Yesaya 66:3 - Wunta Mempori

³ Mia monsumbele sapi lakino, sine mompepate mbo'u mia; mia mompesombaako bimba, sine mompudu keu we'uno dahu; mia mompesombaako pesomba kaanga, sine mompesombaako reano boe; mia mompesombaako dupa, sine mo'unde-unde mbo'u lahumoa. Onaemo pu'uno, mengkena kana ondae laludopo mpobiniki salado ondaedo, ka sumangano ineheno a mpinesombai mokoburudo,

Yesaya 66:3 ပူးပေါင်းရင်းမြစ်များ

Powadi 15:8

Pesombano mia mosa'o gauno mokoburu-Do i Ue, sine pekakaino mia moleo inehe-Do.

Powadi 21:27

Pesombano mia mosa'o gauno atuu mokoburu, tamoako mbo'u tewala pinesombaako a ntinoo anu mosa'o.

Yesaya 44:19

Nahina anu tumimbangao, nahi sompo ponto'ori ke mokonto'orio ka ipauo, ”Entongano kutunuomo a laro api ka a wawo warono mbo'u kutunuo roti, kuraramio bau, ka ku'amba kumaano. Kana'umpe ta moiko toreano kuweweuo gagi lahumoa minokoburuako? Kana'umpe aku menggolontu mesomba a ngkeu motu'i?”

Yesaya 53:6

Ontae luwu ntesaa kana bimba, ontae singge mpo'ala salato ontaeto, sine Dopotiiomo i Ue ndi onae mosa'ono wineweuto luwu.

Yesaya 57:17

Ongkue tekuda hangano hala modokono, Kusepio, wunio rupa-Ku ka tekuda, sine ipebungkui Aku ka itondao sala anu bininikino aroano.

Yesaya 65:12

Aku pakosi komiu memateako ponai, ka luwumiu komiu mpenggolontu ka impepateo! Hangano, tempono Kupepoboi, nahi mesangki, tempono Kupepau, nahi merongeo; omiu mpoweweu hapa anu mosa'o a pongkita-Ku ka laluaopo mebinikio hapa anu nahi Kupe'eheo.”

Yesaya 65:2

I larono asa oleo Kutandeomo kae-Ku a bawaa anu umewa, anu montonda sala nahi moiko ka montonda tinoono onaeno;

Yesaya 66:17

Ondae anu mpopokomempori ka mpokomorinao koroido mpesomba a lere bungano pinesombai, saru mentondao asa mia anu kongko i tonga-tongano, anu mongkaa bauno boe ka luwuno kondehora mokoburu saru tehu, luwudo ira metampula pohona koa, kanatuumo pau-Do i Ue.

Yeremia 6:20

Hapake tuduno ndi Ongkue impowawa dupa inso i Sieba ka towu anu moiko inso i wita anu olai? Nahi Kupekono ira pesomba tinunumiu ka luwuno pesomba sinumbelemiu nahi pokonsanaa Aku.

Imama 2:2

Ka i'amba pesomba atuu iwawao a luwuno anano i Haruni, luwuno sando mpesomba atuu. Sando mpesomba mo'ala inso a mpesomba atuu asa raku tarigu, lana ka luwuno dupa, ka i'amba tumunuo luwuno atuu i wawono meda pontunua pesomba gagi pepopoto'ori, pesomba tinunuako api anu woono mokomawongkoo aroa-Do i Ue.

Hagai 2:14

Motae i Hagai, ”Tewala asa mia anu gagi mokoburu hangano modanggi wata ngkoroi, modanggi luwuno andio, nde atuu ta gagi mokoburu?” Mesangki ira luwuno nabi, dompotae, ”Manasa!”

Winali 14:8

Boe mbo'u mokoburu ndi omiu, hangano boe kukuno tebansi, sine nahi wali mongai kaangano. Bauno luwuno kondehora atuu si mengkaano ke medanggio wata ngkoroino.

Winali 23:18

Sipowawa doi tambo pebelesua beine ke po'owahi pebelesua tama ia raha-Do i Ue, Ue Alamu, gagi po'ihii asa pontanga, hangano oruano atuu mokoburu-Do i Ue, Ue Alamu.

Puu Mpobitara 10:14

Imelakomo mpebooli ia luwuno anu pinesombai susua anu bininikimiumo atuu, po'ineomo ka ondae anu tumolosi komiu itempono imentedungku.”

Puu Mpobitara 21:25

Ia tempo atuu nahina mokole i olodo to Isaraeli. Sompo mia moweweu hapa anu mentee montonda po'eheno onaeno.

Puu Mpobitara 5:8

Itempono mia mpobiniki anu pinesombai wo'ohu, mpetea ia mpewowano inia. Menteeano, maupo te'asa kanta ba kansai nahi tengkita i olono pato pulu nsowu mia i Isaraeli.