Yesaya 41:9 - Wunta Mempori

⁹ omue anu Ku'alakomo inso i tompano tolino ka anu Kupoboikomo inso a luwuno siuno, Kupauakomu, ”Omue tetenaa-Ku, Kubinikikomo ka Kutarimako”;

Yesaya 41:9 ပူးပေါင်းရင်းမြစ်များ

1 Samueli 12:22

A nee-Do anu langkai, Ondae i Ue nahi Ira bintao bawaa-Do, hangano Ondae i Ue Dobiniki komiumo gagi bawaa-Do.

Po'unde-unde 94:14

Hangano Ondae i Ue nahi Ira mebungkuio bawaa-Do, mia-Do isa'a nahi Ira bintao;

YAKOBU 2:5

Imerongeomo, hei pepaekompo luwu-luwu anu pinehohawaku! Kombake Ondae Ue Ala biniki ira mia anu pinemongkokolarono wawontolino andio ka domegagi kaea a pompe'ala-ala ka dompe'umbuo Poparentaa anu Dodandiako iramo ba isema anu mehohawa Ira?

MENGKAAA 5:9

Ka dompenaniakono aasa penani wo'ohu dompotae, ”Omiu tekona tumarimao paluluno wunta atuu ka umungkahio luwuno tondonino; hangano sinumbele Komiumo ka I'oliako iramo rea-Miu tia-Do Ue Ala inso a sompo-sompo suku ka pau ka pepe'etua ka tongku.

I LUKASI 13:29

Ka mia ira mehawe inso i sabaano oleo ka sumooano oleo ka inso i utara ka selata ka ira mpentoro mpongkaa a laro Poparentaa-Do Ue Ala.

Yesaya 41:8

Sine omue, hei Isaraeli, tetenaa-Ku, hei Yako anu bininiki-Ku, inuleno i Burahima anu pinehohawa-Ku;

Yesaya 41:2

Isemake anu lumeluo onae inso i sabaano oleo, lumeluo onae anu mohawe ponangia a sompo pelempano, anu meweengako ira tongku i arono ka mokompetuundu ira mokole? Ponaino weweu ira kana pampawu, panano weweu ira kana seami anu tepuuri.

Winali 14:2

Hangano omiumo bawaa anu mempori tia-Do i Ue, Ue Alamiu, ka omiu bininiki-Do i Ue kai megagi bawaa pinehohawa-Do inso i olono luwuno tongku anu i wawontolino.

Po'unde-unde 135:4

Hangano, Ondae i Ue Dobinikiomo i Yako tia-Do, to Isaraeli gagi mia-Do anu pinehohawa-Do.

Yesaya 11:11

Tempo atuu Ondae i Ue Ira tumandeo mbo'u kae-Do tumolosi ira bawaa-Do anu da mentuwu anu mpo'ia i Asuri ka Masiri, i Patirosi, Etiopia ka Elami, i Sineari, Hamati ka a luwuno togo i Tahi Tongano.

Yesaya 14:1

Tempono Ondae i Ue mehohawao i Yako ka binikio Isaraeli pohona mbo'u saru mo'inee ira mpo'ia i witado, mia mehawe ira mpe'asaako ira ka mpesaloako inuleno i Yako.

Yesaya 42:1

Kitao, atuu tetenaa-Ku anu inini-Ku, mia bininiki-Ku, anu ndi onae Kupemoikoo. Kunaaomo Penaa-Ku ndi onae, ka ipokomengkaao songka a luwuno tongku.

Yesaya 44:1

”Sine kanandio-andio, rongeomo, hei Yako, tetenaa-Ku, ka hei Isaraeli, anu Kubinikiomo!

Yesaya 45:4

Hangano tetenaa-Ku i Yako ka Isaraeli, bininiki-Ku, onaemo ka Kupoboiakomu neemu, ka moweeakomu potoro, maupo nahi uto'ori Aku.

Maleaki 1:2

”Kupehohawa komiu,” pau-Do i Ue. Sine mpotae komiu, ’Kana'umpe ke Ipehohawa kami?’ ”Kombake i Esau atuu pepaekompono i Yako?” kanandiomo pau-Do i Ue. ”Kupehohawao i Yako,