Yoeli 3:7 - Wunta Mempori

⁷ Menteeano Aku lumelu ira inso a mpo'ianga ba isua ime'asa ira. Aku mosuleo wineweumiu atuu a wawo ulumiu.

Yoeli 3:7 ပူးပေါင်းရင်းမြစ်များ

Esetere 7:10

Ka do'amba mesonsoo i Hamani a ngkeu pinontadeno tiano i Modekai. Ka i'amba morini aroado mokole.

Yesaya 11:12

Onae ta wuatakono asa bandera tiado tongku ka pumpu ira to Isaraeli anu mentinadi, ka ta pumpu ira to Yehuda anu ntesiarawo inso a opaa siuno tolino.

Yesaya 49:12

Kitao, hinao mia hawe inso a olaiano, hinao anu inso i utara ka inso i sumooano oleo, ka hinao anu inso i wita Sinimi.”

Yesaya 66:6

Rongeo, suara tewukaa inso a ngkota, rongeo, haweno inso a Raha Mempori! Rongeo, Ondae i Ue mombalo a luwuno iwali-Do!

Yeremia 23:8

tendeano: Hangano Ondae i Ue anu tuwu anu montaate ka wawa ira inuledo suku Isaraeli mpeluarako inso i wita utara ka inso a luwuno wita ba isua Dosiarawo iramo! Ka do'amba mpo'ia i witado ondaedo.”

Yeremia 30:10

Ka omue, siimo doito, hei tetenaa-Ku Yako, kanandiomo pau-Do i Ue, siimo pondende, hei Isaraeli! Hangano menteeano, Ongkue kumaduduiko inso a mpo'ianga olai ka inulemu inso i wita tadiado. I Yako ta mekule ka tuwu rodo, ka nahina anu mompodengke.

Yeremia 30:16

Sine luwuno mia anu tumeleko ta tinele, ka luwuno iwalimu ira mpewinso a laro pontawaa; mia anu merontuko ta gagi rinontu, ka luwuno mia anu mpomuruko Aku weweuo gagi pomurua.

Yeremia 31:8

Menteeano, Aku wawa ira inso i wita utara ka pumpu ira inso a luwuno tompano tolino; i olodo hinao mia morawu ka mia puungku, hinao beine mentia meronga beine me'ana; asa tepumpua langkai ira mpekule i ndi'ai.

Yeremia 32:37

Menteeano, Aku pumpu ira inso a luwuno wita, ba isua Kusiarawo ira hangano tekuda-Ku, tensilano tekuda-Ku ka mongkokongirino bamburu-Ku. Aku mokule ira a mpo'ianga andio ka weweu ira rodo dompo'ia.

Yehesikieli 36:24

Aku umala komiu inso a luwuno tongku ka pumpu komiu inso i luwuno wita saru wawa komiu mpekule i witamiu.

Yehesikieli 38:8

Tehine ntu'u umarino atuu komohawe parenta. Mapata'u-ta'u lembuino omue kolumako i asa wita anu wali winangu umarino peteaa. Palilino mepinumpu inso i olodo hadio tongku a wawo luwuno torukuno Isaraeli anu tehineomo tekale-kale. Ondae mewinawa mpeluarako inso i tongado luwuno tongku ka luwuno roodo dompo'ia.

Yoeli 3:4

Ka mbo'u, hapa penggoeamu saru Ongkue, hei Tirusi, Sidoni ka luwuno wita Pelisiti? Nde komiu mingki mensulooke wineweu-Ku? Tewala hinao wineweumiu ndi Ongkue, manasa magasi ka Aku koa ronga mosuleo wineweumiu atuu ndi omiu.

Sakaria 9:13

Hangano, Yehuda Kupadiio ndi Ongkue kana wo'eno pana ka umihiiakono Eparai. Aku mesoeakono luwuno anamu, hei Sioni, a luwuno anamu, hei wita Yawani, Aku pakeko kana ponaino asa puu mpe'iwali.

I MATIU 7:2

Hangano kana koa pobitaramiu, kanatuu koa mbo'u komiu mebinitara ka kana koa ponsa'umiu, onae koa mbo'u komiu mensina'uako.

2 TESALONIKA 1:6

Hangano lano ndi Ondae Ue Ala ka Dopombaloakono pompokonsii ndi ondae anu mempokonsii komiu

YAKOBU 2:13

Hangano pebitaraa anu nahina pompehohawa ta gagi a mia anu nahi pompehohawa. Sine ta monangi pompehohawa a mpebitaraa.

MENGKAAA 13:10

Ba isema tinantui ka itinawa, onae ta tinawa; ba isema tinantui ka ipinepateako ponai, onae asalakono pinepateako ponai. Anu kinere i ndi'ai onaemo pompedato ka pompe'ala-alado mia mempori.

MENGKAAA 16:6

Hangano dome'uwuomo reado mia mempori ka luwuno nabi, Omiu mbo'u moweeako iramo rea ka dome'inuo; mongkona atuu tekona ndi ondae!”

MENGKAAA 19:2

hangano mentee ka moleo luwuno pobitaraa-Do, hangano Ondaemo anu bitarao mia belesu ntu'u atuu, anu sumolangio tolino hangano poweweuno mokoburu; ka Ondaemo anu mombaloakono reado tetenaa-Do a mia belesu atuu.”

Puu Mpobitara 1:7

Motae i Adoni-Bese, ”Hinao pitupulu mokole anu tinotopi ine ntoniso kaeno saru ine ntoniso karuno. Mpobini ira toreano kaanga a ntoto medaku; kanamo anu wineweuku, kanandiomo Dosulooakune i Ue Ala ndi ongkue.” Ka do'amba mewawao i Yerusale, ka imate i ra'ai.

1 Samueli 15:33

Sine ipotae i Semueli, ”Kana pinembasaido hadio beine anu ntetadi anado hangano ponaimu, kanatuukoa mbo'u ta membasaio inemu tetadi anano i olodo hadio beine.” Ka i'amba i Semueli sumumbeleo i Aga i aro-Do i Ue i Giliga.