Yoeli 2:14 - Wunta Mempori

¹⁴ Ba mansa Ira wali me'o'ole, ka Dobintao ronso, gagi pesomba kaanga ka pesomba tinawa ndi Ondae i Ue, Ue Alamu.

Yoeli 2:14 ပူးပေါင်းရင်းမြစ်များ

2 Samueli 12:22

Sangkino, ”Tempono nana'ote atuu da tuwu, puasa aku ka mengese aku, hangano kupewowoloo, ’Ba mansa Dopehohawa aku i Ue ranta ka ikongko tuwu nana'ote atuu.’

2 Samueli 16:12

Bara'ura Ondae i Ue Ira kumitao marasaiku andio ka Ondae i Ue mombaloako moikoa ndi ongkue euno pontotonaano mia atuu a oleo andio.”

2 Mokole 19:4

Bara'ura Dorongeomo i Ue, Ue Alamiu pinauno i rabi-sakehi atuu anu tinenano mokoledo to Asuri, ueno kai tetewehi Ira Ue Ala anu tuwu, ranta Ondae i Ue, Ue Alamiu Ira moweeakono pohuku hangano luwuno pinauno anu Dorongeomo. Moikoomo ipekakaiako ira toreano anu da tebinta andio!”

Peluarakoa 32:30

Tisomono motaeomo i Musa a tongku atuu, ”Mpoweweu komiumo hala langkai. Kanandio-andio aku mewuatako me'aro ndi Ondae i Ue. To pomperorohimokoa ka kupokompo'ema pesintuwua a hala miu atuu.”

Yesaya 65:8

Kanandiomo pau-Do i Ue, ”Kana dompotae mia mongkona tonggino wua anggoro anu da hinawe uwoino: Siimo ipepateo luwu atuu, hangano i larono da hinao ronso, kanatuumo Aku weweuo hangano luwuno tetenaa-Ku; nahi Aku mokotampulao luwu.

Yeremia 18:8

Sine, tewala tongku anu pinau-Ku atuu tepidi inso a wineweuno mosa'o, asalakono Aku me'o'ole hangano mingki modontaiakono masolaa anu Kupontooakono ndi onae.

Yeremia 26:13

Kanandio-andio, impokomoikoomo pelelumiu ka poweweumiu, ka rongeomo suara-Do i Ue, Ue Alamiu, ka Dopokogagio i Ue masolaa anu pinau-Do ndi omiu.

Yeremia 26:3

Bara'ura ira koa mebehe mperorongeakono ka singge mia mepokule inso a mpeleluno anu mosa'o, ranta ka Kupe'o'ole a masolaa anu Kupontooako ira hangano luwuno wineweudo anu mosa'o.

Yoeli 1:13

Pokonaomo sawu po'inombo ka ponsabangimo, hei luwuno sando mpesomba; imperaalikimo, hei luwuno puu pompekakaako meda pontunua pesomba; impewinsomo, imperatomo saru mompokona sawu po'inombo, hei luwuno puu pompekakaako-Do Ue Alaku, hangano pesomba kaanga ka pesomba tinawa, pinenaa-naaakoomo inso a raha-Do Ue Alamu.

Yoeli 1:16

Kombake i arono matato pingkoomo kaanga, mawongkoa ka po'unde-unde inso a raha-Do Ue Alato?

Yoeli 1:9

Pesomba kaanga ka pesomba tinawa tampulaomo inso a raha-Do i Ue; ka pompemasusa iramo sando mpesomba, puu pompekakaako-Do i Ue.

Amosi 5:15

O'aliaakonomo anu mosa'o, kekewoiomo anu moiko ka weweuomo moleoa a mpewowa langkai. Bara'ura Ondae i Ue, Ue Alano luwuakoano Ira mehohawao inuleno i Yusupu anu da mentuwu.

Yunu 1:6

Haweomo petewawa a ngkapala atuu tepohaweakono ka ipotae, ”Kana'umpe omue mokompoturi rodo ntu'u? Pewangumo, peboolimo ndi Ondae Ue Alamu, bara'ura Ondae Ue Ala atuu Ira merio kita, kasi tomemasola.”

Yunu 3:9

Ba mansa, bara'ura Ondae Ue Ala Ira mepokule ka me'o'ole saru mewolili inso a ntekuda-Do anu tensila atuu, ranta nahi tomemate.”

Sepanya 2:3

Ungke Iramo i Ue, oo luwuno mia anu me'urumako i wita anu weweuo songka-Do. Ungkeomo moleoa, ungkeomo pe'urumakoa; bara'ura komiu koa ntekadudui a oleo tekudaa-Do i Ue.

Hagai 2:19

Pekokoongakonomo mompu'u oleo andio ka koramaino, mompu'u oleo korua pulu ka opaa wula ko osio. Mompu'u inso a oleo iwineweu pondasino raha-Do i Ue pekokoongakonomo

2 TIMOTIU 2:25

ka saru mepau molusa-lusa mokotaate ira mia anu inehedo me'ewa, hangano bara'ura Dopoweeako ira i Ue tempo ka dontepidi ka wawa ira ranta ka domento'orio menteea,

Yosua 14:12

Gaagi iwee akumo mentorukuno, anu dinandi-Do i Ue ia tempo atuu, nde omiumo isa'a anu rumongeo, motae i ra'ai hinao to Ena saru kota langkai ka mebente. Bara'ura Dokongkomi aku i Ue, ka kupokosaari ira, kana anu pinau-Do i Ue.”

1 Samueli 6:5

Asalakono ka impoweweu pandirino kamba ka tehu anu sumolangio witamu. Asalakono ka ime'akuio maramba-Do Ue Alado to Isaraeli. Bara'ura nami Ira humuku komiu, pelahumoaamiu ka witamiu.