Yoeli 1:10 - Wunta Mempori

¹⁰ Lere ropuomo, wita mompokomasusa, hangano gandu ropuomo, anggoro mokariomo, lana tedeimo koa.

Yoeli 1:10 ပူးပေါင်းရင်းမြစ်များ

Tegagia 4:12

Tewala mo'anggako wita atuu, wita atuu nahi ta moweeko mbo'u hasilino. Omue kogagi mia molai ka topelakopi i tolino.”

Yesaya 15:6

Mentee ntu'u, luwuno waaano uwoi i Nimarimi gagiomo mokari, ewo moleuomo, ewo mongura pingkoomo, nahina mbo'u pinopaho molowulu.

Yesaya 24:11

Teronge peraali a nsala hangano nahina anggoro; luwuno po'unde menaa-naaomo, mawongkono tolino tampulaomo.

Yesaya 24:7

Uwoi anggoro mo'are, keu anggoro me'i'isei, ka luwuno anu ineheno mo'inu anggoro mpompemasusa.

Yeremia 12:11

Oo, domeweweuomo boni-boni, boni-boni ka po'inombo i aro-Ku! Boni-boni luwuno wita atuu, sine nahina maupo te'asa mia anu merioo.

Yeremia 12:4

Opiapo mbo'u tempono itedoa mokari wita andio, ka ewo a luwuno pada moleu? Hangano mosa'o poweweudo palilino kondehora ka manu-manu pingko tampula, hangano mpotaedo, ”Nahi Ira kumita kita poko'ariano anu umalu kita!”

Yeremia 48:33

Po'undea ka pebooli mawongko tampulaomo inso a lere wua ngkeu kaanga ka wita Moabi. Kupoko'olaiomo anggoro inso a pomporo'ia; nahina mbo'u anu monsesa saru mebooli mawongko, pebooli mawongko nahi teronge mbo'u.

Hosea 4:3

Onaemo pu'uno wita andio ira pompemasusa, luwuno palilino ta me'i'isei; luwuno kondehora i tongampada ka manu-manu i laro meene, maupo luwuno bou a ntahi mbo'u ta tepumpu mate.

Hosea 9:2

Ponsesaa gandu ka pomporo'ia anggoro nahi ta moweeako ira kaanga; anggoro nahi ta mokonte'osa ira.

Yoeli 1:12

Keu anggoro mokariomo ka keu ara moleuomo; keu delima, keu kuruma ka keu apeli, luwuno keu i tonga mpada mokariomo. Mentee ntu'u, makuraomo mawongko inso a luwuno anano mia.

Yoeli 1:5

Hei anu wela molangu pewangumo, ka pengesemo! Ponsabangimo, hei luwuno anu marampo'inu anggoro hangano anggoro wo'ohu, hangano anggoro atuu rinontuomo inso a ngangamu!

Yoeli 2:19

Ondae i Ue sumangki ira bawaa-Do, Dopotae, ”Menteeano, Aku mo'oliwiakomiu gandu, anggoro ka lana, ka komiu memowohiakono; Nahi Aku mo'inee komiu mbo'u gagi tataa i olodo luwuno tongku.

Imama 26:20

Ka rosomu ta pingko mpena, witamu nahi ta moweeko hasilino ka luwuno keu i wita atuu nahi ta mompowee wuano.

Habaku 3:17

Maupo keu ara nahi pensisi, keu anggoro nahi pewua, ka hasilino keu saitu mompokomasusa aroa, maupo luwuno lere nahi pehasiliako kaanga, bawaa bembe bimba tesaari inso a mpo'ukoa, ka nahina sapi a laro wala,

Hagai 1:11

Kupoboio motu'i-tu'ia ka ihawe a wawo wita, a luwuno torukuno, a gandu, a anggoro, a lana, a luwuno hasilino wita, a mia ka a mpinotuwu saru a luwuno pe'i'iseino kaemu.”

Maleaki 2:3

Menteeano, Aku humuku ira inulemiu ka monaakono anu mokoburu a rupamiu, mokoburuno pesomba oleo langkaimiu. Komiu mewinawa merongaakono.