Yoeli 2:32 - Wunta Mempori

³² Isemamo koa anu mebooli a nee-Do i Ue ta kinadudui, hangano i Torukuno Sioni ka i Yerusale ta hina tekaduduia; kana anu Dopauomo i Ue, sompo mia anu pinoboi-Do i Ue ta tewinso a luwuno mia anu tepotola.”

Yoeli 2:32 ပူးပေါင်းရင်းမြစ်များ

Tegagia 4:26

Asa mbo'u ana ntamano i Seti pine'anaako, ka ineeakono i Enosi. I tempomo atuu mia mpompu'u mpoboio nee-Do i Ue.

Po'unde-unde 50:15

Peboolimo ndi Ongkue i tempono ma'isoa, Aku motolako, ka omue ko'umunde-unde Aku.” Sela

Yesaya 10:22

Hangano maupo tongkumu, hei Isaraeli, kana one a ntahi hadiono, sine butu anu da tuwu ta mekule. Matea pinakosiomo, anu luluaako moleoa.

Yesaya 11:11

Tempo atuu Ondae i Ue Ira tumandeo mbo'u kae-Do tumolosi ira bawaa-Do anu da mentuwu anu mpo'ia i Asuri ka Masiri, i Patirosi, Etiopia ka Elami, i Sineari, Hamati ka a luwuno togo i Tahi Tongano.

Yesaya 11:16

Te'ipua ta hina sala langkai tiado bawaa-Do anu da mentuwu anu mpo'ia i Asuri, kana anu hinaomo tiado to Isaraeli i ndi'ipua, i tempono dompeluarako inso i wita Masiri.

Yesaya 4:2

I tempo atuu tumba anu Dopotuwuo i Ue ta gagi tekosi ka maramba, ka hasilino wita gagi po'undea ka pompelangkai a nto Isaraeli anu tola.

Yesaya 46:13

Moleo-Ku nami olai mbo'u, hangano Kupoko'umpedaomo ka tolaa anu Kupeweengakono nahi tepotulu mbo'u; Aku mompowee pongkadudui i Sioni ka maramba-Ku ndi Isaraeli.”

Yeremia 31:7

Hangano, kanandiomo pau-Do i Ue: Peboo-boolimo mawongkoakono i Yako saru po'unde, memawongkomo mongkona petewawado luwuno tongku! Paleleomo, unde-undeomo ka pauomo: Ue Ikadudui iramo bawaa-Miu, to Isaraeli anu da tebinta!

Yeremia 33:3

Peboolimo ndi Ongkue, asalakono Aku sumangkiko ka pauakomu mongkona wineweu anu langkai anu nahi pinokonto'ori, mongkona wineweu anu nahi uto'orio.

Amosi 9:8

Menteeano, mata-Do Ue Ala te'aro a poparentaa anu tehala andio: Aku mokoropuo inso i wawontolino; Sine nahi Aku rumopuo inuleno i Yako ranta ka ipingko,” kanandiomo pau-Do i Ue.

Obaja 1:17

Sine i torukuno Sioni ta hina mia anu tepotola; torukuno atuu ta gagi po'ianga mempori, ka inuleno i Yako ta mpe'ueo mbo'u witado.

Obaja 1:21

Luwuno anu mpongkadudui ira mpewuatako a wawo Torukuno Sioni ira mebitarao mentorukuno Esau; ka poparentaa atuu ta gagi tia-Do i Ue.

Mika 5:3

Onae ta moroso pakambi ira a laro roso-Do i Ue, a laro langkaino nee-Do Ue Alano; ira mpo'ia mpiha, hangano kanandio-andio langkaino pabawa-Do ta hawe i tompano wawontolino.

Sakaria 13:9

Aku numaao anu asa ntia otolu atuu a laro api ka mokomempori ira kana mompokomempori salaka. Aku umara-arahako ira, kana mo'ara-arahako wulaa. Ira mpoboio nee-Ku, ka Aku sumangki ira. Aku mepau: Ondaemo bawaa-Ku, ka ira mesangki: Ondae i Ue Ondaemo Ue Alaku!”

I YOHANE 10:16

Hinao mbo'u ndi Ongkue bimba susua, anu komba inso a rahado bimba andio; bimba atuudo asalakono Kutaate ira mbo'u ka ira merongeo suara-Ku ka ira megagi asa bawaa ka aasa puu pompakambi.

I YOHANE 4:22

Omiu mpesombaio hapa anu nahi imento'orio, omami mpesombaio hapa anu kimento'orio, hangano tekaduduia hawe inso a tongku Yahudi.

WINEWEUDO TINENA 15:17

Ka dome'ungke ira luwu mia susua Ondae i Ue ka luwuno tongku anu nahi domento'ori Ira Ue Ala, anu Kupauo bawaa-Ku kanandiomo pau-Do i Ue anu weweuo luwuno andio,

WINEWEUDO TINENA 2:39

Hangano tiamiumo dandi atuu ka tiado anamiu ka tiado mia anu da olai, onaemo montonda hadiono anu Ira moboio Ue Alato.”

ROMA 11:26

Kanandiomo pesalaano luwuno to Isaraeli ira mengkinadudui, kana hinao teburi, ”Inso i Sioni Ira hawe Pontolosi, Ira umoninio luwuno pinogauno i Yako anu mosa'o.

ROMA 11:5

Kanatuu koa mbo'u i tempo andio hinao mo'ia toreano, montonda pobinikino pompehohawa-Do.

ROMA 11:7

Gaagi kana'umpe? To Isaraeli nahi domehaweo hapa anu inungkedo, sine mia anu tebiniki mpohawe iramo. Ka mia anu mehano moteaomo aroado,

ROMA 9:24

onaemo ontae, anu Dopoboi kitamo komba butu inso i olodo to Yahudi, sine inso mbo'u a luwuno tongku susua,

ROMA 9:27

Ka i Yesaya mebooli mongkona Isaraeli, ”Maupo porokono anano i Isaraeli kana one a ntahi, sine butu toreano ta kinadudui.

1 KORINTI 1:2

a bawaa-Do Ue Ala i Korinti, onaemo ondae anu pinokomempori ndi Ondae i Kerisituu Yesu ka anu mempinoboi gagi mia memempori, saru luwuno mia a luwuno po'ianga, anu mpebooli a nee-Do Ueto i Yesu Kerisituu, onaemo Uedo ka Ueto.

IBARANI 12:22

Sine me'aiwa komiumo a Pongku Sioni, a ngkota-Do Ue Ala anu tuwu, Yerusale nsuruga ka a sowu-sowuno mala'eka, aasa tepumpua anu maroa,