Yoeli 2:27 - Wunta Mempori

²⁷ Komiu koa mento'orio nine Ongkue kongko i olodo to Isaraeli, ka nine Ongkuemo Ue, Ue Alamiu; nahina anu susua. Bawaa-Ku nahi ira memongkoko'ii mbo'u ranta nahina tampulaano.”

Yoeli 2:27 ပူးပေါင်းရင်းမြစ်များ

Po'unde-unde 46:5

Hinao asa korono, luwuno waaano mokonsanaao kota-Do Ue Ala, po'ianga mempori-Do Anu Tedoa Mempori.

Po'unde-unde 68:18

Luwuno kareta-Do Ue Ala mopulu nsowu, tendeano mapasowu-sowu hadiono; Ondae i Ue hawe Iramo inso i Sinai, mewinso a mpo'ianga mempori!

Powadi 1:23

Pewolilimo a mpekuahakoku! Menteeano, aku umuwuo penaaku ndi omue ka pauo pauku ndi omue.

Yesaya 12:6

Peboolimo ka temaroamo impebooli, hei palilino Sioni, hangano maramba Iramo Anu Tedoa Mempori, Ue Alado to Isaraeli, i tonga-tongamiu!”

Yesaya 44:3

Hangano, Aku umuwuo uwoi a wawo wita anu mokoranga, ka usa marombo a wawo wita anu mokari. Aku umuwuo Penaa-Ku a inulemu, ka ronso-Ku a ana'uemu.

Yesaya 44:8

Siimo pondende ka siimo doito! Kombake inso i ndi'ipua Kupaleleomo ka Kupauomo mongkona atuu ndi omiu. Omiumo sakosii-Ku! Hinaoke pinesombai sangkadio Ongkue? Nahina Torukuno Watu anu susua, nahina anu tino'ori-Ku!”

Yesaya 45:18

Kanandiomo pau-Do i Ue, anu mokogagio langi; Ondaemo Ue Ala anu weweuo tolino, anu mokogagio ka kumorahakono; anu mokogagio komba ka imooa, tendeano weweuo ka ipino'iangari, ”Ongkuemo Ue ka nahina anu susua.

Yesaya 45:5

Ongkuemo Ue ka nahina anu susua; sangkadio Ongkue nahina Ue Ala. Kupoweeakomumo parewa mpetea, maupo nahi uto'ori Aku,

Yesaya 45:6

ka domento'orio mia inso i sabaano oleo hawe a nsumooano, nine nahina anu susua sangkadio Ongkue. Ongkuemo Ue ka nahina anu susua,

Yesaya 46:9

pewowoloomo mongkona anu i ndi'ipua inso mompu'u se'eluno ntu'u, menteeano Ongkuemo Ue Ala ka nahina anu susua, Ongkuemo Ue Ala ka nahina anu kana Ongkue.

Yesaya 49:23

Luwuno mokole ira megagi puu mpete'iamu ka kombiado megagi puu mpete'ia beine ndi omue. Ira mpesomba ndi omue ranta rupado hawe a wita ka ira mensile'io pampawu a ngkarumu, Ka kotumo'orio, nine Ongkuemo Ue, ka mia anu mensisikori Aku nahi ira mpohawe mokoko'ii.”

Yesaya 53:6

Ontae luwu ntesaa kana bimba, ontae singge mpo'ala salato ontaeto, sine Dopotiiomo i Ue ndi onae mosa'ono wineweuto luwu.

Yehesikieli 37:6

Aku weeakomiu luwuno ia, ka motuwuo ihimiu, saru tumutuwiakomiu kuli. Aku moweeakomiu penaa, ka iwali mentuwu. Ka komiu mento'orio nine Ongkuemo Ue.”

Yehesikieli 39:22

Suku Isaraeli ira mento'orio nine Ongkuemo Ue, Ue Alado, mompu'u oleo atuu ka nahina tampulaano.

Yehesikieli 39:28

ira mento'orio nine Ongkuemo Ue, Ue Alado, anu wawa ira a laro pontadia i tongado luwuno tongku ka wali pumpu ira i witado ka nahi Kupo'ineeo maupo te'asa mia inso ndi ondae mo'ia i ra'ai.

Yehesikieli 39:29

Nahi Aku wunio mbo'u rupa-Ku ndi ondae, hangano Aku motiio Penaa-Ku i wawodo suku Isaraeli, kanandiomo pau-Do Ue Ala.”

Yoeli 2:26

Komiu mpepotende mpongkaa ka memowohi, ka komiu me'unde-undeo nee-Do i Ue, Ue Alamiu, anu weweuo wineweu kinohali-haliako ndi omiu. Bawaa-Ku nahi ira memongkoko'ii mbo'u ranta nahina tampulaano.

Yoeli 3:17

”Ka komiumo mento'orio nine Ongkuemo Ue Alamiu, anu mo'ia i Sioni, torukuno-Ku anu mempori. Yerusale ta gagi mempori, ka luwuno mia hawe nahi ira ntelaloio mbo'u.

Yoeli 3:21

Aku mombaloakono reado anu napi Kupombaloakono; Ondae i Ue mo'ia i Sioni.”

Sepanya 3:11

Ia oleo atuu nahi komohawe mokoko'ii hangano luwuno pe'ewa anu wineweumu ndi Ongkue, hangano i tempo atuu Aku meliahako inso i tonga-tongamu luwuno miamu anu mpo'unde a laro pompelangka-langkai, ka omue nami komompelangka-langkai mbo'u torukuno anu pinokomempori-Ku.

Sepanya 3:17

Ondae Ue Alamu kongko i tonga-tongamu; Ondaemo pongkiari anu mompowee ponangia. Domawongkoakomu saru buke po'unde. Dopokowo'ohuko a laro pompehohawa-Do, Ondae meboo-booliako pebooli mpo'unde hangano omue,

Sakaria 2:9

Menteeano Aku tumandeo kae-Ku umewai ira, ka ondae ira megagi pomuruado mia anu hieno mpetuundu ndi ondae.” Ka komiu mento'orio, nine Ondae Ueno luwuakoano anu tumena aku.

Podoaa 11:29

Sine motae i Musa ndi onae, ”Nde mokuako koa ke mokowali aku? Ha, ande-andeno luwuno bawaa-Do i Ue gagi nabi, hangano Ondae i Ue moweeako ira Penaa-Do!”

Podoaa 23:21

Nahi tengkita masolaa ndi Yako, ka nahi tengkita urasa'o i Isaraeli. Ondae i Ue, Ue Alado kumongkomi ira ka po'undedo ndi Ondae, Mokoledo.

2 KORINTI 6:16

Hapake penggoeano raha-Do Ue Ala saru lahumoa? Hangano ontae onaemo raha-Do Ue Ala anu tuwu montonda pau-Do Ue Ala andio, ”Aku mo'ia me'asaako ira ka tuwu i tonga-tongado, ka Aku gagi Ue Alado, ka ondae gagi bawaa-Ku.

Winali 23:14

Hangano Ondae i Ue, Ue Alamu melempa inso i tonga-tongano pekemaamu Ira motolako ka meweengakono iwalimu ndi omue. Asalakono pekemaamu atuu mempori, kasi Dopongkita hapa anu nahi penunu i olomu, ka Dopebungkuiko.”

1 PETURU 2:6

Hangano hinao teburi, ”Menteeano, Kunaao i Sioni aasa watu anu tebiniki, aasa watu siuno anu masuli olino, ka isema anu me'ala-ala Ira, nahi ta pinokoko'ii.”

MENGKAAA 21:3

Ka ku'amba rumongeo suara anu meroku inso a ngkadera poparentaa atuu motae, ”Kitaomo, kema-Do Ue Ala kongko i tonga-tongado mia ka Ira mo'ia meronga saru ondae. Ondae ira megagi bawaa-Do ka Ondae Ira gagi Ue Alado.