Yoeli 2:11 - Wunta Mempori

¹¹ Ondae i Ue moporongeo pau-Do i arono sorodadu-Do. Mentee ntu'u, tedoa hadio sorodadu-Do, moroso ntu'u anu meleluakono pau-Do. Tedoa ntu'u mongkokongiri oleo-Do i Ue atuu. Isema anu moko'ontoo?

Yoeli 2:11 ပူးပေါင်းရင်းမြစ်များ

Po'unde-unde 18:14

Ondae i Ue merundu i langi, Anu Tedoa Mantande moporongeo suara-Do saru usa seru baku ka waro api.

Po'unde-unde 46:6

Ondae Ue Ala kongko Ira i larono, kota atuu nahi ta reensu; Ondae Ue Ala Ira tumulungio umpeda meene.

Po'unde-unde 68:18

Luwuno kareta-Do Ue Ala mopulu nsowu, tendeano mapasowu-sowu hadiono; Ondae i Ue hawe Iramo inso i Sinai, mewinso a mpo'ianga mempori!

Yesaya 13:4

Rongeo! Hinao maroaa a wawo ntorukuno, kana suarado hadio mia anu ntepumpu! Rongeo! Hinao maroaa inso a luwuno poparentaa, inso a luwuno tongku anu mpepumpu! Ondae i Ueno luwuakoano tekonai momparesa baresi mpetea.

Yesaya 42:13

Ondae i Ue meluarako metea kana pongkiari, kana sorodadu Dopokingkio roso-Do metea; maroa Ondae kokora-kora, oo, mebooli Ira hio, a luwuno iwali-Do Dopokomengkaao pongkiari-Do.

Yesaya 7:18

I tempo atuu Ondae i Ue momansu mompoboi lale anu mekongko i untuno luwuno ana ngkoro Nili, ka mompoboi hoani anu mekongko i wita Asuri.

Yeremia 25:30

Omuemu isa'a, pauomo luwuno pau anu ta gagi andio ndi ondae. Pauako iramo: Ondae i Ue Ira mengaoli kana singa inso a mantandeano ka moporongeo suara-Do inso a mpo'ianga-Do anu mempori; Ira mengaoli meroku a mpo'ianga pompakambia-Do, asa pohio, kana pohiodo anu mposesa wua anggoro, a luwuno palilino tolino.

Yeremia 30:7

Masolaomo, mongkokongiri ntu'u oleo atuu, nahina pengkenano! Onaemo tempo masusaano i Yako, sine inso ndi onae ta kinadudui.

Yeremia 50:34

Sine Puu Pontolosido moroso, Ondae Ueno luwuakoano nee-Do. Manasa Ira tumeahakono kara-karado, ka Dopoweeakono rodoa i tolino, sine tewukaa a mpalilino Babeli.

Yehesikieli 22:14

Polioke aroamu ka kaemu moroso mpiha i tempono Kupoweweu ndi omue? Ongkue, Ue, anu pauo ka Aku weweuo.

Yoeli 1:15

Hei, oleo atuu! Mentee ntu'u oleo-Do i Ue rangkuomo, haweno gagi pabawa poropua inso ndi Ondae Anu Tedoa Pabawa.

Yoeli 1:6

Hangano asa tongku lumako sumapoio witaku, tongku anu moroso ka nahi pinokopau porokono; ngisino kana ngisino singa, ka tinduno kana tinduno singa waino.

Yoeli 2:1

Puuriomo tawuwua i Sioni ka pebooliakono pepopoto'ori i torukuno-Ku anu mempori! Po'ineeomo dompondidi-ndidi luwuno palili wita, hangano oleo-Do i Ue hawe, mentee ntu'u, oleo atuu rangkuomo;

Yoeli 2:2

oleo wongi mpusu ka worikidi, oleo menseru ka megawu nseru. Kana towea mepansari a wawo luwuno torukuno haweomo asa tongku anu langkai ka moroso; anu kanatuu nahi hori hina mompu'u i ndi'ipua, ka umarino atuu nahi ta hina mbo'u a luwuno inule, a tempo anu ta hawe.

Yoeli 2:25

Aku momuleakomiu luwuno ta'u anu hasilino piingko ikaano kosume mpelimba, kosume mpelonso, kosume modoko mongkaa ka kosume mongkarasi, sorodadu-Ku anu hadio Kutena ira i tonga-tongamiu.

Yoeli 2:31

Mata oleo ta baali gagi wongi mpusu ka wula gagi rea se'eluno napi hawe oleo-Do i Ue anu mongkokongiri.

Yoeli 3:14

Hadio mia, hadioomo mia i lembono potantuia! Oo, rangkuomo oleo-Do i Ue i lembono potantuia!

Yoeli 3:16

Ondae i Ue mengaoli inso i Sioni, inso i Yerusale Dopoporongeo pepau-Do, langi ka tolino leelu. Sine Ondae i Ue onaemo pepekaduduiado bawaa-Do, bentedo to Isaraeli.

Amosi 1:2

Ipotae, ”Ondae i Ue mengaoli inso i Sioni ka inso i Yerusale Dopoporongeo pau-Do; mokariomo luwuno mpada pompakambia ka moleuomo punsuno torukuno Karameli.”

Amosi 5:18

Memasola iramo ntu'u anu me'ineheakono oleo-Do i Ue! Hapa tuduno oleo-Do i Ue atuu ndi omiu? Oleo atuu wongi-wongia, komba mewine!

Amosi 5:20

Kombake oleo-Do i Ue atuu wongi-wongia ka nahi mewine, wongi mpusu ka nahina wanta ndi onae?

Obaja 1:15

Hangano oleo-Do i Ue rangkuomo umaluo luwuno tongku. Kana anu wineweumu, kanandiomo ta wineweu ndi omue, wineweumu ta mepokule umaluo ulumu omuemu.

Nahumi 1:6

Isema mokompentade umaropio tekuda-Do? Ka isema mokompeteao tekuda-Do anu tensila? Tensilano tekuda-Do te'uwu kana api, ka luwuno torukuno watu ntebangku hangano Ondae.

Maleaki 3:2

Isemake anu mokompopetea a oleo hawea-Do? Isemake anu mokompentade mpiha, tempono Dopepopokita? Hangano Ondae kana api pompokolono labu ka kana sabono puu mpolombo.

Podoaa 24:23

Ka i'amba pauo mbo'u powadino, ipotae, ”Masola ntu'u! isemake anu ta tuwu, tewala mongkona atuu Doweweuo Ue Ala?

1 TESALONIKA 4:16

Hangano i tempono pinowee petondoni, onaemo tempono ipebooli petewawado mala'eka ka tawuwua-Do Ue Ala me'uni, ka Ondae i Ue Ira metii inso i suruga ka ondae anu memate ndi Ondae i Kerisituu ira ntese'elu mpewangu;

MENGKAAA 18:8

Onaemo pu'uno luwuno marasaiano ta hawe i larono aasa oleo, onaemo haki lele ka po'inombo ka mokoninggoa; ka onae ta tinunu a api, hangano Ondae Ue Ala, anu bitarao, moroso Ira.”

MENGKAAA 6:17

Hangano haweomo oleo langkai tekuda-Do ka isemake mokompekorahako?