Yoeli 2:26 - Wunta Mempori

²⁶ Komiu mpepotende mpongkaa ka memowohi, ka komiu me'unde-undeo nee-Do i Ue, Ue Alamiu, anu weweuo wineweu kinohali-haliako ndi omiu. Bawaa-Ku nahi ira memongkoko'ii mbo'u ranta nahina tampulaano.

Yoeli 2:26 ပူးပေါင်းရင်းမြစ်များ

Tegagia 33:11

Po'ineeomo ka itarimao pompoweeku andio, anu kuwawaomo ndi omiu, hangano Dopehohawa akumo Ue Ala ka luwuno hinao ndi ongkue.” Ka i'amba dumadaio i Esau, ranta ka itarimao i Esau.

Nehemia 9:25

Luwuno kota mebente dompoko'alao ka wita anu mewalo. Domerontuo luwuno raha anu bukeako mperupa-rupa sangka masuli olino, luwuno sumuru anu kineke, lere anggoro ka lere saitu saru luwuno keu anu mewua tedoa hadio. Mpongkaa ira memowohi ka gagi mewalo. Hadio ntu'u pepotuwudo, hangano pompehohawa-Miu anu langkai.

Po'unde-unde 103:5

Ondae anu mokontendeakono moikoa po'eheno aroamu, ranta tempo monguramu gagi wo'ohu kana rajawali.

Po'unde-unde 116:7

Walimo pomperodo, hei sumangaku, hangano Ondae i Ue moweweu Iramo moiko ndi omue.

Po'unde-unde 13:6

Sine ongkue, a pompehohawa-Miu kupe'ala-alao, aroaku meboo-booli hangano pongkadudui-Miu. Aku menani tia-Do i Ue, hangano moweweu Iramo moiko ndi ongkue.

Po'unde-unde 22:26

Hangano Omiu ongkue menaniako po'unde-unde a laro bawaa anu langkai; tinangaku aku umowahio i arodo anu doitoako Ira.

Po'unde-unde 37:19

ondae nahi domempinokoko'ii i tempono masolaa, ka ira memowohi a luwuno oleo mokoninggoa.

Po'unde-unde 67:5

Po'ineeomo domemawongko suku tongku ka mengkokora-kora mpo'unde, hangano moleo Iparentao luwuno tongku, ka tumaate ira suku tongku i tolino. Sela

Po'unde-unde 72:18

Inunde-unde Iramo i Ue, Ue Alado to Isaraeli, asa-asa-Do weweuo wineweu kinohali-haliako!

Powadi 13:25

Mia mentee mongkaa hawe mowohi, sine kompono mia mosa'o gauno marasaiako makuraa.

Penani Maramba 5:1

Aiwa aku a lereku, uai, umbungkoroiku, kupumpuo mire ka rampa-rampaku, kukaano inenano hoani ka siu hoaniku, ku'inuo anggoroku ka susuku. Impongkaamo, wali-waliku, impo'inumo, impo'inumo ranta molanguako pompehohawa!

Yesaya 25:1

Oo Ue, Omiumo Ue Alaku; aku melangkai Komiu, umunde-undeo nee-Miu, hangano Iweweuomo luwuno tinoo-Miu anu kinohali-haliako, anu mompu'u i ndi'ipua pine'ala-ala ka moroso.

Yesaya 29:22

Onaemo pu'uno, kanandiomo pau-Do i Ue, Ue Alado inuleno i Yako, Ondaemo anu tumolosio i Burahima, ”Mompu'u kanandio-andio i Yako nahi pohawe mbo'u mokoko'ii, ka rupano nahi momite mbo'u.

Yesaya 45:17

Sekono Isaraeli Dokaduduiakono i Ue tekaduduia anu nahina tampulaano; nahi komiu memokoko'ii ke mpohawe mokoko'iia ranta nahina tampulaano.”

Yesaya 49:23

Luwuno mokole ira megagi puu mpete'iamu ka kombiado megagi puu mpete'ia beine ndi omue. Ira mpesomba ndi omue ranta rupado hawe a wita ka ira mensile'io pampawu a ngkarumu, Ka kotumo'orio, nine Ongkuemo Ue, ka mia anu mensisikori Aku nahi ira mpohawe mokoko'ii.”

Yesaya 54:4

Siimo doito, hangano nahi komohawe mokoko'ii, ka siimo mokoko'ii, hangano nahi kotinata. Hangano, omue kokumolupeo pontata tempono kontelaamu, ka nahi komewowoloo mbo'u mokoko'iia tuwu beinemu.

Yesaya 55:2

Tembio ka impo'oliako doi anu komba kaanga, ka tambono pe'iseimu anu nahi mompokomowohi? Ronge Akumo asalakono komiu mpongkaa anu moiko ka pongkaa kaanga anu mo'ahi ntu'u.

Imama 25:19

Wita atuu ta mompowee hasilino, komiu mpongkaa ranta kai memowohi ka komiu merodo mpo'ia i ra'ai.

Imama 26:26

Tewala Kupokotampulao kaanga pinatindamu, manasa hopulu beine ta montunu roti i larono asa pontunua. Ira mempokuleo rotimu montonda ponsa'u pinakosi, ka komiu mpongkaa, sine nahi memowohi.

Imama 26:5

Tempomiu mposesa ta menggoe hawe tempo mo'opu wua anggoro ka tempo mo'opu wua anggoro ta menggoe hawe tempo morawo inii. Komiu mpongkaa kaangamiu ranta mowohi ka merodo mpo'ia i witamiu.

Mika 6:14

Omue komongkaa, sine nahi komowohi, ka mokoninggoa kongko mpiha ndi omue; omue komompekaria hapa-hapa, sine nahi upokokaduduio, ka hapa anu pinokokaduduimu Aku meweengakono a mponai.

Sepanya 3:11

Ia oleo atuu nahi komohawe mokoko'ii hangano luwuno pe'ewa anu wineweumu ndi Ongkue, hangano i tempo atuu Aku meliahako inso i tonga-tongamu luwuno miamu anu mpo'unde a laro pompelangka-langkai, ka omue nami komompelangka-langkai mbo'u torukuno anu pinokomempori-Ku.

Sakaria 9:15

Ondae Ueno luwuakoano anu dumagai ira ka ira mepingkoo saru mperawo-rawo ira watu pongkembi. Ira mempo'inu ka ira mpohohoi kana molanguako anggoro, lulua kana loea kodei ponsiwui, merano kana luwuno siuno meda pontunua pesomba.

Sakaria 9:17

Mentee ntu'u, tedoa moiko ka tedoa ira ntekosi! Mangalitau ntetiangi hadio hangano gandu ka ana beine hangano anggoro.

ROMA 10:11

Hangano pauno Wunta Mempori, ”Ba isema me'ala-ala Ira, nahi ta pinokoko'ii.”

ROMA 5:5

Ka Pomperorohi komba mompokomasusa, nde pompehohawa-Do Ue Ala mewinsoomo i laro aroato hangano Penaa Mempori anu mewineeako kitamo.

ROMA 9:33

kana hinao teburi, ”Menteeano, Aku numaao i Sioni aasa watu tetengkua ka aasa watu tetidua, ka ba isema anu me'ala-ala Ira, nahi ta pinokoko'ii.”

Winali 11:15

Ka Ira mompowee ewo i padamiu tiado pinotuwumiu, ranta kai mpohawe mpongkaa ka gagi mowohi.

Winali 12:12

Asalakono imemawongko i aro-Do i Ue, Ue Alamiu, omiu saru anamiu tama ka beine, atamiu tama ka beine ka to Lewi i kotamiu, hangano to Lewi nahi dompohawe tia pusaka meronga saru omiu.

Winali 12:18

Sine, asalakono imengkaano i aro-Do i Ue, Ue Alamiu, a mpo'ianga anu Ira binikio i Ue, Ue Alamiu, omiu saru anamiu tama ka beine, atamiu tama ka beine, ka to Lewi anu i kotamiu. Komiu memawongko i aro-Do i Ue, Ue Alamiu, hangano luwuno anu inanggano kaemiu.

Winali 12:7

I ra'aimo imengkaano i aro-Do i Ue, Ue Alamiu, ka memawongko, omiu ka pe'asa rahamiu, hangano a luwuno inanggano kaemiu Doronsoo i Ue, Ue Alamiu.

Winali 8:10

Ka komiu mpongkaa ka komiu memowohi, gagi komiu me'unde-unde Ira i Ue, Ue Alamiu, hangano wita anu Doweeakomiu atuu moiko.

1 TIMOTIU 6:17

Pauako iramo mia mengkaea i wawontolino andio ka si dompompelangka-langkai ka si dompomperorohi a aasa anu nahi manasa kana kaeaa, tendeano ndi Ondae Ue Ala anu a ngkaea-Do moweeakita luwuakoano ka tomentekonaakono.

1 YOHANE 2:28

Ka kanandio-andio, oo luwuno anaku impo'iamo tepo'asaako Ira i Kerisituu, ka tomemosia mpompe'ala-ala ba Dopepokomengkaa, ka siimo tontekoko'ii ndi Ondae a oleo hawea-Do.