Yesaya 7:4 - Wunta Mempori

⁴ ka pauakono, Dagaiomo koroimu ka ikongko momperodo. Siimo doito ka siimo itengkuru aroamu hangano orua tompa api anu me'ahu andio tekudano ntu'u i Resini saru to Arami ka anano i Remalia.

Yesaya 7:4 ပူးပေါင်းရင်းမြစ်များ

2 Mokole 15:27

Ia ta'u kolima pulu ka orua poparentaano i Asaria mokole i Yehuda, I Pekahi anano i Remalia gagi mokoledo to Isaraeli i Samaria. Onae moparenta rua pulu nta'u tehineno.

2 Tawarika 20:17

A laro mpeteaa andio, siimo impetea. Oo Yehuda ka Yerusale, impo'iamo mpentade a mpo'iangamiu, ka kitaomo kana'umpe Ondae i Ue moweeakomiu ponangia. Siimo imedoito ka ntededengke. Tisomo imelakomo umaropi ira, Ondae i Ue Ira kumongkomi komiu.”

Yesaya 10:24

Onaemo pu'uno, kanandiomo pau-Do i Ue, Ueno luwuakoano, ”Hei bawaa-Ku anu mpo'ia i Sioni, siimo doitoakono i Asuri anu tumunduhiakomu tarasuluno puu mpopakambi ka anu uma'eakomu tukono kana anu wineweuno i Masiri i ndi'ipua.

Yesaya 30:15

Hangano kanandiomo pau-Do Ue Ala, Ondae Anu Tedoa Mempori, Ue Alado to Isaraeli, ”Saru mpepokule ndi Ongkue ka mpo'ia mpenoro-noro komiu mengkinadudui, i larono impo'ia mpomperodo ka mpompe'ala-ala rosomiu mo'ia.” Sine nahi mebehe,

Yesaya 30:7

a nto Masiri anu moweeako ira pontulungi anu nahina pengkonaano; onaemo pu'uno, Kuneeakono, ”Rahabi, kalamboro anu butu mentoro menoro-noro.”

Yesaya 35:4

Pauako iramo mia anu motewe aroado, ”Impokorosoo aroamiu, siimo imedoito! Kitaomo, Ondae Ue Alamiu Ira hawe saru pombaloa, saru pohuku-Do Ue Ala. Ondae isa'a hawe kumadudui komiu!”

Yesaya 37:6

motaeomo i Yesaya ndi ondae, ”Pauakonomo uemiu kanandio: Kanandiomo pau-Do i Ue: Siimo doitoakono pau anu rinongemu anu pinaudo atano mokoledo to Asiuri ka dompepaukia-Kune.

Yesaya 41:14

Siimo doito, hei tolodo Yako, hei ule-ule Isaraeli! Ongkuemo anu tumulungiko, kanandiomo pau-Do i Ue, ka anu tumolosiko onaemo Anu Tedoa Mempori, Ue Alado to Isaraeli.

Yesaya 7:1

I tempono i Ahasi anano i Yotami anano i Usia, mokoledo to Yehuda, lumakoomo i Resini, mokoledo to Arami, saru i Pekahi anano i Remalia, mokoledo to Isaraeli ta meteaakono Yerusale, sine nahi pokosapoio.

Yesaya 7:8

hangano kota poparentaado to Arami onaemo Damasi, petewawano Damasi onaemo i Resini. Nomo pulu ka olima nta'u mbo'u Eparai ta sinapoi, ranta nahi gagi mbo'u tongku.

Yesaya 7:9

Ka kota poparentaado to Eparai onaemo Samaria, petewawano Samaria onaemo anano i Remalia. Tewala nahi moroso pompe'ala-alamiu, mentee ntu'u nahi komiu merodo.”

Yesaya 8:4

hangano se'eluno napi pokopauo nana'ote atuu ’Ine! Ama!’ pompolino Damasi ka pinomuruno Samaria ta winawa i arono mokoledo to Asuri.”

Yesaya 8:6

”Hangano tongku andio nahi domentarimao uwoi Siloahi anu waa me'ara-arai, ka memotewe aroa ndi Resini ka anano i Remalia,

Ponsabangi 3:26

Moikoomo mesikori saru menoro-noro pontulungi-Do i Ue.

Amosi 4:11

”Kuwowangunsuleomo luwuno kota i olomiu, kana Dowowangunsuleo Ue Ala Sodomo ka Gumora, ranta ka imegagi kana tompa api anu inala inso a langano api. Sine nahi mpepokule ndi Ongkue,” kanandiomo pau-Do i Ue.

Habaku 2:3

Hangano pongkita atuu da monsikori tempono, sine ta ronga te'aro a mpoko'ariano, ka komba pompopo'oo. Maupo nahi ronga hawe, sikoriomo, hangano mongkona atuu manasa ta hawe ka nahi ta tepotulu.

Sakaria 3:2

Ka i'amba mepau Iramo i Ue ndi Mosa'o atuu, ”Ondae i Ue tekudaakomu, hei i Mosa'o! Ondae i Ue, anu binikio Yerusale, tekudaakomu! Kombake onae andio mia nahi me'ura anu pinadiiomo inso a api?”

I MATIU 10:28

Ka si medoitoako ira anu mokompopepate koroi, sine anu nahi pabawa mompepate sumanga; laluaopo imedoitoako Ira anu pabawa mompepate moiko sumanga maupo koroi a laro naraka.

I MATIU 24:6

Komiu mporonge runduno peteaa ke lele mongkona peteaa. Sine impetangkoro si medanggara; hangano luwuno atuu asalakono ta gagi, sine atuu napi tampulaano.

Winali 20:3

Asalakono ka ipotaeako ira, ’Hei to Isaraeli, imerongeomo! Oleo andio komiu mpo'aropi peteaa umewai ira iwalimiu. Si molema aroamiu, si medoito, si medanggara ka si memondende i arodo.

1 Samueli 17:32

Motae i Daudi ndi Saulu, ”Kasi mansa domengkodei aroa mia hangano onae, atamiu andio ta lako umewaio to Pelisiti atuu.”