Yoeli 1:14 - Wunta Mempori

¹⁴ Pesusuaomo oleo puasa, paleleomo tepumpua langkai; pumpu iramo mia memota'u ka luwuno palili wita a raha-Do i Ue, Ue Alamu, ka impeboolimo ndi Ondae i Ue.

Yoeli 1:14 ပူးပေါင်းရင်းမြစ်များ

2 Mokole 10:20

Motae mbo'u i Yehu, ”Impesusuaomo tepumpua langkai ndi i Ba'ala!” Onaemo ka domempaleleo.

2 Tawarika 20:13

Kontongaano atuu luwuno to Yehuda mpentade i aro-Do i Ue, ka luwuno pe'etudo saru kombiado ka luwuno anado.

Nehemia 8:18

Luwuno bawaa anu mpekule inso a mpontadia mpoweweu ira laika ka mpo'ia i tu'ai. Lano i tempono i Yosua anano i Nuni hawe oleo atuu to Isaraeli nahi dohori meweweuo anu kanandio. Langkai ntu'u mawongkoa anu pinembasaido.

Esetere 4:16

”Lakomo, pumpu iramo luwu to Yahudi anu mekongko i Susani ka imempuasamo tiaku. Si mpongkaa ka si mpo'inu otolu oleo tehineno, moiko i tempono wongi, moiko i tempono meene. Ongkue saru luwuno beine puu mpopekakaakoku mbo'u, kami mempuasa kanatuu. Ka umarino atuu aku mewinso me'aro ndi ondae mokole, maupo mo'ewai atora. Tewala mansa aku mate, po'ineeomo kumate.”

Yeremia 14:2

Yehuda mompemasusa, luwuno pewowa langkai memarasai ka saru mpompemasusa tewilei a wita; peraalino Yerusale mewuatako i wawono.

Yeremia 36:9

Kanatuumo a nta'u ko'olima poparentaano i Yoyakimi ana ntamano i Yosia, mokoledo to Yehuda, a wula ko'osio, pinaleleomo puasa i aro-Do i Ue a luwuno palili i Yerusale ka a luwuno palili anu me'aiwa inso a luwuno kotano Yehuda melako i Yerusale.

Yoeli 1:2

Rongeomo andio, oo luwuno mia memota'u, imenta'oomo birimiu, oo luwuno palili! Horioke gagi kanandio i tempomiu, ke i tempodo uempu'umiu?

Imama 23:36

I larono opitu oleo asalakono impopesombaako pesomba tinunu ndi Ondae i Ue, ka a oleo anu ko'oalu asalakono impoweweu tepotowoa mempori saru mpopesombaako pesomba tinunu ndi Ondae i Ue. Onaemo atuu tepumpua langkai. Siimo impo'angga maupo anggaa mobea hapa.

Yunu 3:5

To Niniwe mpope'ala-ala ndi Ondae Ue Ala, ka do'amba mempaleleo puasa, ka ondae, moiko mia anu sompoomo tinuwuno maupo nana'ote, pompokona sawu po'inombo.

Yunu 3:8

Asalakono luwuno mia ka pinotuwu, mpekukumbuako sawu po'inombo ka mpebooli meroku ndi Ondae Ue Ala, saru asalakono singge mia mepokule inso a leluno anu mosa'o ka inso a mpobobarasaia anu wineweuno.

Sepanya 2:1

Impepumpumo ka inteporokomo, hei tongku anu nahi mpoto'ori mongkoko'ii,