Yoeli 2:19 - Wunta Mempori

¹⁹ Ondae i Ue sumangki ira bawaa-Do, Dopotae, ”Menteeano, Aku mo'oliwiakomiu gandu, anggoro ka lana, ka komiu memowohiakono; Nahi Aku mo'inee komiu mbo'u gagi tataa i olodo luwuno tongku.

Yoeli 2:19 ပူးပေါင်းရင်းမြစ်များ

Yeremia 31:12

Ira me'aiwa mpeboo-booli a wawo pongku Sioni, rupado ta mewanta hangano moiko-Do i Ue, hangano gandu, anggoro ka lana, hangano bawaano ana bembe bimba ka sapi; tuwudo ta kana lere bunga anu inuwoi, nahi ira memarasai mbo'u.

Yehesikieli 34:29

Aku mompatindaako ira lere teto'ori, ranta i wita atuu nahina maupo te'asa mia ta mate mokoninggo ka nahi dompontembi mbo'u mokoburua poweweudo luwuno tongku.

Yehesikieli 36:15

Nahi Kupo'inee ira mbo'u mia mempopauo mokoburua anu wineweudo luwuno tongku ndi omue. Nahi komontembi mbo'u pontetewehido luwuno tongku ka nahi weweuo mbo'u tongkumu nahina inule, kanandiomo pau-Do Ue Ala.”

Yehesikieli 36:29

Aku motola komiu inso a luwuno mokoburumiu. Aku motuwuo gandu saru mokohadioo hasilino, ka nahi powawa mbo'u mokoninggoa ndi omiu.

Yehesikieli 36:30

Aku mokohadioo mbo'u wuano luwuno keu ka hasilino leremiu, ka nahi impontembi mbo'u pontetewehi i tongado luwuno tongku hangano mokoninggoa.

Yehesikieli 39:29

Nahi Aku wunio mbo'u rupa-Ku ndi ondae, hangano Aku motiio Penaa-Ku i wawodo suku Isaraeli, kanandiomo pau-Do Ue Ala.”

Hosea 2:15

Ia oleo atuu, kanandiomo pau-Do i Ue, Omue komoboi Aku: Tamaku, ka nami poboi Aku mbo'u: Baalaku!

Hosea 2:21

Tolino ta merorongeakono gandu, anggoro ka lana, ka ondae andio ira mperorongeakono i Yisire'eli.

Hosea 2:22

Onae Aku merawoakono tia-Ku i tolino, ka mehohawao i Lo-Ruhama ka Aku mepau ndi Lo-Ami: omuemo bawaa-Ku! Ka onae ta motae: Ue Alaku!”

Yoeli 1:10

Lere ropuomo, wita mompokomasusa, hangano gandu ropuomo, anggoro mokariomo, lana tedeimo koa.

Yoeli 2:24

Luwuno ponsesaa ta bukeako gandu, ka po'ianga pomporo'ia hadio ntu'u anggoro ka lana.

Imama 26:5

Tempomiu mposesa ta menggoe hawe tempo mo'opu wua anggoro ka tempo mo'opu wua anggoro ta menggoe hawe tempo morawo inii. Komiu mpongkaa kaangamiu ranta mowohi ka merodo mpo'ia i witamiu.

Sakaria 8:12

Hangano, Aku morawo rodoa. Keu anggoro ta mewua, wita ta mehasili ka langi ta mompowee uwoi tontoruno. Luwuno atuu Aku weeako ira toreano tongku andio gagi tiado.

I MATIU 6:33

Sine ime'ungkeomo ari Poparentaa-Do Ue Ala ka mentee-Do, ka luwuno atuu Ira tumiangiakomiu.

Winali 11:14

onaemo ka Dopompowee usa tiano witamiu a tempono, usa pompu'uano ka usa pokotompaano, ranta ka upokopopumpu gandu, anggoro ka lanamiu.

Ruti 1:6

Nahi tehine mepatindaomo saru orua ira ponino, ira mpekule inso i wita Moabi, nde irongeo motae dopehohawa iramo i Ue bawaa-Do ka moweeako ira kaanga.