

Dandi-Miu kunaao i laro aroaku, ka si kutehala ndi Omiu.

Po'unde-unde 119:15

Aku mepaguruakono luwuno parenta-Miu ka mekokoongakono luwuno pesalaa-Miu.

Po'unde-unde 119:97

Kukekewoio ntu'u Songka-Miu! Kupenootio hawe sumoo oleo.

Po'unde-unde 119:99

Molinoopo pinewowoloku sekonopo luwuno anu paguru aku, hangano luwuno pepopoto'ori-Miu anu kupenootio.

Po'unde-unde 19:14

Ikaduduiomo tetenaa-Miu inso a mpelelu mompelangka-langkai; ka si mansa onae pabawai aku! Ka ongkue gagi nahina tataaku ka tepotola inso a hala langkai.

Po'unde-unde 40:10

Kupaleleo moleoa a laro bawaa anu langkai; tendeano nahi ku'ontoo wiwiku, Omiu tumo'orio, oo Ue.

Powadi 3:1

Hei anaku, si kolupeo pompaguruku, ka po'ineeomo aroamu mekariao parentaku,

Yesaya 59:21

Ndiomo pedandia-Ku saru ondae, pau-Do i Ue, Penaa-Ku anu medongkoiko ka pau-Ku anu kunaao a laro ngangamu nahi ta bintao ngangamu saru ngangado inulemu ka inuledo, mompu'u kanandio-andio hawe nahina tampulaano, pau-Do i Ue.

I MATIU 12:35

Mia anu moiko moluarako luwuno anu moiko inso i larono anu moiko ka mia anu mosa'o moluarako luwuno anu mosa'o inso i larono anu mosa'o.

I MATIU 28:20

ka imempaguru iramo meweweuo luwuakoano anu Kuparentaa komiu. Ka imento'oriomo, Aku kumongkomi komiu mpiha hawe a mpokotampaano tempo.”

I MATIU 7:21

Komba sompo mia anu mebooli ndi Ongkue: Ue, Ue! ta mewinso a laro Poparentaa suruga, tendeano mia anu weweuo po'ehe-Do Ama-Ku anu i suruga.

I MATIU 7:24

”Sompo mia anu rumongeo pau-Ku andio ka iweweuo, mengkenaomo saru mia pande mosongka, anu wanguo rahano a wawo watu.

I LUKASI 11:28

Sine Dopotae, ”Anu me'ura onaemo ondae anu mporonge pau-Do Ue Ala ka anu mpekariao.”

I YOHANE 13:17

Tewala imento'orio luwuno andio, meme'ura komiumo, tewala imeweweuo.

I YOHANE 14:21

Ba isema uminio parenta-Ku ka iweweuo, onaemo anu kumekewoi Aku. Ka ba isema mehohawa Aku, Ira mehohawao Ama-Ku ka Ongkue mbo'u Aku mehohawao ka Aku mepokomengkaa ndi onae.”

EPESU 4:29

Si hina pau anu mokoburu inso a wiwimiu, sine impepauakomo pau anu moiko anu mompokoroso, ba isua ikinere, ka dompohawe pompehohawa mia anu merongeo.

Winali 29:8

Tompoko'alao witado ka meweengakono a nto Rube, a nto Gadi, ka a nsuku Manase anu entongano atuu, gagi tia pusakado.

Winali 29:9

Onae atuu kai mpe'inimo a mpauno pedandia andio, kai meme'ura a luwuno anu wineweumiu.

Winali 30:14

Sine pau andio umpeda ntu'u ndi omue, ilaro ngangamu ka ilaro aroamu kau weweuo

Winali 31:11

tempono luwuno to Isaraeli me'aiwa mpesomba ndi Ondae i Ue, Ue Alamu, a mpo'ianga anu bininiki-Do, asalakono imebasao songka Taura andio i arodo luwuno to Isaraeli.

Winali 31:24

Umarino i Musa burio luwuno pauno songka Taura atuu a laro asa wunta ranta kai umari,

Winali 5:1

I Musa moboi ira luwu to Isaraeli mpepumpu ka ipotaeako ira, ”Imerongeomo, hei to Isaraeli, pompakosi ka atora anu kupohaweakomiu a oleo andio, kai mpepaguruakono ka mpetenunu meweweuo.

Winali 5:29

Po'ineeomo aroado kai kanandio mpiha: doito ndi Ongkue ka mpe'ini a luwuno parenta-Ku, ka imoiko tuwudo ka inuledo anu nahina tampulaano!

Winali 5:32

Gagi, Impetenunumo meweweuo luwuno atuu, kana anu Doparentaa komiu i Ue, Ue Alamiu. Si mepansia i koana ke i manggali.

KOLOSE 3:16

Po'ineeomo pau-Do i Kerisituu ka ipo'ia saru luwuno kaeano i olomiu, ranta ka imemambe paguru ka mambe patuduako luwuno ponto'ori ka saru mpenaniako po'unde-unde, ka po'unde-unde ka penani rohani, impontarimakasi ndi Ondae Ue Ala i laro aroamiu.

Yosua 1:7

Tendeano, peteao ka pokorosoo aroamu tem oleo aroa, pompe'inandai ba upelelu montonda songka anu itenaakomu i Musa, tinena-Ku ndi omue, sipansia i koana ke imanggali, ka ume'ura isuamokoa ulako.

Yosua 8:34

Umari atuu binasaomo songka Taura, poronso ka petotonaa kana anu teburi ia songka.

MENGKAAA 22:14

Meme'ura iramo anu melomboo lemba meloedo. Ondae ira mpohawe tia a luwuno keu tuwua ka mpewinso telalo a luwuno pewowa langkai melako a laro ngkota atuu.