Yosua 1:6 - Wunta Mempori

⁶ Peteao, ka pokorosoo aroamu, nde omue anu ta gagi petewawado tongku andio mpe'ueo wita anu Kudandiako ira ka mesumpa ia ue mpu'udo ka domewineeako.

Yosua 1:6 ပူးပေါင်းရင်းမြစ်များ

Tegagia 12:7

Tempo atuu Ondae i Ue mepopokita ndi Burama ka Dopepau, ”Wita andio Aku weeako ira inulemu.” Ka i'amba i tu'ai iwanguo meda pontunua pesomba ndi Ondae i Ue anu mepopokita Iramo ndi onae.

Tegagia 26:3

Po'iamo i wita andio gagi mia mehawe. Aku kumongkomiko ka rumonsoko, hangano ndi omuemo ka a inulemu Aku meweengakono luwuno wita andio ka Aku umihiio sumpa anu Kupauomo ndi Burahima, amamu.

2 Samueli 10:12

Pokorosoomo aroamu ka aiwamo tompokodatoo tinooto tiano tongkuto ka tiano luwuno kota-Do Ue Alato. Po'ineeomo Doweweuo i Ue anu moiko a pongkita-Do.”

1 Mokole 2:2

”Nami ta tehine mbo'u akumo mate, gagi aroano ka pelelumo kana tama.

1 Tawarika 22:13

Bakanandio kome'ura, tewala metenunuko weweuo luwuno pompakosi ka luwuno songka anu Dopeparentaako i Ue ndi Musa tiado to Isaraeli. Pokorosoomo aroamu, si doito ka si terungku aroamu.

1 Tawarika 28:10

Kanandio-andio penootiomo, hangano Dobinikikomo i Ue komowangu asa raha gagi po'ianga mempori. Pokorosoomo aroamu ka weweuomo atuu.”

1 Tawarika 28:20

Ka i'amba motae i Daudi ndi Salomo, anano, ”Pokorosoomo aroamu ka weweuomo atuu, siimo doito ka siimo itelusa aroamu, hangano Ondae Ue Ala, Ue Alaku, kumongkomiko. Nahi Ira mo'ineeko ka bintako ranta ka i'umari luwuno anggaa a mpesombaa i raha-Do Ue Ala.

2 Tawarika 15:7

Sine omiu andio, pokorosoomo aroamiu, si memolema, hangano hinao tambono anu hapa anu wineweumiu!”

2 Tawarika 20:11

Ikitaomo, gagi pombalo me'aiwa ira sumaari kami inso i wita anu umariomo Iweeakami mpe'ueo.

2 Tawarika 20:7

Komba Omiuke Ue Alamami anu sumaario palilino wita andio inso i arodo bawaa-Miu Isaraeli ka meweengakono a inuleno i Burahima, sambe'e-Miu atuu, ranta nahina tampulaano?

Po'unde-unde 27:14

Sikori Iramo i Ue! Pokorosoo ka pedatoomo aroamu! Sikori Iramo i Ue.

Danieli 10:19

Ipotae, ”Hei omue anu pinehohawa, siimo doito! Manangaikomo, gagimo moroso, oo, gagimo moroso!” Kontongaano mepau saru ongkue, mompemoroso akumo mbo'u ka kupotae, ”Po'ineeomo ka Ipepau Ueku, hangano Ipowee akumo roso.”

Hagai 2:4

Isemake i olomiu anu kumitao raha andio a laro marambano anu amba-ambano? Kana'umpeke imengkitao teweweuno kanandio-andio? Kombake anu andio kana nahina hapa-hapano a pongkitamiu?

Sakaria 8:9

Kanandiomo pau-Do Ueno luwuakoano, ”Pokorosoomo aroamu, hei luwuno mia anu lano rumongeomo pau andio, anu pinohawedo nabi, tempono i wineweu pondasino Raha-Do Ueno luwuakoano, ka iwinangu Raha Mempori atuu.

Podoaa 26:53

”A luwunomo suku atuu asalakono tinia wita atuu gagi tia pusaka montonda luwuno nee anu binuri;

Podoaa 33:53

Asalakono impetorokio wita atuu ka mpo'ia i ra'ai, hangano ndi omiumo Kupeweengakono wita atuu ka impetorokio.

1 KORINTI 16:13

Impetangkoromo! Impentademo temoroso a pompe'ala-ala! Imemosia koa! Ka moroso mpiha!

EPESU 6:10

Poko'ariano, imemorosomo ndi Ondae i Ue, a morosono pabawa-Do.

Winali 1:21

Kitaomo, Ondae i Ue, Ue Alamiu mopokitao wita atuu i aromiu. Imelako ka impetorokiomo, kana anu Dopauakomiu i Ue, Ue Alado uempu'umiu. Si medoito ka si ntelusa aroa.”

Winali 1:8

Kitaomo, Kupopokitaakomiu wita atuu i aromiu. Impewinsokio ka impetorokiomo wita anu dinandi-Do i Ue saru sumpa ndi ondae i Burahima, i Saki ka i Yako, uempu'umiu ta wineeako ndi ondae ka inuledo.”

Winali 11:8

Gagi, asalakono impe'ini a luwuno parenta anu kupohaweakomiu a oleo andio, ka imemoroso mpewinso ka mpentorokio wita, ba isua komiu mpesakiako kai mpentorokio,

Winali 31:23

Ndi Yosua, anano i Nuni Ondae i Ue moweeakono parenta, pau-Do, ”Pokorosoo ka perodoo aroamu, hangano kowawa ira to Isaraeli a wita anu Kudandiakono sumpa ndi ondae, ka Aku kumongkomiko.”

2 TIMOTIU 2:1

Onaemo pu'uno, hei anaku, gagimo moroso hangano pe'aroa ndi Ondae i Kerisituu Yesu.

Yosua 1:18

Isemamokoa anu umewaio petenamiu ka nahi perorongeakono paumiu, hapamokoa itenaakono, ta hinuku mate. Butu, peteao ka pokorosoo aroamu!”

Yosua 1:7

Tendeano, peteao ka pokorosoo aroamu tem oleo aroa, pompe'inandai ba upelelu montonda songka anu itenaakomu i Musa, tinena-Ku ndi omue, sipansia i koana ke imanggali, ka ume'ura isuamokoa ulako.

Yosua 1:9

Nde komba Kutenaakomu ke: Pokomorosoo aroamu? Sidoito, ka motewe aroamu, nde Ondae i Ue, Ue Alamu kumongkomiko, isua-suamokoa ulako.”

Yosua 10:25

Mepauomo i Yosua ndi ondae, ”Sii medoito, ka kasi molusa aroa miu, impokomorosoo ka impedatoo aroa miu, nde kanatuumo ba Doweweuo i Ue ia luwuno iwali miu anu impeteaako ira.”

Yosua 13:6

luwuno palili a mentorukuno, inso i Libano hawe i Misirepo-Maimi; luwudo to Sidoni. Ongkueku ta sumaari ira inso i arodo to Isaraeli. Sine impe'undiakono se'elu wita atuu i olodo to Isaraeli gagi pusakado, kana anu Kutenaakomu.

Yosua 18:3

Onaemo ka ipotae i Yosua a nto Isaraeli, ”Ba da ta tehine mbo'u impeluweki, ka nahi melako mpo'ia ia inia anu Doweeako miu i Ue, Ue Alado uempu'u miu?

Yosua 21:43

Gagi luwuno wita atuu Doweeako ira i Ue ia nto Isaraeli, onaemo wita anu dinandi montonda sumpa-Do anu ira mewineeako ue mpu'udo. Ka dompo'ia mpiha i ra'ai.

Yosua 5:6

Nde patopulu nta'u tehineno to Isaraeli atuu dompelempa molaloo pada one, memate iramo luwu luwudo tongku atuu, onaemo sorodadu anu mpeluarako inso i Masiri, anu nahi domporonge pau-Do i Ue. Ndi ondae atuu Dosumpa iramo Ue, komba ira me'ineheako pewinso ia wita anu domedinandiako Ira i Ue saru mesumpa ndi ondae ue mpu'udo, ira mpeweengakono ndi ontae, wita anu tedoa hadio susu ka siu hoani.

1 Samueli 4:9

Pokorosoo aroamiu ka imemosia, Oo to Pelisiti, kasi megagi atado to Ibarani, kana ondae hori ira megagi atamiu. Impokomosiao aroamiu ka impeteamo!”