Yesaya 66:2 - Wunta Mempori

² Kombake kae-Ku anu weweuo luwuno, ranta ka igagi luwuno andio? Kanandiomo pau-Do i Ue. Sine, miamo anu kanandio anu kinita-Ku: mia anu tepokonsii ka nahina pompe'osaiano ka anu doitoakono pau-Ku.

Yesaya 66:2 ပူးပေါင်းရင်းမြစ်များ

1 Mokole 21:29

”Nde ukitaomo i Ahabi tedoa me'urumako i aroku? Hangano onae me'urumakoomo i aro-Ku, nahi Aku mopotii masolaa tempono da ituwu. Ambapo a temponopo anano, Aku mompotii masolaa a somborino.”

2 Mokole 22:10

I Sapani, puu mpoburi atuu, pauako ira mbo'u mokole, ”Ipeweengakonomo sando mpesomba Hilikia paluluno wunta ndi ongkue.” Ka i'amba i Sapani basaako ira mokole i arodo.

2 Mokole 22:11

Rumongeo luwuno pauno wunta songka Taura atuu, doberio mokole sangkado.

Esera 10:3

Kanandio-andio, aiwamo ka tompowutu pedandia saru Ondae Ue Ala, nine kita mentena ira luwu melako beine atuudo saru nana'ote anu pine'anaakodo, tumondao patudumiu ka luwuno mia anu medoito a parenta-Do Ue Alato. Po'ineeomo luwuno atuu iwineweu montonda songka hopulu.

Esera 9:4

Mpepumpu iramo umpeda ndi ongkue luwuno mia anu mpondidi-ndidiako pau-Do Ue Alado to Isaraeli, hangano wineweudo mia mentinadi nahi penunu atuu. Sine kongkoku mentoro mompemasusa, hawe a tempono mpesomba ngkiniwia.

Po'unde-unde 119:120

Koroiku mondidi-ndidi doitoa-Komiu, kudoitoakono luwuno songka-Miu.

Po'unde-unde 119:161

Luwuno anu langkai potorono melampui aku nahina pu'uno, sine butu a mpau-Miu aroaku doito.

Po'unde-unde 138:6

Ondae i Ue atuu mantande, sine Dopensiroio mia anu pinokongkodei, mia anu mompelangka-langkai Doto'orio inso olai.

Po'unde-unde 34:18

Luwuno mia mentee mpeboo-booli, ka Dorongeo i Ue, Dopotola ira inso a pompema'isodo.

Po'unde-unde 51:17

Oo Ue, I'ungkahiomo wiwiku, ka ipaleleo ngangaku po'unde-unde ndi Omiu!

Po'unde-unde 51:19

Pesomba sinumbele ndi Ondae Ue Ala onaemo sumanga anu mopemasusa; aroa anu tedoa mopemasusa ka buke pe'o'ole nahi Komiu mokoburuakono, oo Ue Ala.

Powadi 28:14

Me'uraomo mia anu wela doitoako Ira i Ue, sine mia anu mokomoteao aroano ta tedonta a laro masolaa.

Powadi 29:23

Pompelangka-langkai mompe'uru-uru mia, sine mia anu me'urumako, montarima po'unde-unde.

Yesaya 40:26

Po'aroomo matamu i langi ka kitaomo: Isema anu mokogagio luwuno anano wula atuu ka wawa ira luwuno sorodadudo mpeluarako, saru moboio luwuno needo? Hangano Ondae tedoa pabawa ka tedoa moroso, nahina maupo te'asa anu nahi hawe.

Yesaya 41:20

ka domengkitao luwuno mia ka mpokonto'orio, menootio ka tumo'orio, nine kae-Do i Ue anu weweuo luwuno andio ka Anu Tedoa Mempori, Ue Alado to Isaraeli, anu mokogagio.

Yesaya 57:15

Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.

Yesaya 61:1

Penaa-Do Ue Ala kongko ndi ongkue, hangano Do'urapi akumo i Ue. Dotena akumo mohaweo lele moiko a mia memarasai, ka mekakaako ira mia anu masusa aroano, ka paleleo pompotolaa a mia mentinawa, ka tepotolaado mia anu nte'uko a torungku,

Yesaya 66:5

Rongeomo pau-Do i Ue, hei omiu anu medoitoakono pau-Do! Ondae pepaekompomiu anu umo'aliaakomiu, ka lumiahako komiu hangano nee-Ku, mpotae iramo, ”Moikoomo Dopopokitao i Ue maramba-Do, ka kimengkitao mawongkomiu!” Sine, tendeano ondaemo anu ira mempinokoko'ii.

Hosea 11:10

Ira mpetonda ndi Ondae i Ue; Ira mengaoli kana singa. Mentee ntu'u, Ira mengaoli. Nana'ote ira mehawe saru mpondidi-ndidi inso i sumooano oleo,

Mika 6:8

”Oo mia, umariomo upinauako hapa anu moiko, ka hapa anu tinuntu-Do i Ue inso ndi omue umarino melelu moleo, kumekewoio petenunu, ka tuwu me'urumako i aro-Do Ue Alamu?”

Habaku 3:16

Tempono kurongeo, mondendeomo aroaku, rumongeo unino, bibiomo wiwiku; pompemekiki mewinso a laro wukuku, ka pelempano karuku mondidi-ndidi. Ka kupomperodo sumikorio oleo masusaa, anu ta umaluo tongku anu sumapoi kami.

I MATIU 12:6

Kupauakomiu: I ndi'ai hinao anu lumaloio Raha-Do Ue Ala.

WINEWEUDO TINENA 7:50

Kombake kae-Ku Ongkue-Ku anu weweuo luwuno andio?

WINEWEUDO TINENA 9:6

Sine pewangumo ka lakomo a laro ngkota, i ra'ai kopinauako, hapa anu asalakono ka uweweuo.”

PILIPI 2:12

Hei luwumiu pepaekompo anu pinehohawaku, mpomperorongeako komiu mpiha; onaemo pu'uno ime'anggaomo mpiha tekaduduiamiu saru medoito ka mpondende, komba butu kana i tempono da kukongko, sine laluaopo mbo'u kanandio-andio tempono nahi kukongko,

KOLOSE 1:17

Kongko Iramo se'elu sekono luwuakoano ka luwuakoano kongko ndi Ondae.