Yoeli 3:11 - Wunta Mempori

¹¹ Irongamo me'aiwa, hei luwuno tongku inso a luwuno siuno, ka pepumpumo i ra'ai! Ipotiiomo, oo Ue, luwuno sorodadu-Miu!

Yoeli 3:11 ပူးပေါင်းရင်းမြစ်များ

Po'unde-unde 103:20

Unde-unde Iramo i Ue, hei luwuno mala'eka-Do, hei luwuno pongkiari moroso anu weweuo pau-Do tempono irongeo suarano pau-Do.

Yesaya 10:34

Tobu mongura ta tinuehiako uase, ka Libano saru luwuno keuno anu tedoa langkai ta tedonta.

Yesaya 13:3

Kuparenta iramo mia anu Kupokomemporio, Kupoboi ira mia-Ku anu moroso anu mo'unde a mpoponangi-Ku, ka motiio tekuda-Ku.

Yesaya 37:36

Ka i'amba meluarakoomo Mala'eka-Do i Ue ka mepateo asa etu halo pulu ka olima nsowu mia a mpekemaado to Asiuri. Tisomono, tempono dompewangu mia mo'oru, tengkitaomo luwuno gagiomo wata ngkoroi!

Yoeli 3:2

Aku pumpu ira luwuno tongku ka wawa ira mpetii a Lembono Yosapa; Aku mekara-karaako ira i ra'ai mongkona bawaa-Ku ka mia-Ku, Isaraeli, hangano domensiarawo ira i olodo luwuno tongku ka mpetia-tiao wita-Ku;

Mika 4:12

Sine nahi domento'orio tinoo-Do i Ue; Nahi dompokonto'orio pomputusi-Do, nine Ira mempinumpu kana te'uno gandu a ponsesaa.

Sepanya 3:8

Onaemo pu'uno, sikori Akumo a oleo Kugagi sakosii, kanandiomo pau-Do i Ue. Hangano, Kupo'asaomo aroa-Ku, Aku pumpu ira luwuno tongku ka poparentaa ka Aku umuwuo tekuda-Ku ndi ondae, luwuno tekuda-Ku anu tensila. Menteeano asa wawontolino ta pingko ikaano api mahakino aroa-Ku.”

2 TESALONIKA 1:7

ka ndi omiu anu mempinokonsii Dopowee komiu sanaa aroa ka ndi omami mbo'u, i tempono Dopesabaako i Yesu inso i laro nsuruga meronga saru luwuno mala'eka-Do, a mpabawa-Do, a laro api anu kolanga-langa,

MENGKAAA 19:14

Ka luwuno sorodadu anu i suruga mentonda Ira; ondae mpesawi a ngara mopute ka mpopokona lena alusu anu mopute ntu'u.