Yoeli 3:9 - Wunta Mempori

⁹ Paleleomo mongkona andio i olodo tongku: pepatindamo mpo'aropi peteaa, patinda iramo puu mpetea; asalakono luwuno sorodadu me'umpeda ka melako!

Yoeli 3:9 ပူးပေါင်းရင်းမြစ်များ

Po'unde-unde 96:10

Pepaumo i olodo luwuno tongku, ”Ondaemo i Ue Mokole! Mentee ntu'u, tolino mentade, nahi ta telelu. Ira bitarao luwuno tongku a laro menteea.”

Yesaya 34:1

Ime'umpedamo, hei luwuno tongku, rongeomo, ka pekokoongakonomo, hei luwuno suku tongku! Moikoomo irongeo tolino saru luwuno ihino, wawontolino ka luwuno anu tuwu i wawono.

Yeremia 31:10

Rongeomo pau-Do i Ue, hei luwuno tongku, pauomo a luwuno wita i wiwi ntahi anu olai, potaemo: Ondae anu sumiarawo iramo to Isaraeli Ondae koa mbo'u wali pumpu ira, ka dumagai ira kana puu mpopakambi a bawaano bimbano!

Yeremia 50:2

”Pauomo i olodo luwuno tongku ka paleleomo, wuatako iramo bandera ka paleleomo, si wunio, pauomo: Babeli pinongko'alaomo, Pinesombai Bela pinokoko'ii, i Merodaki tededengke! Luwuno tinahano pinokoko'ii, luwuno lahumoano ntededengke!

Yeremia 51:11

Pokomontasoomo ana mpana, patinda iramo kanta! Doleluomo i Ue rosodo luwuno mokoledo to Midia, hangano tinoo-Do a nto Babeli onaemo ira rumopuo: onaemo pombalo-Do i Ue, pombalo hangano raha mempori-Do!

Yeremia 51:27

Tande iramo bandera i tolino, puuriomo tawuwua i olodo luwuno tongku, patinda iramo tongku umewaio Babeli, tena iramo poparentaa umewaio: Arara, Mini ka Asikenasi! Potoroomo asa mia tadulako umewaio, wawa iramo ngara kana bawaano kosume!

Yeremia 6:4

”Patindaomo peteaa umewaio; aiwamo tomelako mposapoi tempono ntonga oleo!” ”Memasola kitamo, hangano moriniomo oleo, eo-eo ngkiniwia olaiomo!”

Yehesikieli 38:17

Kanandiomo pau-Do Ue Ala: Omuemo atuu, mongkona isema Kupepau i tempo i ndi'ipua molalo luwuno tetenaa-Ku, luwuno nabi Isaraeli, anu mapata'u-ta'u mempauo anu ta gagi i tempo atuu nine Aku wawako umewai ira bawaa-Ku.

Yehesikieli 38:7

Omue pepatindamo saru luwuno tepumpuno mia anu moroko saru omue ka gagimo pepekaduduiado.

Mika 3:5

Kanandiomo pau-Do i Ue a luwuno nabi, anu mokopansia ira tongkuku. Tewala hinao anu nginaino ngisido, ondae mpebooliako sintuwu. A mia anu nahi posimpuakono a ngangado, dome'oluakono mpetea.

Hagai 2:7

Hangano kanandiomo pau-Do Ueno luwuakoano: Nami ta tehine mbo'u Aku lumeluo langi ka tolino, tahi ka wita.

Sakaria 14:2

Aku pumpu ira luwuno tongku ka dompeteaakono Yerusale. Kota atuu ta pinongko'ala, luwuno raha ta rinontu ka luwuno beine ta pinewowaliako. Entonga inso a mpalilino kota atuu asalakono melako a pontadia, sine anu susuano inso a tongku atuu nahi ta pinokotampula inso i kota atuu.

Sakaria 14:3

Ka i'amba Ondae i Ue Ira lumako metea umewaio luwuno tongku atuu kana Dopetea a oleo peteaa.