Yosua 1:5 - Wunta Mempori

⁵ Isemamokoa nahi ta hina mia moko'ewaiko asa ntinuwumu; kana Kukongkomio i Musa, kanatuu koa mbo'u Kukongkomiko. Nahi Aku mo'ineeko ka bintako.

Yosua 1:5 ပူးပေါင်းရင်းမြစ်များ

Tegagia 39:2

Sine Ondae i Ue kumongkomio i Yusupu, ranta ka igagi mia mehasili. Onae mo'ia a rahano ueno, to Masiri atuu.

1 Mokole 1:37

Kana pokongkomi-Do i Ue, ndi omiu ueku mokole, kanatuumo Dokongkomio i Salomo. Po'ineeomo Doweweuo kadera poparentaano i Salomo marambaopo sekono kadera poparentaano ueku mokole Daudi.”

1 Mokole 11:38

Tewala uperorongeakono luwuno anu Kuparentaakomu, tuwu montonda sala-Ku, ka moweweu hapa anu mentee a pongkita-Ku ka mekariao pompakosi ka parenta-Ku kana anu iweweuomo i Daudi, tetenaa-Ku, manasa Aku kumongkomiko, wanguakomu aasa sombori anu moroso, kana anu Kuwanguakono i Daudi ka meweengakono Isaraeli ndi omue.

1 Mokole 6:13

nine Aku mo'ia i olodo to Isaraeli ka nahi Aku binta ira bawaa-Ku Isaraeli.”

1 Mokole 8:57

Po'ineeomo Ondae i Ue, Ue Alato, kumongkomi kita kana Dokongkomi iramo uempu'uto. Topomperorohi nahi Dobinta kita ke maupo tumadi kita,

1 Tawarika 28:20

Ka i'amba motae i Daudi ndi Salomo, anano, ”Pokorosoomo aroamu ka weweuomo atuu, siimo doito ka siimo itelusa aroamu, hangano Ondae Ue Ala, Ue Alaku, kumongkomiko. Nahi Ira mo'ineeko ka bintako ranta ka i'umari luwuno anggaa a mpesombaa i raha-Do Ue Ala.

Po'unde-unde 46:11

”Penoro-noromo ka to'oriomo, nine Ongkuemo Ue Ala! Ongkuemo anu inude-unde i olodo tongku, inunde-unde i tolino!”

Peluarakoa 3:12

Onaemo ka Dopepau i Ue, ”Aku koa kumongkomiko! Ndiomo petondoni ndi omue, nine ongkue anu tumenako; Tewala uwawa iramo tongku atuu mpeluarako inso i wita Masiri, komiu mpesomba ndi Ondae Ue Ala i torukuno andio.”

Yesaya 42:16

Aku tumaate ira mia memorawu a nsala anu nahi domento'orio, a pesalaa anu nahi domento'orio. Aku wawa ira mpelempa. Aku weweuo wongi-wongi i arodo gagi mewine ka wita anu mpebanga-bangano gagi wita anu merete. Mongkonamo anu kanatuu Aku weweuo ndi ondae, anu asalakono Aku weweuo.

Yeremia 1:8

Sii doitoako ira, hangano Ongkue kumongkomiko ka motolako, kanandiomo pau-Do i Ue.”

Danieli 11:16

Mokole anu sumapoio ta moweweu po'eheno aroano, ka nahina maupo te'asa mia polio umaropio. Onae ta mentorokio Wita Tekosi ka poropua ta kongko a mpabawano.

I MATIU 28:20

ka imempaguru iramo meweweuo luwuakoano anu Kuparentaa komiu. Ka imento'oriomo, Aku kumongkomi komiu mpiha hawe a mpokotampaano tempo.”

ROMA 8:31

Onaemo pu'uno hapake anu ta pinauto mongkona luwuno atuu? Tewala Ondae Ue Ala me'alaako ndi ontae, isemake ta umewai kita?

ROMA 8:37

Sine i larono luwuno atuu melalua kitapo sekono luwuno mia anu mponangi, hangano Ondae anu mehohawa kitamo.

Winali 20:1

”Tewala mpeluarako komiu mpetea umewai ira iwalimiu, ka imengkitao ngara ka kareta, sorodadu anu lalu hadio sekono omiu, simedoitoako ira, hangano Ondae i Ue, Ue Alamiu, anu tumaatekomiu mpeluarako inso i wita Masiri, kumongkomikomiu.

Winali 20:4

Hangano Ondae i Ue, Ue Alamiu, Ondaemo anu melempa kumongkomi komiu kai mpetea umewai ira iwalimiu, ka Doweeakomiu ponangia.’

Winali 31:23

Ndi Yosua, anano i Nuni Ondae i Ue moweeakono parenta, pau-Do, ”Pokorosoo ka perodoo aroamu, hangano kowawa ira to Isaraeli a wita anu Kudandiakono sumpa ndi ondae, ka Aku kumongkomiko.”

Winali 4:31

Hangano Ondae i Ue, Ue Alamiu, Ondaemo Ue Ala puu Pompehohawa. Nahi Ira binta komiuke rumopu komiu; Nahi Ira kumolupeo pedandia anu pinau-Do saru sumpa ndi ondae uempu'umiu.

Winali 7:24

Luwuno mokoledo ira mempineweengako a ngkaemiu ka needo komiu mempahihio inso i wawontolino. Nahi ta hina anu polio mekorahako umaropi komiu, ranta ka imeropu ira.

2 TIMOTIU 4:17

sine mentade Iramo i Ue i horiku ka mokoroso aku, ka ipinalele koa ntu'u Lele Mawongkoa telalo ndi ongkue ka domerongeo luwuno mia anu komba to Yahudi. Hangano kanandio ka kutola inso a ngangano singa.

IBARANI 13:5

Si megagi atano doi ka impesompoomo hapa anu hina ndi omiu. Hangano Ondae Ue Ala mepau Iramo, ”Naahi ntu'u Aku mo'ineeko ka naahi ntu'u Aku bintako.”

Yosua 1:17

kana kimperorongeakono songkano i Musa, kanatuu koa mbo'u kimperorongeakomiu. Butu, Ondae i Ue, Ue Alamu, Ira wela kumongkomi komiu, kana Dokongkomio i Musa.

Yosua 1:9

Nde komba Kutenaakomu ke: Pokomorosoo aroamu? Sidoito, ka motewe aroamu, nde Ondae i Ue, Ue Alamu kumongkomiko, isua-suamokoa ulako.”

Yosua 10:8

Pau-Do i Ue ndi Yosua, ”Sidoitoako ira, nde Aku meweengako ira a ngkaemu. Nahi tahina mia inso ndi ondae anu ta moko'aropiko.”

Yosua 21:44

Ka Ondae i Ue moweeako ira rodoa sompo siuno wita, menunu kana dandi ka sumpa-Do ia ue mpu'udo. Nahina maupo te'asa mia iwalido anu moko'aropi ira, luwuno iwalido Dopewengaako ira i Ue ndi ondae.

Yosua 3:7

Pau-Do i Ue ndi Yosua, ”Mompu'u ia oleo andio Kupokolangkaio neemu ia matado luwudo to Isaraeli, ka domento'orio motae i ndi'ipua Kukongkomio i Musa, kanandiokoa mbo'u kukongkomiko.

Yosua 6:27

Ka Ondae i Ue kumongkomio i Yosua, ka teleleomo ia luwuno inia atuu.

Puu Mpobitara 2:18

Sompo tempo Ondae i Ue moweeako ira puu pobitara, Ondae i Ue kumongkomi ira puu mpobitara atuu ka tumolosi ira inso ia iwalido, tempono domentuwu puu pobitara atuu. Nde Domongkokolaroako Ira i Uerumongeo rumorandaido i arodo luwudo mia anu bobarasai ira.

Puu Mpobitara 6:16

Mepau Iramo i Ue ndi onae, ”Aku kumongkomiko, ranta kau nangi ira to Midia kana anu asa mia koa.”

1 Samueli 10:7

Tewala luwuno petondoni andio gagi ndi omue, weweuo hapamo koa anu tekona uweweuo, hangano Ondae Ue Ala kumongkomiko.