Yoeli 1:13 - Wunta Mempori

¹³ Pokonaomo sawu po'inombo ka ponsabangimo, hei luwuno sando mpesomba; imperaalikimo, hei luwuno puu pompekakaako meda pontunua pesomba; impewinsomo, imperatomo saru mompokona sawu po'inombo, hei luwuno puu pompekakaako-Do Ue Alaku, hangano pesomba kaanga ka pesomba tinawa, pinenaa-naaakoomo inso a raha-Do Ue Alamu.

Yoeli 1:13 ပူးပေါင်းရင်းမြစ်များ

2 Samueli 12:16

Ka i'amba i Daudi mekakaiakono nana'ote atuu ndi Ondae Ue Ala. Onae mepuasa ntu'u inso i aroano, mewinso i bolongko ka asa wongi i pepombole a wita.

1 Mokole 21:27

Rumongeo pinau atuu, i Ahabi berio sangkano, mompokona sawu po'inombo a ngkoroino ka mepuasa. Onae moturi saru mompake sawu po'inombo ka melempa telusa.

Yesaya 22:12

I tempo atuu Ondae i Ue, Ueno luwuakoano tumena ira mia mpengese ka mponsabangi, mpekeru ulu ka mpebooako sawu po'inombo;

Yesaya 61:6

Sine, komiu mempinau sando mpesomba-Do i Ue ka komiu menineeako puu pompekakaako-Do Ue Alato. Komiu mperapio kaeado tongku ka komiu pompelangka-langkaiako luwuno arataado.

Yeremia 4:8

Onaemo pu'uno pokonaomo sawu po'inombo, pengesemo ka ponsabangimo; hangano tekuda-Do i Ue anu tensila nahi ta menaa-naa inso ndi ontae.

Yeremia 9:10

Pengesemo ka peraalikimo hangano luwuno torukuno, ka ponsabangimo hangano ewo i pada one, hangano luwuno londaomo ranta nahina mia telaloio, ka nami teronge mbo'u suarano pinotuwu; moiko manu-manu i laromeene maupo kondehora susuano, luwuno mpolai iramo ka moliu.

Yehesikieli 21:12

Peboolimo ka ponsabangimo, hei anano mia! Hangano ponai atuu ta gagi umewaio bawaa-Ku, ta gagi ewaino luwuno petewawa Isaraeli. Ondae pineweengako a mponai, kanatuu koa mbo'u bawaa-Ku. Onaemo pu'uno, topaomo tongamu gagi petondoni po'inombo.

Yehesikieli 27:31

Ondae mpekeru londa, hangano omue, ka mpebooako sawu po'inombo; ondae mpengese, sumanga mompemarasai hangano omue; asa ponsabangi anu mompokomasusa.

Yehesikieli 7:18

Ira mpopokona sawu po'inombo, doitoa pabawai ira. Luwudo ira ntekoko'ii ka luwuno ulu ta kineru londa.

Hosea 9:5

Hapake anu komiu mingki mpoweweu i tempono tepotowoa langkai, ka ia oleo langkai-Do i Ue?

Yoeli 2:12

”Sine kanandio-andio,” kanandiomo pau-Do i Ue, ”pepokulemo ndi Ongkue tompaano aroamu, saru mepuasa, mengese ka monsabangi.”

Yoeli 2:14

Ba mansa Ira wali me'o'ole, ka Dobintao ronso, gagi pesomba kaanga ka pesomba tinawa ndi Ondae i Ue, Ue Alamu.

Yoeli 2:17

Moikoomo luwuno sando mpesomba, puu pompekakaako-Do i Ue, mengese i olono arono bansala ka meda mpontunua pesomba, ka impotae, ”Oo Ue Ipehohawa iramo bawaa-Miu, ka siimo Ipo'inee ira mia-Miu gagi tataa, ranta luwuno tongku pasinggiri ira. Tembio ka ipinau i olodo luwuno tongku: Isua Ira Ue Alado?”

Podoaa 28:14

Ka luwuno pesomba tinawano asalakono tiano asa sapi lakino entonga hini anggoro, tiano asa bimba lakino asa ntia otolu hini ka tiano asa bimba asa ntia opaa hini. Onaemo pesomba tinunu sompo wula mongura i larono asa nta'u.

Podoaa 28:4

bimba anu asa asalakono weweuo tempono mo'oru, bimba anu susua asalakono weweuo tempono ngkiniwia,

Podoaa 28:7

Pesomba tinawa anu merongaakono asa ntia opaa hini a sompo bimba lakino; tawaomo inua anu mopokomolangu gagi pesomba tinawa ndi Ondae i Ue a mpo'ianga mempori.

Podoaa 29:6

Onaemo tiangino a mpesomba tinunu wula mongura saru pesomba kaangano, ka pesomba tinunu anu wela pinesombaako saru pesomba kaanga ka luwuno pesomba tinawano menunu kana atorano, gagi woo anu mompokomawongko, asa pesomba tinunu ndi Ondae i Ue.

1 KORINTI 4:1

Kanandiomo moikoano domengkita kami mia: kana tetenaa-Do i Kerisituu, anu ndi onae pine'ala-alaako rahasia-Do Ue Ala.

1 KORINTI 9:13

Nahi imento'orioke, nine ondae anu mpompekakaako a mpo'ianga mempori mpohawe pepotuwudo inso a mpo'ianga mempori atuu ka nine ondae anu mpompekakaako meda pontunua pesomba, mpohawe tiado inso a meda pontunua pesomba atuu?

2 KORINTI 11:23

Nde puu pompekakaako-Do i Kerisituu ondae atuuke? – mepau aku kana mia mekombe – lalua akupo mbo'u! Hadioopo pe'iseiku; mararuopo a laro torungku; sinepi komba da sa'uno; mararu ilawu mate.

2 KORINTI 3:6

Ondae koa mbo'u weweu kami ka kimempolio megagi puu pompekakaako a aasa pedandia wo'ohu, anu komba inso a songka anu teburi, sine inso a Mpenaa, hangano songka anu teburi mompepate, sine Penaa mompotuwu.

2 KORINTI 6:4

Tendeano, a laro luwuakoano kimempopokitao, nine omami puu pompekakaako-Do Ue Ala, onaemo: alaro pompetea anu bukeako sabaraa a laro marasaia, ma'isoa ka masukaraa,

MENGKAAA 11:3

Ka Aku moweeako ira anggaa a orua sakosii-Ku, ka dopompau anu ta gagi kontongaado mo'inombo, asa nsowu ka rua etu ka nomo pulu oleo tehineno.