Yesaya 7:3 - Wunta Mempori

³ Mepau Iramo i Ue ndi Yesaya, ”Peluarakomo tepohaweakono i Ahasi, omue ka i Sieari Yasiubi, anamu tama, i tompano pangkorono Limbo i Wawono, a nsala a Mpada Penatu,

Yesaya 7:3 ပူးပေါင်းရင်းမြစ်များ

2 Mokole 16:1

Ia ta'u kohopulu ka opitu poparentaano i Pekahi anano i Remalia, i Ahasi anano i Yotami mokole i Yehuda, gagi mokole.

2 Mokole 18:17

Umarino atuu mokoledo to Asuri tumena ira tadulako sorodadu, i rabi-sarisi ka i rabi-sakehi inso i Lakisi lumako ndi mokole Hisikia i Yerusale, sorodadu anu hadio tumonda ira. Melako ira ka mehawe i Yerusale. Mansado melako ka mehawe i tu'ai, mpo'ala ira po'ianga umpeda pangkorono limbo i wawono a nsala langkai a Pada Penatu.

2 Mokole 20:20

Anu susua inso a nteweweuno i Hisikia, luwuno mosiano ka kana'umpe ipoweweu limbo ka pangkorono uwoi ka mowaao uwoi a laro ngkota, kombake luwuno atuu teburi a wunta tutuludo mokole i Yehuda?

Nehemia 3:16

I horino i Nehemia anano i Asibuki anu pabawaio asa ntia Beti-Suri, mompokomoiko hawe i arono pekaburuano i Daudi ka hawe a limbo wineweu, ranta hawe a rahado pongkiari.

Peluarakoa 7:15

Lakomo ndi Pirao da mo'oru, tempono ipeluarako lumako a ngkorono. Sikoriomo a wiwino koro Nili, ka wawao a ngkaemu tuko anu horiomo gagi ule.

Yesaya 10:21

Aasa anu datuwu ta mekule, aasa anu datuwu inuleno i Yako, ndi Ondae Ue Ala anu moroso.

Yesaya 22:10

luwuno raha i Yerusale imedoao, ka raha atuudo impobangku ira ta mompokomoroso rere watu;

Yesaya 22:11

popumpua uwoi imeweweuo i olono orua rere watu atuu popumpua uwoi inso a limbo anu tehine; sine omiu nahi mpengkita ndi Ondae anu weweuo, ka nahi mpengkita ndi Ondae anu mokogagiomo mompu'u i ndi'ipua.

Yesaya 36:2

Mokoledo to Asiuri tumenao asa mia rabi-sakehi inso i Lakisi lumako i Yerusale ndi mokole Hisikia saru bawaano sorodadu anu langkai. Onae mo'ala po'ianga umpeda pangkorono limbo i wawono a nsala langkai a Mpada Penatu.

Yesaya 55:7

Moikoomo mia mosa'o gauno bintao salano, ka mia lambaha bintao tinoono. Moikoomo ipepokule ndi Ondae i Ue, asalakono Ira mehohawao, ka ndi Ondae Ue Alato, hangano Ondae mo'onini hala hadio ntu'u.

Yesaya 6:13

Tewala i ra'ai da mpo'ia asa ntia hopulu inso ndi ondae, ta kumaa ira api pohonapo mbo'u, kana keu tarabanti ka keu langkai susuano anu tinuehi butumo koa tu'ono tebinta. Tu'o atuu gagi wuku mpinopaho anu mempori.”

Yeremia 22:1

Kanandiomo pau-Do i Ue, ”Lakomo a langkanaeno mokoledo to Yehuda ka pohaweomo pau andio i ra'ai.

ROMA 9:27

Ka i Yesaya mebooli mongkona Isaraeli, ”Maupo porokono anano i Isaraeli kana one a ntahi, sine butu toreano ta kinadudui.