Yesaya 4:2 - Wunta Mempori

² I tempo atuu tumba anu Dopotuwuo i Ue ta gagi tekosi ka maramba, ka hasilino wita gagi po'undea ka pompelangkai a nto Isaraeli anu tola.

Yesaya 4:2 ပူးပေါင်းရင်းမြစ်များ

Po'unde-unde 67:6

Po'ineeomo dome'unde-unde Komiu tongku, oo Ue Ala, po'ineeomo dome'unde-unde Komiu luwuno tongku.

Po'unde-unde 72:16

Po'ineeomo ka ihadio ntu'u pinopaho gandu i wita, mebomba a punsuno luwuno torukuno; po'ineeomo luwuno tonggino te'ili kana luwuno keu i Libano, ka palilino kota tetiangi kana ewo i tolino.

Peluarakoa 28:2

Omue asalakono poweweu sangka mempori tiano i Haruni, akamu ka imewanta ka maramba.

Yesaya 11:4

Sine onae ta bitara ira mia molema a moleoa, ka ta momputusi temoiko a mia anu tepokonsii a wita andio; tolino ta tumunduhiakono pauno kana montunduhiako tuko, saru pepuuri inso a ngangano ta mompepate mia mosa'o gauno.

Yesaya 26:1

I tempo atuu penani andio ta pinenaniako i wita Yehuda, ”Ndi ontae hinao kota anu moroso, tekaduduiato Dopasaomo i Ue rere watu ka bente.

Yesaya 27:6

A oleo anu ta hawe, i Yako ta mehaka, Isaraeli ta gagi hadio ka mentumba ka wawontolino ibuketiakono hasilino.

Yesaya 30:23

Ka i'amba Ondae i Ue Ira mompotiiakono usa a inii anu rinawomiu i wita, ka roti hasilino wita atuu ta mo'ahi ka hadio ntu'u. I tempo atuu pinotuwumu ira mpongkaa ewo a ntonga mpada anu malua;

Yesaya 45:8

Hei langi, potiiomo moleoa inso i wawono, ka moikoomo luwumo seru umuwuo! Moikoomo tolino montarima ka mentumbaako tekaduduia, ka moikoomo ituwu moleoa! Ongkuemo Ue anu mokogagio luwuno andio.”

Yesaya 53:2

Kana tumba onae tuwu i aro-Do i Ue ka kana haka inso a wita motu'i. Onae nahi montama ke tengkita maramba ba ikinita, ka nahina a rupano anu weweu kita ineheakono.

Yesaya 60:15

Gagi euno teweweumu i ndi'ipua, tempono ka ubininta, ino'aliaako, ka nahina telalo maupo te'asa mia, kanandio-andio Aku weweuko gagi po'undea nahina balino, gagi mawongkoako mapa'api-api inule.

Yesaya 60:21

Palilimu luwuno mia mentee, ondae mpe'ueo wita ranta nahina tampulaano; ondae onaemo tumba anu Kupotuwuo Ongkue-Ku mopokitao maramba-Ku.

Yesaya 61:11

Hangano, kana tolino moluarako pinopaho, ka kana lere motuwuo inii anu rinawo, kanatuumo Ondae Ue Ala Ira motuwuo menteea ka po'unde-unde i arodo luwuno tongku.

Yeremia 23:5

Menteeano, ta hawe tempono, kanandiomo pau-Do i Ue, nine Aku motuwuo Tumba Moleo tiano i Daudi. Onae ta moparenta gagi mokole pande mosongka ka ta weweuo moleoa ka menteea i wita atuu.

Yeremia 33:15

I tempo atuu Aku motuwuo Tumba moleono i Daudi. Onae ta weweuo moleoa ka menteea i wita andio.

Yeremia 44:14

Inso a nto Yehuda anu da mentuwu, anu melako iramo i wita Masiri ira mpo'ia gagi mia hawe i ra'ai, nahina maupo te'asa mia anu tepotola ta mekule i wita Yehuda, po'ianga anu tedoa domentekewoio ira mpo'ia mbo'u i ra'ai. Mentee ntu'u, nahi ira mpekule mbo'u, sangkadio ba'opia mia mpolai.”

Yeremia 44:28

Ondae anu ntepotola inso a mponai ira mpekule inso i wita Masiri melako i wita Yehuda tedei iramo koa. Luwuno to Yehuda anu da mentuwu anu melako iramo i wita Masiri ira mpo'ia gagi mia hawe i ra'ai ta tumo'orio pinauno isema anu gagi, pinau-Ku ke pinaudo.

Yehesikieli 34:29

Aku mompatindaako ira lere teto'ori, ranta i wita atuu nahina maupo te'asa mia ta mate mokoninggo ka nahi dompontembi mbo'u mokoburua poweweudo luwuno tongku.

Yehesikieli 36:8

Sine omiu, luwuno torukuno Isaraeli, ta wali mentumba ka mompowee wua tiado bawaa-Ku Isaraeli, hangano ira ronga mpekule.

Yehesikieli 7:16

Maupo tewala inso ndi ondae hinao anu tola, ira mpo'ia a luwuno torukuno kana marapatii a luwuno lembono; luwuno mperaali, singge mia hangano salano.

Yoeli 2:32

Isemamo koa anu mebooli a nee-Do i Ue ta kinadudui, hangano i Torukuno Sioni ka i Yerusale ta hina tekaduduia; kana anu Dopauomo i Ue, sompo mia anu pinoboi-Do i Ue ta tewinso a luwuno mia anu tepotola.”

Yoeli 3:18

Ia tempo atuu luwuno torukuno ta mompo'iti anggoro wo'ohu, luwuno pongku wita mompowaa susu, ka luwuno korono mo'are i Yehuda ta mompowaa uwoi; mata uwoi ta me'umbaako inso a raha-Do i Ue ka bahoo lembono Sitimi.

Obaja 1:17

Sine i torukuno Sioni ta hina mia anu tepotola; torukuno atuu ta gagi po'ianga mempori, ka inuleno i Yako ta mpe'ueo mbo'u witado.

Sakaria 3:8

Rongeomo, hei sando mpesomba langkai Yosua! Omue ka wali-walimu anu mpentoro i aromu, mentee ntu'u omiu megagi aasa petondoni nine menteeano Aku tumenao tetenaa-Ku, Meneeako i Mentumba.

Sakaria 6:12

Pauakonomo: Kanandiomo pau-Do Ueno luwuakoano: Kitaomo, asa mia anu meneeako i Tumba. Onae ta mentumba inso a mpo'iangano ka wanguo raha-Do i Ue.

Sakaria 9:17

Mentee ntu'u, tedoa moiko ka tedoa ira ntekosi! Mangalitau ntetiangi hadio hangano gandu ka ana beine hangano anggoro.

Maleaki 3:17

Ondae ira megagi bawaa pinehohawa-Ku a oleo Kupohuku, pau-Do Ueno luwuakoano. Aku mehohawa ira mengkena kana asa mia mompehohawa anano anu mekakaakono.

I MATIU 24:22

Ka ba mansa nahi pinoko'owowa tempono, manasa inso a luwuno anu tuwu nahi ta hina anu tekadudui; sine hangano mia mebininiki tempo atuu ta pinoko'owowa tempono.

I LUKASI 21:36

Impedaga-dagai mpiha saru mpekakai, ka impohawe roso mentola inso a luwuno anu ta gagi atuu, ka imemoroso mpentade i aro-Do i Ana Manusia.”

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

2 KORINTI 4:6

Hangano Ondae Ue Ala anu mepau Iramo, ”Inso a laro wongi-wongi ta saaba mewine!”, Ondae koa mbo'u anu weweuo mewine-Do ka imewanta i laro aroato, ka tompohawe mewine inso a ponto'ori mongkona maramba-Do Ue Ala anu tengkita a rupa-Do i Kerisituu.

2 PETURU 1:16

Hangano nahi kimentondao tutu-tutulu montonda pinewowolono mia, tempono kimempauakomiu pabawa ka hawe-Do Ueto, i Yesu Kerisituu gagi mokole, sine kimensakosiiakono matamami maramba-Do.