Yesaya 57:3 - Wunta Mempori

³ Sine omiu, imperangkuhakomo ramai, hei anado beine puu ponsihiri, hei inuleno mia anu monsosabo ka beine belesu!

Yesaya 57:3 ပူးပေါင်းရင်းမြစ်များ

Tegagia 3:15

Aku moweweu pe'iwalia i olomu ka beine andio, i olodo inulemu ka inuleno; inuleno ta puroo ulumu, ka omue kotumungkuo tundono.”

Yesaya 1:21

Adoo, kota anu i ndi'ipua metenunu kanandio-andio gagiomo belesu! Hieno buke moleoa, menteea mo'ia i larono, sine kanandio-andio bukeako puu pompepate.

Yesaya 1:4

Masola ntu'u tongku anu tehala, bawaa anu bukeako sala, inuledo mia anu melolambaha, mia anu mpoweweu mokoburu! Domebinta Ira i Ue, tumata Ira Anu Tedoa Mempori, Ue Alado to Isaraeli, ka mpewolili mpebungkui Ira.

Yesaya 45:20

”Mpepumpumo ka aiwamo, ime'aiwamo meronga-ronga, hei luwumiu anu mentola i olodo tongku! Nahina ponto'orido mia anu mpowawa tinaha inso a ngkeu kanantuu koa mbo'u ondae anu mpekakai a mpinesombai anu nahi polio mongkadudui.

Yesaya 48:16

Perangkuhakomo ndi Ongkue, rongeomo andio: Inso i ndi'ipua nahi Kuhori mepau rahasia ka tempono igagi luwuno atuu kongko Aku i tu'ai.” Kanandio-andio, Ondae Ue Ala tumena aku a Mpenaa-Do.

Yesaya 57:7

Omue monaa poturiamu a wawo ntorukuno anu malanga ka a wawo ntorukuno mbo'u atuu komewuatako mompesombaako pesomba sinumbele.

Yesaya 58:2

Oleo me'eu oleo dome'ungke Aku ka inehedo mento'orio luwuno sala-Ku. Kana tongku mpoweweu anu mentee ka anu nahi bintao songka-Do Ue Alano dompesikenoakono ndi Ongkue luwuno songka anu mentee, inehedo me'umpeda ndi Ondae Ue Ala, dompotae,

Yeremia 3:6

Ondae i Ue mepau ndi ongkue i tempono mokole Yosia, ”Umariomoke ukitao hapa anu wineweuno i Isaraeli anu mehapuakono pompe'ala-alano atuu? Kombake onae mewuatako a sompo pongku anu kontasi-tasi ka lumako a ntoto sompo keu anu marombo ka mebelesu i ra'ai?

Yeremia 3:9

Hangano moruanano mebelesu, isosa'ario wita. Onae monsosaboako mompesombai watu ka keu.

Hosea 1:2

Tempono Ondae i Ue mompu'u mepau molalo i Hosea, mepau Iramo ndi Hosea, ”Lakomo, kombiaomo asa beine belesu ka pe'ue iramo ana belesu, hangano wita andio inehedo mpebelesu saru mpebungkui Ira i Ue.”

Hosea 2:4

Mentee ntu'u inedo gagiomo belesu; beine anu mentiaako ira moweweuomo mokoko'iia. Hangano ipotae: Aku tumonda ira mia ineheku ntu'u, anu mowee aku roti ka uwoi inuaku, wulu bimba ka sawu lenaku, lana ka inuaku.

Hosea 2:6

Onae ta lumulu ira pinehohawano, sine nahi ta humawe ira; onae ta umungke ira, sine nahi ta tepohaweako ira. Ka onae ta motae: Aku mekule mepokule a ntamaku anu amba-ambano, hangano tempo atuu sanaa akupo sekono kanandio-andio.

Maleaki 3:5

Aku aiwa umpeda ndi omiu gagi puu mpobitara. Aku ronga gagi sakosii a luwuno puu ponsihiri, luwuno mia anu mponsosabo, ka mia anu mpesumpa mpegaupi, saru mbo'u luwuno mia anu mompokonsii mia tinambo, tuwu beine, ka nana'ote nahina amano, saru anu nahi poweeako ira tia mia hawe ka nahi doito ndi Ongkue, pau-Do Ueno luwuakoano.

I MATIU 12:34

Hei omiu inuleno ule me'ipo, kana'umpeke ka komiu mpokopau ira anu moiko, kahinaano omiu mia memosa'o? Hangano anu pinauno wiwi meluarako inso i aroa.

I MATIU 16:4

Mia andiodo anu memosa'o ka nahi dompetenunu andio mpo'ema aasa petondoni. Sine ndi ondae nahi ira mempinoweeako petondoni sangkadio petondonino Nabi Yunu.” Ka Do'amba i Yesu binta ira ka Dolako.

I MATIU 23:33

Hei omiu ule, hei omiu inuleno ule me'ipo! Kana'umpeke ka komiu mpokotola inso a mpohukua i naraka?

I MATIU 3:7

Sine tempono ikitao hadio ira to Parisi ka to Saduki me'aiwa ira mpepebaho, ipotaeako ira, ”Hei omiu inuleno ule me'ipo. Isemake pauakomiu, nine komiu mpokompolai inso a tekuda anu ta hawe?

I LUKASI 3:7

Ka i'amba motaeako ira mia hadio anu me'aiwa ndi onae ka domebinaho, ipotae, ”Hei omiu inuleno ule me'ipo! Isemake anu mompauakomiu ka impolai inso a pontekudaako anu ta hawe?

YAKOBU 4:4

Hei omiu, mia anu nahi mpetenunu! Nahi imento'orioke, nine pesambe'ea saru wawontolino onaemo pe'iwalia saru Ondae Ue Ala? Gaagi ba isema mingki gagi sambe'eno wawontolino andio, ipokogagio koroino iwali-Do Ue Ala.

1 YOHANE 3:10

Ndio tondonino luwuno ana-Do Ue Ala ka luwuno anano i Mosa'o: sompo mia anu nahi poweweu menteea, komba tepu'u inso ndi Ondae Ue Ala, kanandio koa mbo'u ba isema anu nahi pompehohawa pepaekompono.