Yoeli 3:12 - Wunta Mempori

¹² Po'ineeomo luwuno tongku mpelelu ka melako a Lembono Yosapa, hangano i ra'ai Aku mentoro bitara ira luwuno tongku inso a luwuno siuno.

Yoeli 3:12 ပူးပေါင်းရင်းမြစ်များ

2 Tawarika 20:26

Ia oleo ko'opaa mpepumpu ira i Lembono Po'unde-unde. I ra'aimo dome'unde-unde Ira i Ue ka onaemo pu'uno mia meneeakono po'ianga atuu Lembono Po'unde-unde ranta kanandio-andio.

Po'unde-unde 7:6

po'ineeomo ilulu aku iwali ka rumako aku, lumolandao tuwuku a wita, ka numaao pelangkaiku a laro pampawu.

Po'unde-unde 96:13

i aroDo i Ue, hangano hawe Ira, hangano Ondae hawe Ira bitarao tolino. Ira bitarao wawontolino a laro menteea, ka luwuno tongku a laro menteea-Do.

Po'unde-unde 98:9

i aro-Do i Ue, hangano Ondae aiwa Ira bitarao tolino. Ira bitarao tolino a laro moleoa, ka luwuno tongku a laro menteea.

Yesaya 2:4

Ira bitarao luwuno tongku ka putusio kara-karano hadio sukuno tongku. Ira melabuo luwuno ponaido gagi mata mpadeko ka kansaido gagi piso ponsewo; tongku nahi ira mpontande mbo'u ponai mo'ewai tongku susua, nahi ira mpepaguru mbo'u mpetea.

Yesaya 22:1

Pau-Do anu pabawa a ”Lembono Pongkitaa.” Hinao hapa ndi omiu, ranta luwuno palilimu mpewuatako a wawo atono raha,

Yesaya 3:13

Ondae i Ue mo'ala po'ianga Ira motuntu ka mentade Ira bitarao luwuno tongku.

Yehesikieli 30:3

Oleo atuu umpedaomo, oleo-Do i Ue umpedaomo, oleo menseru wongi-wongi; onaemo atuu tempodo luwuno tongku.

Yehesikieli 39:11

A oleo atuu Aku moweeakono i Goge asa po'ianga, isua onae ba ikinaburu i Isaraeli, i Lembono Pesakiakoa i sabaano oleo inso i tahi ka kaburu atuu ta umonsoi ira mia anu mpesakiako. I ra'ai i Goge ta kinaburu saru luwuno mia hadio anu tumondao, ka po'ianga atuu ta nineeako Lembono Hamoni Goge.

Yoeli 3:14

Hadio mia, hadioomo mia i lembono potantuia! Oo, rangkuomo oleo-Do i Ue i lembono potantuia!

Yoeli 3:2

Aku pumpu ira luwuno tongku ka wawa ira mpetii a Lembono Yosapa; Aku mekara-karaako ira i ra'ai mongkona bawaa-Ku ka mia-Ku, Isaraeli, hangano domensiarawo ira i olodo luwuno tongku ka mpetia-tiao wita-Ku;

Mika 4:3

Ira bitarao hadio tongku, ka Ira momputusi kara-karado luwuno tongku anu langkai hawe a mpo'ianga anu olai. Ira mempaluo ponaido gagi mata mpadeko, ka kansaido gagi piso pekeru; tongku nami ira mbo'u mpotande ponai mo'ewai tongku, ka ondae nami ira mbo'u mpepaguru mpetea.

Sakaria 14:4

I tempo atuu karu-Do ta melanda a pongku wita Saitu anu po'iangano tepo'aro saru Yerusale i sabaano oleo. Pongku wita Saitu atuu ta tebansi orua inso i sabaano oleo hawe i sumooano oleo, ranta ka igagi lembono anu tedoa molue. Asa ntia orua inso a pongku atuu ta mepahe i utara ka asa ntia oruano mbo'u i selata.

MENGKAAA 19:11

Ka ku'amba kumitao suruga te'ungkahi: menteeano, hinao aasa ngara mopute; ka Ondae anu mesawikio meneeako: Anu Metenunu ka Anu Mentee, moleo Dopobitara ka metea.