Yoeli 2:13 - Wunta Mempori

¹³ Baliomo aroamu ka osi'i sangkamu, pepokulemo ndi Ondae i Ue, Ue Alamu, hangano Ondae me'aroa ka mompehohawa, tedoa Ira sabara ka hadio ntu'u pompehohawa. Me'o'ole Ira mingki mompotii masolaa.

Yoeli 2:13 ပူးပေါင်းရင်းမြစ်များ

Tegagia 37:29

Tempono ipekule i Rube a nsumuru atuu, ikitao i Yusupu nami kongko mbo'u i larono. Ka i'amba berio lembano

Tegagia 37:34

I Yako berio lemba meloeno, ka i'amba mokonao sawu po'inombo a ntongano. Onae mompemasusa i larono ba'opia oleo tehineno hangano anano atuu.

2 Samueli 1:11

Ka i'amba i Daudi uminio sangkano ka ipeberisakono, kanatuu koa mbo'u luwuno mia anu merongaakono.

1 Mokole 21:27

Rumongeo pinau atuu, i Ahabi berio sangkano, mompokona sawu po'inombo a ngkoroino ka mepuasa. Onae moturi saru mompake sawu po'inombo ka melempa telusa.

2 Mokole 22:11

Rumongeo luwuno pauno wunta songka Taura atuu, doberio mokole sangkado.

2 Mokole 22:19

hangano omue me'o'ole ka me'urumako i aro-Do i Ue, ka u'amba berio sangkamu ka mengese i aro-Ku mansamu rumongeo songka anu Kupauo mongkona po'ianga andio ka palilino nine ira megagi mongkokongiria ka totonaa, onaemo ka Kurongeo, kanandiomo pau-Do i Ue.

2 Mokole 5:7

Mansano umari basao mokoledo to Isaraeli wunta atuu, iberio sangkano kai potae, ”Nde ongkue andio Ue Ala anu mompepate ka mompotuwu ranta kai pe'oliwi mia andio ndi ongkue kaku pokotompao asa mia inso a haki ngkuli mesakino? Kitaomo, ka to'oriomo, onae mo'ungke-ungkeako ndi ongkue.”

2 Mokole 6:30

Rumongeo pinauno beine atuu, i mokole berio sangkano. Hangano onae melempa a wawo rere watuno kota, domengkitao mia hadio nine onae mompokona sawu po'inombo a ngkoroino.

2 Tawarika 6:27

po'ineeomo ka Iperorongeako ira mbo'u i suruga ka umampunio halado tetenaa-Miu, bawaa-Miu Isaraeli, hangano Omiumo anu montisoako ira sala anu moiko anu asalakono domentondao. Po'ineeomo ka Ipompotii usa a wita-Miu anu Iweeako iramo bawaa-Miu gagi tia pusaka-Do.

Nehemia 9:17

Nahi dobehe mentondao parenta-Miu ka nahi dompewowoloo wineweu anu kinohali-haliako anu umariomo Iweweuo i olodo. Memotea ulu ira tendeano mpedada ira mpekule a ntepe'ataa i Masiri. Sine Omiumo Ue Ala anu mo'ampuni, mompehohawa, sabara, ka nahi otu-otu pompehohawa-Do. Nahi hori binta ira.

Ayubi 1:20

Mentadeomo i Ayubi, berio lemba meloeno, ka kumeruo uluno, ka i'amba menggolontu ka mesomba.

Po'unde-unde 103:8

Ondae i Ue me'aroa ka mompehohawa, tedoa sabara ka langkai ntu'u pompehohawa-Do.

Po'unde-unde 106:45

Dorambeo pedandia-Do saru ondae ka Dopehohawa ira menunu saru langkaino pompehohawa-Do.

Po'unde-unde 34:18

Luwuno mia mentee mpeboo-booli, ka Dorongeo i Ue, Dopotola ira inso a pompema'isodo.

Po'unde-unde 51:17

Oo Ue, I'ungkahiomo wiwiku, ka ipaleleo ngangaku po'unde-unde ndi Omiu!

Po'unde-unde 86:15

Sine Omiu, oo Ue, Ue Ala me'aroa ka mompehohawa, tedoa sabara ka hadio ntu'u pompehohawa ka pokongkomi.

Po'unde-unde 86:5

Hangano Omiu, oo Ue, moiko ka behe mo'ampuni ka hadio ntu'u pompehohawa nahi bali a luwuno mia anu mebooli ndi Omiu.

Yesaya 57:15

Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.

Yesaya 58:5

Kanandioke puasa anu inehe-Ku: oleo tiado mia mpobobarasai koroido, ka metuundu kana gelaga ka mowile sawu kampili ka awu gagi pe'empehi moturi? Onaemoke atuu anu pinaumu puasa, oleo pompehohawa-Do i Ue?

Yesaya 66:2

Kombake kae-Ku anu weweuo luwuno, ranta ka igagi luwuno andio? Kanandiomo pau-Do i Ue. Sine, miamo anu kanandio anu kinita-Ku: mia anu tepokonsii ka nahina pompe'osaiano ka anu doitoakono pau-Ku.

Yeremia 36:7

Bara'ura ira mpohaweo po'emado i aro-Do i Ue ka ira singge ntepidi inso a mpeleludo anu mosa'o atuu, hangano mongkokongiriomo mosa'ono aroa ka tensilano tekuda anu pinokomengkaa-Do i Ue a tongku andio.”

Yeremia 41:5

mehawe iramo mia inso i Sikemi, i Silo ka i Samaria, hadiodo halo pulu mia, saru danggo tekeru, sangkado teberi-beri ka koroido ntesosoreki. A ngkaedo hinao pesomba kaanga ka dupa ta pinesombaako a Raha-Do i Ue.

Yeremia 42:10

Tewala mpo'ia komiu mpiha i wita andio, Aku mowangu ka komba sumolangi komiu, weweu komiu tuwu ka nahi Aku buta komiu. Hangano, me'o'ole Aku mompotii masolaa ndi omiu.

Yehesikieli 9:4

Pau-Do i Ue ndi onae, ”Pelempamo inso i tonga-tongano kota Yerusale ka buriomo aasa petondoni a ra'ido mia anu pompemasusa hangano luwuno wineweu mokoburu anu wineweu i ra'ai.”

Hosea 14:1

Samaria asalakono tumembio salano, hangano onae umewa ndi Ondae Ue Alano. Ira memateako ponai, luwuno anadalono ta pinerego ka luwuno beineno anu mentia ta binonsi kompono.

Yunu 3:9

Ba mansa, bara'ura Ondae Ue Ala Ira mepokule ka me'o'ole saru mewolili inso a ntekuda-Do anu tensila atuu, ranta nahi tomemate.”

Yunu 4:2

Ka mekakaiomo ndi Ondae i Ue, ipotae, ”Oo Ue, kombake kupauomo mongkona andio, tempono ongkue da i witaku? Onaemo pu'uno, ka kupolai i ndi'ipua lumako i Tarasisi, hangano kuto'orio, nine Omiumo Ue Ala anu me'aroa ka mompehohawa, anu tedoa sabara ka tedoa metenunu mompehohawa, saru me'o'ole hangano masolaa anu tinoo-Do.

Mika 7:18

Isemake kana Omiu Ue Ala anu mo'ampuni hala, anu nahi pompototoi salado toreano bawaa anu lano Ondae me'ueo, ka nahi kongko mpiha a laro ntekuda-Do, tendeano umehe mokomengkaao petenunu pompehohawa?

Nahumi 1:3

Ondae i Ue atuu tedoa sabara ka langkai pabawa-Do, sine tedoa ntu'u nahi Dopotola ira mia mensala inso a mpohuku. Ondae i Ue melempa a laro lompiu ka angi mokora pelempa-Do ka seru onaemo awu a pelengkaru-Do.

Podoaa 14:18

Ondae i Ue atuu tedoa sabara ka hadio ntu'u pompehohawa-Do, Do'oninio sala ka pe'ewa, sine nahi Dopotolao mia anu sala inso a mpohukua. Ondae mombalo salano ama a luwuno anano, a inule ko'otolu ka ko'opaa.

ROMA 2:4

Inehemuke me'uru-uruo langkaino pe'aroa-Do, sabara-Do ka sanaano aroa-Do? Nahi uto'orioke, nine pe'aroa-Do Ue Ala onaemo tumaateko a ntepidia?

EPESU 2:4

Sine Ondae Ue Ala anu kaeaako pompowee, hangano pompehohawa-Do anu langkai, anu Dowee kita,

1 TIMOTIU 4:8

Mokoleleoo koroi tolino komba hadio tuduno, sine mesomba atuu mentudu a luwuakoano, hangano i tu'ai hinao dandi, moiko tiano tuwu andio maupo tiano tuwu anu ta hawe.