Yesaya 51:14 - Wunta Mempori

¹⁴ Onae anu pinanga tepongu ta ronga pinotola; onae nahi ta mate metii a laro ngkaburu ka nahi ta makura ngkaanga.

Yesaya 51:14 ပူးပေါင်းရင်းမြစ်များ

Esera 1:5

Onaemo ka dompepatinda petewawado suku Yehuda ka to Benami saru luwudo sando mpesomba ka to Lewi, sompo mia anu aroano Doleluo Ue Ala ka ipekule mowangu Raha-Do i Ue i Yerusale.

Yesaya 30:20

Maupo Dopoweeakomiu i Ue roti ma'isoa ka uwoi marasaia, sine anu Paguruko nahi Ira mewuni mbo'u, ka matamu ta kumita Ira mpiha.

Yesaya 33:6

Ta hawe tempo rodoamu, hadio ntu'u tekaduduia, ponto'ori anu mentee ka ponto'ori. Doitoako Ira i Ue, onaemo arataa kaeano Sioni.

Yesaya 48:20

Peluarakomo inso i Babeli, polaimo inso i Kasidimi! Pauomo saru kokora-kora mawongko ka paleleomo mongkona andio! Paleleomo hawe i tompano tolino! Pauomo, ”Ondae i Ue Dotolosiomo i Yako, tetenaa-Do!”

Yesaya 49:10

Ondae nahi domemokoninggo ka mokoranga; mokula lansara ka makarano oleo nahi ta umalu ira, hangano anu Mehohawa ira ta wawa ira ka tumaate ira a umpeda insoano uwoi.

Yesaya 49:25

Mentee ntu'u, kanandiomo pau-Do i Ue, ”Maupo tinawado sorodadu wali pinongko'ala, ka pinomurudo mia melambaha mokotola, hangano Ongkue isa'a anu umewaio mia anu umewaiko ka Ongkue isa'a anu kumadudui ira anamu.

Yesaya 52:2

Petapisakonomo pampawu inso ndi omue, pewangumo, hei Yerusale anu tinawa! Lohu iramo po'onggo inso a we'umu, hei ana beine Sioni anu tinawa!

Yeremia 37:16

Kanatuumo teweweuno i Yeremia mewinso a nsumuru, bolongko torungku a ntoto wita. I Yeremia tehine ipo'ia i ra'ai.

Sakaria 9:11

Mongkona omue, hangano rea pedandia-Ku saru omue, Aku motola ira miamu anu mentinaha inso a ngkineke anu nahina uwoi.