Yoeli 3:17 - Wunta Mempori

¹⁷ ”Ka komiumo mento'orio nine Ongkuemo Ue Alamiu, anu mo'ia i Sioni, torukuno-Ku anu mempori. Yerusale ta gagi mempori, ka luwuno mia hawe nahi ira ntelaloio mbo'u.

Yoeli 3:17 ပူးပေါင်းရင်းမြစ်များ

Ayubi 15:19

anu butu ndi ondae ipineweengako wita atuu, ka nahina maupo te'asa mia hawe ntelalo i tonga-tongado.

Po'unde-unde 76:2

Ondae Ue Ala mepopoto'ori i Yehuda, nee-Do teto'ori i Isaraeli!

Po'unde-unde 9:11

Kanatuumo anu tumo'orio nee-Miu me'ala-ala Komiu, hangano Omiu nahi bintao mia anu umungke Komiu, oo Ue.

Peluarakoa 16:12

”Kurongeomo pewurukido to Isaraeli; pauako iramo: Tempono ngkiniwia komiu mpongkaa bau ka mo'oru komiu memowohi mpongkaa roti, onae ka imento'oriomo, nine Ongkuemo Ue, Ue Alamiu.”

Yesaya 11:9

Nahina anu ta moweweu mosa'o ke anu mosa'o peleluno a luwuno torukuno-Ku anu mempori, hangano asa wawontolino bukeako ponto'ori ndi Ondae i Ue, kana montutuwi tahi malua.

Yesaya 12:6

Peboolimo ka temaroamo impebooli, hei palilino Sioni, hangano maramba Iramo Anu Tedoa Mempori, Ue Alado to Isaraeli, i tonga-tongamiu!”

Yesaya 35:8

I ra'ai ta hina sala langkai, anu nineeako Sala Mempori; mia anu nahi mempori nahi ta lumaloo, – sine sala atuu pinatindaako bawaa-Do – mia mpelakopi ka maupo mia benge-benge nahi ta tesaa i wawono.

Yesaya 4:3

Mia anu tebinta i Sioni ka mia anu da mentuwu i Yerusale ira mempinau mempori, sompo mia anu teburi ta kongko tuwu i Yerusale.

Yesaya 46:13

Moleo-Ku nami olai mbo'u, hangano Kupoko'umpedaomo ka tolaa anu Kupeweengakono nahi tepotulu mbo'u; Aku mompowee pongkadudui i Sioni ka maramba-Ku ndi Isaraeli.”

Yesaya 52:1

Pekaangakomo, Pekaangakomo! Pokonaomo rosomu, hei Sioni! Pokonaomo sangka pinelangkaimu, hei Yerusale, kota anu mempori! Hangano, mia anu nahi petindi ke anu mokoburu nahi ta mewinso mbo'u i laromu.

Yesaya 56:7

ondae Aku wawa ira a ntorukuno-Ku anu mempori ka Aku moweeako ira mawongkoa a raha pekakaia-Ku. Aku memoikoo luwuno pesomba tinunu ka pesomba sinumbeledo anu pinesombaakodo a wawo meda pontunua pesomba ndi Ongkue, hangano raha-Ku ta pinewua raha pekakaiado luwuno tongku.

Yeremia 31:23

Kanandiomo pau-Do Ueno luwuakoano, Ue Alado to Isaraeli, ”Mia ira mempauo mbo'u pau andio i wita Yehuda ka a luwuno kotano, tewala Kupomuleomo teweweudo: Po'ineeomo ka Doronsoko i Ue, hei po'iangano menteea, hei torukuno anu mempori!

Yeremia 31:40

Luwuno lembono atuu, saru luwuno wata ngkoroi ka awuno pesombano, ka luwuno wita i wiwi ngkoro Kidironi hawe a nsiuno Pewowa Langkai Ngara te'aro i sabaano oleo, ta gagi mempori ndi Ondae i Ue, ka nahi ta rinawo-rawo ke pinobangku mbo'u ranta nahina tampulaano.”

Yehesikieli 20:40

Hangano, a wawo ntorukuno-Ku anu mempori, a wawo ntorukuno Isaraeli anu ondau, kanandiomo pau-Do Ue Ala, i ra'ai, i wita atuu, luwuno suku Isaraeli luwuno ira mpesomba ndi Ongkue. I ra'ai Aku memoiko komiu ka i ra'ai Aku tumuntuo inso ndi omiu luwuno pesomba pinesusua luwuno pesomba kaanga anu tebiniki, saru luwuno anu pinokomemporimiu.

Yehesikieli 37:6

Aku weeakomiu luwuno ia, ka motuwuo ihimiu, saru tumutuwiakomiu kuli. Aku moweeakomiu penaa, ka iwali mentuwu. Ka komiu mento'orio nine Ongkuemo Ue.”

Yehesikieli 43:12

Ndiomo pompakosi mongkona Raha Mempori atuu: luwuno wita i punsuno torukuno atuu tedoa mempori. Mentee ntu'u, onaemo atuu pompakosi mongkona Raha Mempori atuu.”

Yehesikieli 44:9

Onaemo pu'uno, kanandiomo pau-Do Ue Ala: Nahina maupo te'asa mia inso a luwuno mia hawe anu nahi petindi ke maupo nahi petindi aroano, moiko ipewinso a laro po'ianga mempori-Ku, humbee sompo mia hawe anu kongko i tonga-tongado to Isaraeli.

Yehesikieli 48:35

Gaagi, limbuno kota atuu hopulu ka oalu nsowu hiku. Mompu'u oleo atuu neeno kota atuu: Ondae i Ue kongko i tu'ai.”

Danieli 11:45

Onae ta mompontade kema langkaino pabawano i olono tahi ka Torukuno Tekosi anu mempori atuu. Sine ta humaweo mateano ka nahina maupo te'asa mia tumulungio.”

Danieli 9:16

Oo Ue, menunu saru luwuno moleo-Miu, po'ineeomo tekuda ka bamburu-Miu moliu inso i Yerusale, kota-Miu, torukuno-Miu anu mempori. Hangano halamami ka salado uempu'umami weweuo Yerusale ka bawaa-Miu gagi tataado luwuno mia i horimami.

Yoeli 2:27

Komiu koa mento'orio nine Ongkue kongko i olodo to Isaraeli, ka nine Ongkuemo Ue, Ue Alamiu; nahina anu susua. Bawaa-Ku nahi ira memongkoko'ii mbo'u ranta nahina tampulaano.”

Yoeli 3:21

Aku mombaloakono reado anu napi Kupombaloakono; Ondae i Ue mo'ia i Sioni.”

Mika 4:7

Ondae anu luuka Aku mokogagi ira torea anu pinokowo'ohu, ka ondae anu mensinaari gagi aasa tongku moroso. Ondae i Ue Ira gagi mokoledo i torukuno Sioni, mompu'u kanandio-andio ranta nahina tampulaano.

Nahumi 1:15

Kitaomo! A wawo luwuno torukuno pelempaado mia anu mpowawa lele, anu mpopalele rodoa ka manangaia. Rame-rameomo oleo langkaimu, oo Yehuda, owahiomo pontangamu! Hangano nahi ta hina mbo'u mia lambaha sumapoiko; onae pinokotampulaomo mpiha!

Sakaria 8:3

Kanandiomo pau-Do i Ue: Aku mekule i Sioni ka Aku mo'ia i tonga-tongano Yerusale. Yerusale ta pinau Kota Metenunu, ka torukuno-Do Ueno luwuakoano ta pinau Torukuno Mempori.

MENGKAAA 21:27

Sine nahi ta mewinso i larono hapamo koa anu mokoburu, ke mia anu moweweu mokoburua ke megaupi, sine butu ondae anu needo teburi a wunta tuwua-Do Ana Bimba atuu.