Yesaya 4:3 - Wunta Mempori

³ Mia anu tebinta i Sioni ka mia anu da mentuwu i Yerusale ira mempinau mempori, sompo mia anu teburi ta kongko tuwu i Yerusale.

Yesaya 4:3 ပူးပေါင်းရင်းမြစ်များ

Po'unde-unde 69:28

Itiangiomo sala a nsala poweweudo, ka si mansa Ipokomentee ira!

Po'unde-unde 87:6

Ondae i Ue Ira moburi i tempono mebinuri luwuno tongku, ”Ondae andio mempine'anaako i ra'ai.” Sela

Yesaya 1:27

Sioni ta pinokobebasi molalo moleoa ka luwuno miano anu tepidi molalo menteea.

Yesaya 28:5

I tempo atuu Ondae Ueno luwuakoano Ira gagi ramba-ramba ulu anu tekosi, ka peramba-ramba anu maramba a bawaa-Do anu da mentuwu;

Yesaya 35:8

I ra'ai ta hina sala langkai, anu nineeako Sala Mempori; mia anu nahi mempori nahi ta lumaloo, – sine sala atuu pinatindaako bawaa-Do – mia mpelakopi ka maupo mia benge-benge nahi ta tesaa i wawono.

Yesaya 46:3

”Ronge Akumo, hei suku inuleno i Yako, hei luwuno mia anu da mentuwu inso a inuleno i Isaraeli, hei mia anu Kutembi komiu mompu'u inso a mpe'anakaa, hei mia anu Kusu'u komiu mompu'u inso a laro kompono inemiu.

Yesaya 52:1

Pekaangakomo, Pekaangakomo! Pokonaomo rosomu, hei Sioni! Pokonaomo sangka pinelangkaimu, hei Yerusale, kota anu mempori! Hangano, mia anu nahi petindi ke anu mokoburu nahi ta mewinso mbo'u i laromu.

Yesaya 6:13

Tewala i ra'ai da mpo'ia asa ntia hopulu inso ndi ondae, ta kumaa ira api pohonapo mbo'u, kana keu tarabanti ka keu langkai susuano anu tinuehi butumo koa tu'ono tebinta. Tu'o atuu gagi wuku mpinopaho anu mempori.”

Yesaya 60:21

Palilimu luwuno mia mentee, ondae mpe'ueo wita ranta nahina tampulaano; ondae onaemo tumba anu Kupotuwuo Ongkue-Ku mopokitao maramba-Ku.

Yesaya 62:12

Mia ta pau ira ”tongku mempori”, ”luwuno mia anu tinolosi-Do i Ue”, ka omue kopinau ”anu pinerorohi”, ”kota anu nahi bininta”.

Yehesikieli 13:9

Aku tumandeo kae-Ku umewai ira nabi anu mpongkita mongkona anu mompopo'oo ka pau ira anu ta gagi nahi mentee. Ondae nahi moiko dompewinso a laro tepumpuado bawaa-Ku ka nahi ta teburi a laro buriado suku Isaraeli, ka nahi ira mpewinso mbo'u i wita Isaraeli. Ka komiu mento'orio nine Ongkuemo Ue Ala.

Yehesikieli 43:12

Ndiomo pompakosi mongkona Raha Mempori atuu: luwuno wita i punsuno torukuno atuu tedoa mempori. Mentee ntu'u, onaemo atuu pompakosi mongkona Raha Mempori atuu.”

Yoeli 3:17

”Ka komiumo mento'orio nine Ongkuemo Ue Alamiu, anu mo'ia i Sioni, torukuno-Ku anu mempori. Yerusale ta gagi mempori, ka luwuno mia hawe nahi ira ntelaloio mbo'u.

Obaja 1:17

Sine i torukuno Sioni ta hina mia anu tepotola; torukuno atuu ta gagi po'ianga mempori, ka inuleno i Yako ta mpe'ueo mbo'u witado.

Sakaria 14:2

Aku pumpu ira luwuno tongku ka dompeteaakono Yerusale. Kota atuu ta pinongko'ala, luwuno raha ta rinontu ka luwuno beine ta pinewowaliako. Entonga inso a mpalilino kota atuu asalakono melako a pontadia, sine anu susuano inso a tongku atuu nahi ta pinokotampula inso i kota atuu.

Maleaki 3:16

Mia anu dumoitoako Ira i Ue mpepau pada ondaedo, ”Ondae i Ue mensiroio ka rumongeo; asa wunta pepopoto'ori binuri i aro-Do tiado mia anu dumoitoako Ira i Ue ka tiado anu melangkaio nee-Do.”

I LUKASI 10:20

Sine maupo kanatuu si mpo'unde hangano onitu nsa'o atuudo mpe'urumako ndi omiu, sine impo'undemo hangano neemiu hinao teburi i suruga.”

WINEWEUDO TINENA 13:48

Rumongeo atuu mpo'unde iramo luwuno mia anu nahi domento'ori ira Ue Ala ka dome'unde-undeo pau-Do i Ue; ka luwuno mia anu Dopakosio Ue Ala a ntuwua anu nahina tampulaano, gagi mpompe'ala-ala.

ROMA 11:4

Sine kana'umpeke pau-Do Ue Ala ndi onae? ”Da pitu nsowupo mia Kupobinta tia-Ku anu nahi dohori mpesomba a Baala.”

ROMA 11:5

Kanatuu koa mbo'u i tempo andio hinao mo'ia toreano, montonda pobinikino pompehohawa-Do.

EPESU 1:4

Hangano ndi Ondae Dobiniki kitamo Ue Ala se'eluno napi pinokogagi wawontolino, ka tomemempori ka nahina tataato i aro-Do.

PILIPI 4:3

Tamoako, ku'emao mbo'u ndi omue Sunsugo, waliku anu metenunu: tulungi iramo. Hangano mo'angga iramo saru ongkue a pompalelea Lele Mawongkoa, meronga saru i Keleme ka wali-waliku pe'asa mpo'angga anu mehano, anu needo teburi a Wunta tuwua.

KOLOSE 3:12

Onaemo pu'uno, kana mia bininiki-Do Ue Ala anu mempinokomempori ka pinehohawa-Do, impokonaomo pompehohawa, pe'aroa, pe'urumako, mauru ka sabara.

IBARANI 12:14

Imentuwumo sintuwuako ira luwuno mia ka ime'ungkeomo memporia, hangano nahina maupo te'asa mia ta kumita Ira i Ue ba nahi mempori.

1 PETURU 2:9

Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako:

MENGKAAA 13:8

Ka luwuno mia anu mpo'ia i wawontolino ira mpesombaio, onaemo sompo mia anu mompu'u ipinokogagi wawontolino neeno nahi teburi a wunta tuwua inso a Ana Bimba anu sinumbele Iramo.

MENGKAAA 17:8

Ka kondehora anu ukitaomo atuu, hinaomo, sine nahina, onae ta mesabaako inso a wingke matea, ka onae te'aro a matea. Ka ondae anu mpo'ia i tolino, onaemo ondae anu nahi donteburi a wunta tuwua mompu'u ipinokogagi wawontolino, ira mengkohali-hali, tewala domengkitao, nine kondehora atuu hinaomo, sine nahina, ka ta mesabaako mbo'u.

MENGKAAA 20:15

Ka sompo mia anu nahi hinawe neeno teburi a wunta tuwua atuu, onae pinetadiako a laro ntahi api atuu.

MENGKAAA 21:27

Sine nahi ta mewinso i larono hapamo koa anu mokoburu, ke mia anu moweweu mokoburua ke megaupi, sine butu ondae anu needo teburi a wunta tuwua-Do Ana Bimba atuu.

MENGKAAA 3:5

Ba isema monangi, onae ta pinokonaako sangka mopute anu kanandio; Nahi Aku pahihio neeno inso a wunta tuwua, tendeano Aku mangakuakono neeno i aro-Do Ama-Ku ka i arodo luwuno mala'eka-Do.