Yesaya 51:3 - Wunta Mempori

³ Hangano Ondae i Ue tumareroo Sioni, tumareroo luwuno tehoano; Ondae weweuo pada oneno kana i Paradesi ka pada maluano kana lere-Do i Ue. I tu'ai hinawe mawongkoa ka po'undea, penani po'unde-unde ka unino penani anu meroku.

Yesaya 51:3 ပူးပေါင်းရင်းမြစ်များ

Tegagia 13:10

Ka i'amba i Lo'oti mengkita ngkoraane, ka ikitao luwuno Lembono Yarade hawe i Soari, se'eluno napi Dopokotampulao i Ue Sodomo ka Gumora. Lembono atuu hadio uwoino kana bonde-Do i Ue, kana wita Masiri.

Po'unde-unde 85:8

Ipopokitaakamimo pompehohawa-Miu anu nahi bali, oo Ue, ka Itulungi kamimo!

Yesaya 12:1

I tempo atuu komotae, ”Aku mo'unde ndi Omiu, oo Ue, hangano menteeano tekuda Komiumo ndi ongkue, tekuda-Miu moriniomo ka Itarero aku.

Yesaya 25:9

I tempo atuu mia ira mpotae, ”menteeano, Ondaemo andio Ue Alato. Tomensisikori Ira, ka Dokadudui kitamo. Ondaemo andio Ue anu sinisikorito; aiwamo tomengkokora-kora ka mpo'undeakono pontulungi-Do!”

Yesaya 35:6

I tempo atuu mia pungku ta melonso-lonso kana rusa ka ngangano mia bebe ta kokora-kora; hangano mata uwoi mesumpiri i pada one, ka korono a mpada malua.

Yesaya 41:16

Omue kodumuku ira, ka i'amba angi ta panee ira, ka angi mokora ta sumiarawo ira. Sine omue ko kokora-kora ndi Ondae i Ue ka telele ndi Ondae Anu Tedoa Mempori, Ue Alado to Isaraeli.

Yesaya 43:19

Kitao, Aku weweuo asa anu wo'ohu, anu kanandio-andio tuwuomo, naapoke imento'orio? Oo, Akumo moweweu sala i pada one ka hadio korono a mpada malua.

Yesaya 44:26

Ongkuemo anu mokorosoo pinauno tetenaa-Ku ka weweuo tinoo anu pinaleledo tinena-Ku; Ongkuemo anu mepau mongkona Yerusale: Moikoomo ipino'iangi! ka mongkona luwuno kotano Yehuda: Moikoomo iwinangu, Aku wali wanguo terawono!

Yesaya 49:13

Kokora-koramo mawongko, hei langi, kokora-koramo, hei tolino, ka impo'undemo saru kokora-kora memawongko, hei luwuno torukuno! Hangano Ondae i Ue tumarero ira bawaa-Do ka mehohawa ira mia-Do anu tepokonsii.

Yesaya 49:19

Hangano luwuno po'iangamu anu londa ka boni-boni ka witamu anu rinongka, mentee ntu'u, kanandio-andio ma'iso lahi tiado palilimu ka mia anu ira menteleko ira me'olai.

Yesaya 49:8

Kanandiomo pau-Do i Ue, ”I tempono pinemoiko, Aku sumangkiko, a oleo tekaduduia, Aku tumulungiko. Kudagaikomo ka pakosikomo gagi pedandia tiado luwuno mia, wali tumeahakono tolino ka tumia-tiao wita pusaka anu boni-boniomo,

Yesaya 51:12

Ongkue, Ongkuemo anu tumarero komiu. Omue andio isema ranta ka udoito a mia anu ta mate, a anano mia anu tinadi kana ewo?

Yesaya 52:9

Impo'undemo, mengkokora-koramo mawongko mperonga-ronga, hei tekale-kaleno Yerusale! Hangano, Ondae i Ue Dotarero iramo bawaa-Do, Yerusale Dotolosiomo.

Yesaya 61:10

Mawongko aku ndi Ondae i Ue, sumangaku kokora-kora mawongko ndi Ondae Ue Alaku, hangano Dopokonaakune sangka tekaduduia ka sumoumbuakune lemba meloe menteea, kana umbungkoroi tama anu mompokona ramba-ramba ulu ka kana umbungkoroi beine anu mompake ramba-rambano.

Yesaya 65:18

Sine, memawongko ka mengkora-koramo ranta nahina tampulaano a hapa anu pinokogagi-Ku, hangano menteeano, Kupokogagio Yerusale bukeako kokora-kora mawongko ka palilino bukeako mawongkoa.

Yeremia 31:25

Hangano Ongkue moweakono roso anu mokendo, ka sompo mia anu telusa Aku wali mokorosoo.”

Yehesikieli 28:13

Omue i Paradesi, bonde-Do Ue Ala meramba-rambaako luwuno watu paramata anu masuli olino: yasapisi motaha, kerisoli, ka yasapisi molowulu, paramata pirusu, kerisopara, ka nepiri, lasuaradi, watu rea, ka malakiti. Petakoano wineweu inso a wulaa ka pinatinda a oleo upinokogagi.

Yehesikieli 36:11

Aku mokohadioo porokono mia ka kondehora i wawomu, ka ira ntetiangi hadio ka mpe'ana ue. Aku weweu komiu wali pino'iangi kana amba-ambano ka moweweu moiko ndi omiu laluaopo sekono se'eluno. Ka komiu mento'orio nine Ongkuemo Ue.

Yehesikieli 36:35

Ira mpotae: Wita anu tehineomo nahi inangga andio gagi kana Bonde Paradesi ka luwuno kota anu tekale-kaleomo, boni-boni, ka terawo, kanandio-andio pino'iangario ka mebente.

Yoeli 2:3

I arono piingko ikaano api, i bungkuno langano api langkai. Wita i arono kana Bonde Paradesi, sine i bungkuno pada one londa, ka nahina anu tola inso ndi onae.

1 PETURU 1:8

Maupo napi hori mengkita Ira, sine impehohawa Ira. Impe'ala-ala Ira, maupo nahi imengkita Ira kanandio-andio. Memawongko komiu hangano po'unde anu maramba ka anu nahi pinokopau,