Yoeli 2:23 - Wunta Mempori

²³ Hei inuleno i Sioni, peboo-boolimo ka po'undemo hangano Ondae i Ue, Ue Alamu! Hangano Dopoweakomiumo usa a pompu'uano tempo ka Dopotiiakomiu usa, usa a pokotompaano tempo kana se'eluno.

Yoeli 2:23 ပူးပေါင်းရင်းမြစ်များ

1 Mokole 8:36

po'ineeomo i suruga ka I'ampunio halado tetenaa-Miu, bawaa-Miu Isaraeli, hangano Omiumo anu montisoako ira sala anu moiko anu asalakono ira mentondao. Po'ineeomo Ipompotii usa a wawo wita-Miu anu Iweeako iramo bawaa-Miu gagi tia pusaka-Do.

Ayubi 33:23

Tewala i horino hinao mala'eka, asa i olono asa nsowu, gagi pompohawe anu mokomengkaao a mia sala anu mentee,

Ayubi 37:13

Doweweuo ka ihaweo tinoono, moiko ka igagi pontunduhi a ihino tolino-Do maupo ka ipinokomengkaa petenunu mompehohawa.

Po'unde-unde 104:34

Po'ineeomo wuano pinewowoloku mo'ahi iteronge ndi Ondae! Aku mo'unde hangano Ondae i Ue.

Po'unde-unde 147:8

Ondaemo anu tumutuwiakono seru langi, anu mompatinda usa tiano tolino, ka weweu ira torukuno ka ituwu ewo.

Po'unde-unde 149:2

Po'ineeomo to Isaraeli domemawongkoakono anu mokogagi ira, po'ineeomo nana'oteno Sioni domengkokora-koraakono mokoledo!

Po'unde-unde 28:7

Ondaemo i Ue rosoku ka kantaku; ndi Ondae aroaku mompe'ala-ala ka ongkue tetulungi. Onaemo pu'uno, ka imawongko aroaku ka umunde-unde Ira saru menani.

Po'unde-unde 32:11

Imemawongkomo ndi Ondae i Ue ka impeboo-boolimo, hei luwuno mia mentee; imengkokora-koramo memawongko, hei luwuno mia anu moleo aroano!

Po'unde-unde 84:6

Me'uraomo mia anu rosono i laro-Miu, anu montoo lumako mekoho!

Powadi 16:15

A rupano mokole anu mewanta hinao tuwua ka moikono kana seruno usa tempo olono wula usa ka motu'i-tu'i.

Yesaya 30:21

Birimu ta rumongeo pau andio inso i bungkumu, ”Ndiomo salano, pelempamo tumondao,” tewala komiu mpekoana ke mpemanggali.

Yesaya 30:23

Ka i'amba Ondae i Ue Ira mompotiiakono usa a inii anu rinawomiu i wita, ka roti hasilino wita atuu ta mo'ahi ka hadio ntu'u. I tempo atuu pinotuwumu ira mpongkaa ewo a ntonga mpada anu malua;

Yesaya 41:16

Omue kodumuku ira, ka i'amba angi ta panee ira, ka angi mokora ta sumiarawo ira. Sine omue ko kokora-kora ndi Ondae i Ue ka telele ndi Ondae Anu Tedoa Mempori, Ue Alado to Isaraeli.

Yesaya 61:10

Mawongko aku ndi Ondae i Ue, sumangaku kokora-kora mawongko ndi Ondae Ue Alaku, hangano Dopokonaakune sangka tekaduduia ka sumoumbuakune lemba meloe menteea, kana umbungkoroi tama anu mompokona ramba-ramba ulu ka kana umbungkoroi beine anu mompake ramba-rambano.

Yeremia 3:3

Onaemo pu'uno pesiwuino usa te'onto ka usa a tampulaano tempo nahi hawe. Ra'imu ra'ino beine belesu, nahi uponto'ori mokoko'ii.

Yeremia 5:24

Nahi dompotae a laro aroado: Moikoomo tomedoitoako Ira i Ue, Ue Alato, anu moweeakita usa ia tempono, moiko usa pompu'uano tempono maupo usa poko'ariano tempono, ka anu mokogagio ndi ontae luwuno minggu ponsowia.

Ponsabangi 4:2

Luwuno nana'ote Sioni anu hinao olino, anu mengkena saru wulaa motu'a, mentee ntu'u ondae mentinudu kana kuro wita wineweuno kaeno puu mpoweweu kuro.

Yehesikieli 34:26

Aku weweu ira ka luwuno anu a mpehori-horino pongku-Ku gagi ronso. Aku motiio usa a tempono. Onaemo atuu usa ronso.

Hosea 6:3

Aiwamo tomento'orio ka mentee ntu'u tumo'ori Ira i Ue; manasa Ira me'umbaako kana wanta, Ira hawe ndi ontae kana usa, kana usa tempo pinopaho mentumba anu umuwoio tolino.”

Imama 26:4

Aku moweeakomiu usa ia tempono, ranta wita atuu mompowee hasilino ka keu a lere mompowee wuano.

Amosi 4:7

”Nahi Kupotiio usa ndi omiu, otolu wula se'eluno imensowi. Kupotiio usa a wawo ngkota anu asa ka nahi pinotii a wawo ngkota susua; lere anu asa i'aluo usa, ka lere anu nahi pohawe usa gagi mokari;

Sakaria 10:1

Po'emamo usa ndi Ondae i Ue a mpokotampulaano pepo'euano tempo motu'i ka wula usa! Ondaemo i Ue anu weweuo seru mo'ito, ka usa marombo Ira mompotii ndi ondae ka luwuno pinopaho a tonga mpada a sompo mia.

Sakaria 10:7

I Eparai ta gagi kana asa mia puu mpe'iwali, aroado ta mawongko kana molanguako anggoro. Luwuno anado ira mengkitao, ka do'amba memawongko ka aroado mpeboo-booli hangano Ondae i Ue.

Sakaria 9:13

Hangano, Yehuda Kupadiio ndi Ongkue kana wo'eno pana ka umihiiakono Eparai. Aku mesoeakono luwuno anamu, hei Sioni, a luwuno anamu, hei wita Yawani, Aku pakeko kana ponaino asa puu mpe'iwali.

Sakaria 9:9

Peboo-boolimo temeroku, hei ana beine Sioni, peboo-boolimo, hei ana beine Yerusale! Kitao, mokolemu hawe ndi omue; onae moleo ka poponangi. Onae mauru ka mesawi a asa kalide, kalide lakino anu mongura.

WINEWEUDO TINENA 14:17

sine komba nahi Dopepokomengkaa a mperupa-rupa wineweu moiko, onaemo Dopotiio usa inso i langi ka Dopoweeakomiu tempo mewalo ndi omiu. Dopokotendeakono kaanga ka mawongkoa aroamiu.”

Winali 11:14

onaemo ka Dopompowee usa tiano witamiu a tempono, usa pompu'uano ka usa pokotompaano, ranta ka upokopopumpu gandu, anggoro ka lanamiu.

Winali 28:12

Ondae i Ue Ira umungkahiakomiu langi, ponaapa-Do anu hadio ntu'u, Ira mompotii usa a witamiu ka rumonsoo luwuno inanggamiu, komiu mpoweeako ira mponsabo a hadio tongku, sine omiu nahi komiu mpo'ema ponsabo.

Winali 32:2

Po'ineeomo pompaguruku te'iti kana usa, pinauku i'iti kana tonturu, kana usa ntiri-ntiri a wawo ntumba mongura ka kana usa sumiwuio luwuno pinopaho.

PILIPI 3:3

hangano ontaemo mia mpetindi, anu mpesomba hangano Penaa-Do Ue Ala, ka tompo'undeakono ndi Ondae i Kerisituu Yesu ka nahi tompe'ala-alao anu mongkona tuwu ntolino.

PILIPI 4:4

Impo'undemo mpiha ndi Ondae i Ue! Pohonapo mbo'u kupauo: Impo'undemo!