Yoeli 3:5 - Wunta Mempori

⁵ Hangano omiu me'alao salaka ka wulaa-Ku ka mewawao arataa-Ku anu ntekokosi a luwuno pesombaamiu,

Yoeli 3:5 ပူးပေါင်းရင်းမြစ်များ

2 Mokole 12:18

Sine i Yoasi, mokoledo to Yehuda, umalao luwuno pesomba mempori anu ipokomemporiomo i Yosapa, i Yorami ka i Ahasia, luwuno mokoledo to Yehuda, luwuno uempu'uno ka luwuno pesomba memporino onaeno, luwuno mbo'u wulaa anu ninaa a mpopekariaa arataa a raha-Do i Ue ka a langkanaedo mokole, ka i'amba umoliwio luwu ndi Hasaeli, mokoledo to Arami. I Hasaeli nahi gagi sumapoio Yerusale.

2 Mokole 16:8

I Ahasi umalao salaka ka wulaa anu ninaa a laro raha-Do i Ue ka anu pinekaria a langkanaedo mokole, ka i'amba umoliwio ndi mokoledo to Asuri gagi pompowee.

2 Mokole 24:13

I Nebukanesa lumuarakono inso i ra'ai luwuno anu pinekaria a raha-Do i Ue ka anu pinekaria a langkanaeno mokole. Ilangkoo mbo'u wulaa inso a luwuno parewa wulaa anu wineweuno i Salomo mokole i Isaraeli, i raha-Do i Ue kana anu Dopauomo i Ue.

Yesaya 11:11

Tempo atuu Ondae i Ue Ira tumandeo mbo'u kae-Do tumolosi ira bawaa-Do anu da mentuwu anu mpo'ia i Asuri ka Masiri, i Patirosi, Etiopia ka Elami, i Sineari, Hamati ka a luwuno togo i Tahi Tongano.

Yeremia 23:7

Onaemo pu'uno, kanandiomo pau-Do i Ue, menteeano, tempono ta hawe, mia nahi ta motae mbo'u: Hangano Ondae i Ue anu tuwu anu tumaate ira to Isaraeli mpeluarako inso i wita Masiri!,

Yeremia 50:28

Rongeo! Luwuno anu Mpolai ka mia anu mentola inso i wita Babeli aiwa mempauo i Sioni mongkona pombalo-Do i Ue, Ue Alato, pombaloa hangano Raha Mempori-Do.

Yeremia 51:11

Pokomontasoomo ana mpana, patinda iramo kanta! Doleluomo i Ue rosodo luwuno mokoledo to Midia, hangano tinoo-Do a nto Babeli onaemo ira rumopuo: onaemo pombalo-Do i Ue, pombalo hangano raha mempori-Do!

Yehesikieli 37:12

Onaemo pu'uno, pauomo anu ta gagi ka potaemo ndi ondae: Kanandiomo pau-Do Ue Ala: Mentee ntu'u, Ku'ungkahio luwuno kaburumiu ka wangu komiu inso i larono, hei bawaa-Ku, ka Aku wawa komiu i wita Isaraeli.

Danieli 11:38

Gagi euno luwuno atuu onae ta melangkaio pinesombai a luwuno bente. Pinesombai anu nahi domento'orio uempu'uno ta melangkaiakono wulaa ka salaka, paramata ka luwuno parewa anu masuli olino.

Obaja 1:17

Sine i torukuno Sioni ta hina mia anu tepotola; torukuno atuu ta gagi po'ianga mempori, ka inuleno i Yako ta mpe'ueo mbo'u witado.