Yesaya 41:2 - Wunta Mempori

² Isemake anu lumeluo onae inso i sabaano oleo, lumeluo onae anu mohawe ponangia a sompo pelempano, anu meweengako ira tongku i arono ka mokompetuundu ira mokole? Ponaino weweu ira kana pampawu, panano weweu ira kana seami anu tepuuri.

Yesaya 41:2 ပူးပေါင်းရင်းမြစ်များ

Tegagia 11:31

I Tera wawao i Burahima, anano ka i Lo'oti, ana'ueno, onaemo anano i Harani, saru i Sarai, ponino, beineno i Burahima, anano atuu. Onae melungka saru ondae inso i Uri-Kasidimi ira melako i wita Kana'a. Ka do'amba mehawe i kota Harani ka merodo i ra'ai.

Tegagia 17:1

Tempono i Burama tinuwuno sio pulu ka osio nta'u, Ondae i Ue mepopokita ndi Burama ka Dopepau ndi onae, ”Ongkuemo Ue Ala Anu Tedoa Pabawa, tuwumo i aro-Ku saru nahina tataano.

2 Samueli 22:43

Kugili ira motutu ntu'u kana awu wita, ku'isa ira ka kulolanda ira kana rege a nsala.

2 Mokole 13:7

Hangano nami hina mbo'u tebinta sorodadu ndi Yoahasi, sangkadio lima pulu sorodadu mpengara, hopulu kareta ka hopulu nsowu sorodadu mpelempa ngkaru, hangano mokoledo to Arami mokoropu iramo ka ilolanda ira kana awuno ponsesaa.

2 Tawarika 36:23

”Kanandiomo parentano i Koresi, mokole Peresia: luwuno poparentaa i tolino Doweeakumo i Ue, Ue Alano luwuno langi. Dotena aku mowangu raha-Do i Yerusale, anu kongko i Yehuda. Isema i olomiu tewinso bawaa-Do, po'ineeomo Ondae i Ue, Ue Alano kumongkomio, ka mo'ineeo ipelungka mekule!”

Esera 1:2

”Kanandiomo songkado i Koresi, mokole i Peresia: Luwuno poparentaa i wawontolino, Dowee akumo i Ue, Ue Alano asa wawontolino pabawaio. Ondae tumena aku mowangu Raha Mpesombaa i Yerusale, i wita Yehuda.

Yesaya 40:24

Da saraipo domempinaho, da saraipo domerinawo, da saraipo sampa pinokompehakado mehaka a laro wita, Ondae tumampu'u mepuuri ndi ondae, ranta ka domemokari ka ipeneeakono angi mokora kana seami.

Yesaya 41:25

Kutenaomo asa mia inso i utara ka onae haweomo, asa mia anu ta mebooliako nee-Ku, inso a nsabaano oleo. Kana puu poweweu kuro mololanda wita pulu, kanatuumo onae ta lumolanda ira anu mempabawa kana rege.

Yesaya 41:3

Onae lumulu ira ka telalo saru tekadudui, onae montonda sala anu napi hori lumandao karuno.

Yesaya 42:6

”Ongkue, Ue, Kupoboikomo a laro menteea, Ku'iniomo kaemu; Kuweweukomo ka mokogagiko po'oloti pedandia tiado mia, mewineno luwuno tongku,

Yesaya 45:1

Kanandiomo pau-Do i Ue, ”Ndiomo pau-Ku a mia anu Ku'urapio, ndi Koresi anu kae ngkoanano Ku'inio ka Kupokompetuundu ira tongku i arono ka mokoko'ii ira mokole, ka Ku'ungkahi ira pewowa i arono ka luwuno pewowa langkai ka sikongko tetondo;

Yesaya 45:13

Ongkuemo anu lumeluo i Koresi me'empehiako moleoa, ka luwuno salano Aku mokomereteo. Onaemo anu ta wanguo kota-Ku ka motola ira bawaa-Ku anu mekongko a laro pontadia, nahi inowahi ka nahina pompowee anu nahi pototono,” pau-Do Ueno luwuakoano.

Yesaya 46:11

Ongkuemo anu mompoboi manu-manu mpongkaa bau inso i sabaano oleo, ka mia anu weweuo sinongka-Ku inso a wita anu olai. Kupauomo, onaemo ka Aku mokogagio, Kusongkaomo, onaemo ka Aku weweuo.

Yesaya 48:15

Ongkue, Ongkuemo anu pauo ka anu moboio mbo'u, Ongkuemo anu moboio, ka luwuno pe'i'iseino ta mehasili.

Ponsabangi 1:15

Dotadio luwu i Ue puu mpeteaku anu kongko a mpetengi-tengiku; Ondae mompoboi tepumpuano mia umewai aku rumopu ira mangalitauku; Dololandaomo i Ue ana beineno Yehuda, ana beine atuu, kana monsesa anggoro.

IBARANI 7:1

Hangano i Melekisede onaemo mokole i Salemi ka sando mpesomba-Do Ue Ala Anu Lalu i Wawono; onae lumako tumotowoo i Burahima tempono ipekule i Burahima inso numangi ira mokole, ka rumonsoo.

MENGKAAA 16:12

Ka mala'eka anu ko'onoo umuwuo tondeno a wawo ngkorono anu langkai, koro Eparata, ka i'amba mo'areomo uwoino, ka itetindamo pesalaado luwuno mokole anu me'aiwa inso i sabaano oleo.

MENGKAAA 7:2

Ka kukitao aasa mala'eka susua mesabaako inso a nsabaano oleo. Iwawao pontondoni-Do Ue Ala anu tuwu; ka ipebooli saru suara meroku a opaa mala'eka anu mentinena ka domensolangio tolino ka tahi,