Yesaya 9:3 - Wunta Mempori

³ Hangano pasanga anu dumansoo ka ponsela a wawo oweano saru tukono anu mompokonsii Ipuduomo kana a oleo tenangiano Midia.

Yesaya 9:3 ပူးပေါင်းရင်းမြစ်များ

Nehemia 9:23

Ipokogagio anado kana hadiono anano wula i langi. Iwawa ira a wita anu Itenaako ira uempu'udo kadompewinsokio ka mpetorokio.

Ayubi 12:23

Ondae weweu ira tongku ntetiangi, umarino atuu mepate ira, ka mokohadio ira tongku, umarino atuu sumaari ira.

Po'unde-unde 107:38

Doronso ira onaemo ka dontetiangi hadio ntu'u, ka luwuno pinotuwudo Doweweuo nahi makura.

Po'unde-unde 119:162

Kupo'undeakono dandi-Miu, kana mia anu mohawe hadio pinomuru.

Po'unde-unde 4:7

Hadio mia mpotae, ”Isema anu ta mopokitao anu moiko ndi ontae?” Po'ineeomo wantano rupa-Miu pansari kami, oo Ue!

Yesaya 10:26

Ondae Ueno luwuakoano Ira monsepiako ponsepi ndi ondae, kana Dosepi ira to Midia i torukuno watu Orebi, ka tumandeo tuko-Do a wawo ntahi kana anu wineweu-Do i Masiri i ndi'ipua.

Yesaya 12:1

I tempo atuu komotae, ”Aku mo'unde ndi Omiu, oo Ue, hangano menteeano tekuda Komiumo ndi ongkue, tekuda-Miu moriniomo ka Itarero aku.

Yesaya 14:5

Dopuduomo i Ue tukono mia mosa'o gauno ka tarasulu anu pabawa,

Yesaya 25:9

I tempo atuu mia ira mpotae, ”menteeano, Ondaemo andio Ue Alato. Tomensisikori Ira, ka Dokadudui kitamo. Ondaemo andio Ue anu sinisikorito; aiwamo tomengkokora-kora ka mpo'undeakono pontulungi-Do!”

Yesaya 26:15

Iweweuomo tongku andio kotetia-tiangino, oo Ue, Iweweuomo tongku andio kotetia-tiangino. Mohawe Komiumo marambaa; tedoaomo Ipokomaluao witado.

Yesaya 35:10

mia anu mempinotola-Do i Ue ira mpekule ka mpewinso i Sioni saru mengkokora-kora, po'unde nahina tampulaano ta gagi peramba-ramba uludo; mawongkoa ka po'unde ta buke ndi ondae, masusa ka pompemasusa me'olaiako.

Yesaya 35:2

kana bunga rosi onae ta marombo sisino, mengkokora-kora, oo mengkokora-kora ka maroa mengkokora-kora. Marambano Libano ta wineeako ndi onae, mewantano Karameli ka Saroni; oo, ira mengkitao maramba-Do i Ue, mewanta-Do Ue Alato.

Yesaya 54:1

Mengkokora-koramo mawongko, hei beine bita anu nahi hori me'ana! Po'undemo saru mengkokora-kora mawongko ka pebolikimo, hei omue anu nahi hori mompembasai mahaki me'ana! Hangano luwuno anano beine anu bininta asa-asano ta laluaopo hadio anano sekonopo nana'ote inso a beine anu hinao tamano, pau-Do i Ue.

Yesaya 55:12

Mentee ntu'u, komiu mpelungka memawongko ka ta tineoako sintuwu; luwuno torukuno ka pongku ira mpo'unde ka mengkokora-kora maroa i aromiu, ka luwuno keu a mpada ira mpotopa-topa.

Yesaya 61:10

Mawongko aku ndi Ondae i Ue, sumangaku kokora-kora mawongko ndi Ondae Ue Alaku, hangano Dopokonaakune sangka tekaduduia ka sumoumbuakune lemba meloe menteea, kana umbungkoroi tama anu mompokona ramba-ramba ulu ka kana umbungkoroi beine anu mompake ramba-rambano.

Yesaya 61:7

Gagi euno mokoko'iimiu anu meluka mpedua hadiono, ka gagi euno tesosa'ori, komiu mengkokora-kora mawongko hangano tia anu hinawemiu. Komiu mpohawe pusaka meluka mpendua i witamiu ka mawongkoa nahina tampulaano ta gagi tiamiu.

Yesaya 65:14

Menteeano, luwuno tetenaa-Ku ira mengkokora-kora mpo'ude hangano mawongko aroado, sine komiu mperaali hangano masusa aroa, ka komiu mpengese hangano nahina pompe'osaia.

Yesaya 65:18

Sine, memawongko ka mengkora-koramo ranta nahina tampulaano a hapa anu pinokogagi-Ku, hangano menteeano, Kupokogagio Yerusale bukeako kokora-kora mawongko ka palilino bukeako mawongkoa.

Yesaya 66:10

Memawongkomo saru Yerusale, ka imengkokora-koramo memawongko hangano onae, hei luwuno mia anu kumekewoio! Mawongkomo saru onae temawongko ntu'u, hei luwuno mia anu mpo'inombo hangano onae!

Yeremia 31:7

Hangano, kanandiomo pau-Do i Ue: Peboo-boolimo mawongkoakono i Yako saru po'unde, memawongkomo mongkona petewawado luwuno tongku! Paleleomo, unde-undeomo ka pauomo: Ue Ikadudui iramo bawaa-Miu, to Isaraeli anu da tebinta!

Hosea 4:7

Kohadi-hadiodo, koteha-tehalado ndi Ongkue, marambado Aku umeuakono pontataa.

Imama 26:13

Ongkuemo Ue, Ue Alamiu, anu wawa komiu mpeluarako inso i wita Masiri, kasi megagi mbo'u atado. Kupuduomo keu pasanga anu i wawomiu ka weweu komiu mpelempa moleo.”

Sakaria 10:8

Aku momansu moboi ira ka Aku pumpu ira, hangano Kupotola iramo, ka ira megagi hadio kana i ndi'ipua.

Sakaria 2:11

I tempo atuu hadio tongku ira tepo'asaako Ira i Ue ka gagi bawaa-Ku ka Aku mo'ia i tonga-tongamiu.” Ka kotumo'orio nine Ondae Ueno luwuakoano anu tumena aku ndi omue.

Sakaria 8:23

Kanandiomo pau-Do Ueno luwuakoano, ”I tempo atuu hopulu mia inso a mperupa-rupa tongku ka pau ira me'inio moroso ntu'u tapuno lemba meloeno asa to Yahudi ka mpepau: Inehemami melako meronga saru omiu, hangano kimerongeomo, nine Ondae Ue Ala kumongkomi komiu!”

I LUKASI 11:22

Sine tewala asa mia anu morosoopo sekono onae sumapoio ka inangio, asalakono mia atuu ta rumontuo parewa mpeteano, anu pinerorohino, ka ta tumia-tiao rinontuno.

WINEWEUDO TINENA 8:8

Onaemo ka itedoa langkai mawongkoa a ngkota atuu.

PILIPI 4:4

Impo'undemo mpiha ndi Ondae i Ue! Pohonapo mbo'u kupauo: Impo'undemo!

1 PETURU 1:8

Maupo napi hori mengkita Ira, sine impehohawa Ira. Impe'ala-ala Ira, maupo nahi imengkita Ira kanandio-andio. Memawongko komiu hangano po'unde anu maramba ka anu nahi pinokopau,

Puu Mpobitara 5:3

Imerongeomo, o luwuno mokole! Imenta'oo biri miu, o luwumiu petewawa! Aku mingki menani, aku mingki menani tia-Do i Ue, aku mingki menani po'unde-unde tia-Do i Ue, Ue Alado to Isaraeli.

Puu Mpobitara 7:22

Itempono otolu etu mia atuu mpopuuri tawuwua, ia luwuno mpekemaa atuu Doweweuo i Ue ponaido ipo'aroo ia walino. Puu mpetea atuu mpolai ira hawe i Bete-Sita, te'aro i Serera hawe i wiwino Abeli-Mehola umpeda i Tabati.

Puu Mpobitara 8:12

I Sebaha ka i Salamuna molai, sine i Gideo mepolulu ka irakoo i Sebaha ka i Salamuna, orua ira mokoledo to Midia atuu. Luwuno puu mpetea atuu mpolai medoito.

1 Samueli 30:16

Mia atuu tumeoo i Daudi iraane, ka dokita iramo mia atuudo ntesiarawo a wawo wita, mpongkaa ka mpo'inu mporame-rameako pinomurudo anu hadio, anu merinontudo inso a witado to Pelisiti ka i witado to Yehuda.