Yoeli 2:12 - Wunta Mempori

¹² ”Sine kanandio-andio,” kanandiomo pau-Do i Ue, ”pepokulemo ndi Ongkue tompaano aroamu, saru mepuasa, mengese ka monsabangi.”

Yoeli 2:12 ပူးပေါင်းရင်းမြစ်များ

2 Samueli 24:10

Sine me'o'oleomo i Daudi, mansano dumoa ira palili. Motae i Daudi ndi Ondae i Ue, ”Tedoa akumo tehala hangano kuweweuomo anu andio. Kanandio-andio, oo Ue, po'ineeomo ka Ipoko'olaio salano tetenaa-Miu, hangano moweweu akumo anu tedoa benge-benge.”

2 Tawarika 30:6

Ka i'amba melako iramo luwuno tinena a luwuno Isaraeli ka Yehuda mewawao wunta inso a mokole ka luwuno petewawa. Menunu saru parentado mokole, dompotae, ”Hei, to Isaraeli, impepokulemo ndi Ondae i Ue, Ue Alano i Burahima, i Saki ka i Isaraeli, ka Ondae Ira mekule ia anu tebinta inso i olomiu, ondae anu mentola inso a ngkaedo mokole Asuri.

2 Tawarika 6:27

po'ineeomo ka Iperorongeako ira mbo'u i suruga ka umampunio halado tetenaa-Miu, bawaa-Miu Isaraeli, hangano Omiumo anu montisoako ira sala anu moiko anu asalakono domentondao. Po'ineeomo ka Ipompotii usa a wita-Miu anu Iweeako iramo bawaa-Miu gagi tia pusaka-Do.

Esetere 4:16

”Lakomo, pumpu iramo luwu to Yahudi anu mekongko i Susani ka imempuasamo tiaku. Si mpongkaa ka si mpo'inu otolu oleo tehineno, moiko i tempono wongi, moiko i tempono meene. Ongkue saru luwuno beine puu mpopekakaakoku mbo'u, kami mempuasa kanatuu. Ka umarino atuu aku mewinso me'aro ndi ondae mokole, maupo mo'ewai atora. Tewala mansa aku mate, po'ineeomo kumate.”

Peluarakoa 33:5

Mepau Iramo i Ue ndi Musa, ”Pauako ira to Isaraeli: Omiu tongku anu me'ulu watu, ande-andeno melempa Aku i olomiu maupo tesarai, manasa Kuropu komiu. Kanandio-andio imelolohio peramba-ramba miu, ka Aku mokomanasao hapa anu ta wineweu-Ku ndi omiu.”

Yesaya 22:12

I tempo atuu Ondae i Ue, Ueno luwuakoano tumena ira mia mpengese ka mponsabangi, mpekeru ulu ka mpebooako sawu po'inombo;

Yesaya 58:4

Menteeano, omiu mempuasa kontongaamiu mpegaga ka mpe'u'ua saru mpetitidu. Tewala kanandio imempuasa suaramiu nahi ta rinonge a mpo'ianga mantande.

Yeremia 3:22

Pepokulemo, hei nana'ote anu mehapuakono pompe'ala-alano! Aku mokotompa komiu inso a mpehapuamiu.” ”Ndio kamimo, me'aiwa kami ndi Omiu, hangano Omiumo Ue, Ue Alamami.

Yeremia 36:7

Bara'ura ira mpohaweo po'emado i aro-Do i Ue ka ira singge ntepidi inso a mpeleludo anu mosa'o atuu, hangano mongkokongiriomo mosa'ono aroa ka tensilano tekuda anu pinokomengkaa-Do i Ue a tongku andio.”

Yeremia 4:1

”Tewala beheko mepokule, hei Isaraeli, kanandiomo pau-Do i Ue, Pepokulemo ndi Ongkue. Tewala beheko tumadi ira lahumoamu anu mokoburu inso i aro-Ku, siimo te'embi-embi!

Yeremia 4:2

Tewala a laro mpetenunu, moleoa, ka menteea upesumpa: A nee-Do i Ue anu tuwu!, asalakono luwuno tongku ira merinonso ndi Ondae ka mpo'unde ndi Ondae.”

Yehesikieli 33:11

Pauako iramo: Hangano Ongkue anu tuwu, kanandiomo pau-Do Ue Ala, nahi Kupe'eheo mateno mia mosa'o gauno, tendeano inehe-Ku a mpepokuleno mia mosa'o gauno atuu inso a nsala ntumuwuno ka ituwu. Pepokulemo, Pepokulemo inso a nsala ntumuwumu anu mosa'o wineweumu atuu! Tembio ka i'asalakono komiu memate, hei suku Isaraeli?

Danieli 9:3

Ka ku'amba mo'aroo rupaku ndi Ondae Ue Ala mekakai ka mo'ema, saru mepuasa ka mompokona sawu po'inombo saru awu.

Hosea 12:6

Ondaemo i Ue, Ue Alano luwuakoano, Ondae nineeako Ue.

Hosea 12:7

Omue asalakono pepokule ndi Ondae Ue Alamu, pekariaomo petenunu mompehohawa ka moleoa, ka sikori Iramo mpiha Ue Alamu.

Hosea 14:1

Samaria asalakono tumembio salano, hangano onae umewa ndi Ondae Ue Alano. Ira memateako ponai, luwuno anadalono ta pinerego ka luwuno beineno anu mentia ta binonsi kompono.

Hosea 6:1

”Aiwamo tompepokule ndi Ondae i Ue, hangano momperangkami Iramo, sine Ira mokotompa kita, monsepi Iramo, sine Ira walu kita.

Yoeli 1:13

Pokonaomo sawu po'inombo ka ponsabangimo, hei luwuno sando mpesomba; imperaalikimo, hei luwuno puu pompekakaako meda pontunua pesomba; impewinsomo, imperatomo saru mompokona sawu po'inombo, hei luwuno puu pompekakaako-Do Ue Alaku, hangano pesomba kaanga ka pesomba tinawa, pinenaa-naaakoomo inso a raha-Do Ue Alamu.

Sakaria 7:3

ka dompesikenoakono a luwuno sando mpesombano raha-Do Ueno luwuakoano ka a luwuno nabi, kanandio, ”Asalakonoke ka kimpengese ka mpomalia a wula ko'olima kana anu kimeweweuomo i larono mapata'u-ta'u?”

Sakaria 7:5

”Pauako iramo luwuno palili ka a luwuno sando mpesomba, kanandio: Tempono imempuasa ka mposabangi a wula ko'olima ka ko'opitu i larono pitu pulu nta'u andio, nde mentee ntu'uke omiu mempuasaa-Kune?

Maleaki 1:9

Kanandio-andio, ”Po'arahakomo pokomolusao aroa-Do Ue Ala, ka Dopehohawa kita!” Hangano kaemu ka igagi mongkona atuu. Nde Ira tumotowoo moikoke asa mia inso i olomiu? pau-Do Ueno luwuakoano.

WINEWEUDO TINENA 26:20

Sine amba-ambano kupompalele a nto Yahudi i Damasi, i Yerusale ka i asa wawo wita Yudea, ka a luwuno mbo'u tongku susua, nine asalakono ka dontepidi ka mpepokule ndi Ondae Ue Ala saru meweweuo luwuno anggaa anu menunu saru tepidia atuu.

Puu Mpobitara 2:4

Umarino Mala'eka-Do i Ue mepau kona pau-Do atuu ia luwuno to Isaraeli, mpengese iramo tongku atuu tedoa meroku.

Puu Mpobitara 20:26

Ka do'amba melako luwu to Isaraeli, onaemo luwudo tongku atuu, hawe i Beteli. I ra'ai dompo'ia mpengese i aro-Do i Ue, mempuasa hawe ngkiniwia oleo atuu, ka mpompesombaako pesomba tinunu ka pesomba tetolosia i aro-Do i Ue.

1 Samueli 7:3

Ka i'amba i Semueli motaeako ira luwudo to Isaraeli, ”Tewala komiu mpepokule ndi Ondae i Ue a bobotolino aroamiu, imeliahakono luwuno anu pinesombaido mia hawe ka i Asitore inso i olomiu ka impo'asao aroamiu ndi Ondae i Ue. Butu ndi Ondae pesombaamiu, ka Ondae i Ue Ira motolakomiu inso a ngkaedo to Pelisiti.”

1 Samueli 7:6

Mansado mpepumpu i Misipa, mpontambu ira uwoi ka dome'uwuo i aro-Do i Ue. I ra'ai mempuasa ira oleo atuu ka dompotae, ”Mentehala kamimo ndi Ondae i Ue.” Ka i Semueli moparenta gagi puu mpobitara a nto Isaraeli i Misipa.