Yoeli 2:28 - Wunta Mempori

²⁸ ”Ta gagi lembuino, nine Aku umuwuo Penaa-Ku a wawo luwuno mia, luwuno anamiu tama ka beine ira mpopau anu ta gagi; luwuno miamiu anu mota'u ira memo'ipi, luwuno mangalitaumiu ira mpohawe hadio pongkita.

Yoeli 2:28 ပူးပေါင်းရင်းမြစ်များ

Powadi 1:23

Pewolilimo a mpekuahakoku! Menteeano, aku umuwuo penaaku ndi omue ka pauo pauku ndi omue.

Yesaya 32:15

hawe kai inuwu ndi ontae Penaa inso i wawono; pada one ta gagi lere wua mpinopaho, lere wua mpinopaho ta rineke tobu.

Yesaya 40:5

asalakono maramba-Do i Ue ta pinokomengkaa ka luwuno mia ira mengkitao mperonga-ronga; mentee ntu'u, Dopauomo i Ue.”

Yesaya 44:3

Hangano, Aku umuwuo uwoi a wawo wita anu mokoranga, ka usa marombo a wawo wita anu mokari. Aku umuwuo Penaa-Ku a inulemu, ka ronso-Ku a ana'uemu.

Yesaya 49:26

Aku weweu ira mia anu mpokonsiiko mengkaano baudo ondaedo, ka ira memolangu mpo'inu reado ondaedo, kana mia molangu mo'inu anggoro wo'ohu, ka domento'orio luwu mia hadio, nine Ongkuemo, Ue, Puu Pongkaduduimu ka Anu Tumolosiko, Anu Tedoa Moroso, Anu Kumaduduio i Yako.”

Yesaya 49:6

kanandiomo pau-Do, ”Tedeilahi lahi butu kogagi tetenaa-Ku, tumeahako ira sukuno i Yako ka mokule ira to Isaraeli anu mentola. Aku weweuko gagi mewinedo luwuno tongku ka pongkadudui-Ku ka ihawe koa i tompano tolino.”

Yesaya 54:13

Luwuno anamu ira megagi ana guru-Do i Ue, ka langkaiomo manangaido anamu.

Yeremia 23:25

Kurongeomo hapa anu mempinaudo nabi, anu mpompau nahi mentee a nee-Ku saru mpotae: Mo'ipi akumo, mo'ipi akumo!

Yeremia 23:28

Nabi anu mohawe mo'ipi, po'ineeomo itutuluo mo'ipi atuu, ka nabi anu mohawe pau-Ku, po'ineeomo ipohaweo pau-Ku atuu a menteeano! Hapa penggoeno olono seami ka gandu? Kanandiomo pau-Do i Ue.

Yehesikieli 36:27

Penaa-Ku Aku numaao i laro aroamiu ka Aku weweu komiu mentuwu montonda luwuno pompakosi-Ku ka mpe'ini mpiha a luwuno atora-Ku saru meweweuo.

Yehesikieli 37:14

Aku weeakomiu Penaa-Ku, onaemo ka iwali mentuwu ka Aku numaa komiu i witamiu. Ka komiu mento'orio nine Ongkuemo, Ue, anu pauo ka weweuo, kanandiomo pau-Do i Ue.”

Yehesikieli 39:29

Nahi Aku wunio mbo'u rupa-Ku ndi ondae, hangano Aku motiio Penaa-Ku i wawodo suku Isaraeli, kanandiomo pau-Do Ue Ala.”

Danieli 7:1

A nta'u amba-ambano poparentaano i Belesiasari, mokoledo to Babeli, mo'ipiomo i Danieli ka mohawe pongkita a mpoturiano. Ka i'amba burio mo'ipino atuu ka ndiomo tutuluno.

Sakaria 12:10

”Aku motiio penaa pompehohawa ka po'emano somborino i Daudi ka palilino Yerusale. Ira mengkita Aku anu tinobodo. Ira mensabangio kana mia monsabangi ana anu asa-asa, ka ira mpengeseio a laro masukarano tumuwu kana mia mompengesei ana aka.

Podoaa 11:17

Aku metii ka mepau saru omue i ra'ai, ka Ku'amba umalao asa ntia Penaa anu kongko ndi omue ka numaao ndi ondae, ka saru omue ira mentembio anggaa a luwuno tongku atuu ka siimo mbo'u utembio asa-asamu.

Podoaa 12:6

Mepau Ira, ”Irongeomo pau-Ku andio. Tewala i olomiu hinao asa mia nabi, asalakono Ongkue Ue mokomengkaao koroi-Ku ndi onae a laro pongkita. Aku mepau saru onae a laro mo'ipi.

I LUKASI 1:67

Ka i Sakaria, amano, bukeako Penaa Mempori, ka i'amba mompau anu ta gagi, ipotae,

I LUKASI 3:6

ka luwuno mia ira mengkitao tekaduduia inso ndi Ondae i Ue.”

I YOHANE 7:39

Anu tinoo-Do onaemo Penaa anu ira mentarimao anu mpompe'ala-ala ndi Ondae; hangano Penaa atuu napi hawe, hangano Ondae i Yesu napi Dopinokomaramba.

WINEWEUDO TINENA 2:33

Ka umari-Do tinandeako kae ngkoana-Do Ue Ala ka montarima Penaa Mempori anu dinandi atuu, ka Dopotiio hapa anu kinitamiu ka rinongemiu i ndi'ai.

WINEWEUDO TINENA 2:39

Hangano tiamiumo dandi atuu ka tiado anamiu ka tiado mia anu da olai, onaemo montonda hadiono anu Ira moboio Ue Alato.”

WINEWEUDO TINENA 21:9

I Pilipu hinao anano opaa ira ana beine anu mpohawe pompowee mpompau anu ta gagi.

GALATIA 3:28

Mongkona anu andio nahina to Yahudi ke to Yunani, nahina ata ke mia maradeka, nahina tama ke beine, hangano luwumiu aasa koa ndi Ondae i Kerisituu Yesu.

IBARANI 1:1

Mansano a tempo i ndi'upua Ondae Ue Ala mararu ka a mperupa-rupa pesalaa-Do mepau a uempu'uto telalo a luwuno nabi,

1 Samueli 19:20

I Saulu tumena ira mia lumako merakoo i Daudi. Sine, domengkitao asa bawaa nabi kontongaado mebukeako Penaa, i Semueli petewawado. Luwuno mia mentinenano i Saulu atuu, ipabawai ira koa mbo'u Penaa-Do Ue Ala, ranta ondae mbo'u kana iramo nabi.

1 Samueli 19:21

Mansano pinauako i Saulu anu gagi atuu, onaemo kai wali montena mia susua, sine ondae koa mbo'u mebukeako Penaa kana nabi. Kopentoluno i Saulu montena mbo'u mia, ka ondae koa mbo'u mebukeako Penaa kana nabi.

1 Samueli 28:6

Ka i'amba i Saulu mo'ema pontiso ndi Ondae i Ue, sine nahi Dosangkio i Ue, maupo a mo'ipi, telalo a Urimi, ke a luwudo nabi.