Yesaya 38:3 - Wunta Mempori

³ Ipotae, ”Oo, Ue, po'ineeomo ka Irambeo nine tuwu akumo metenunu i aro-Miu ka inso a moputeno aroaku; moweweu akumo hapa anu moiko a pongkita-Miu.” Ka i'amba i Hisikia mengese tedoa mompemasusa.

Yesaya 38:3 ပူးပေါင်းရင်းမြစ်များ

Tegagia 17:1

Tempono i Burama tinuwuno sio pulu ka osio nta'u, Ondae i Ue mepopokita ndi Burama ka Dopepau ndi onae, ”Ongkuemo Ue Ala Anu Tedoa Pabawa, tuwumo i aro-Ku saru nahina tataano.

Tegagia 6:9

Ndiomo tutuluno somborino i Noho. I Noho onaemo asa mia anu mentee ka nahina tataano i olodo luwuno mia i tempo atuu, ka i Noho momperorohi ndi Ondae Ue Ala.

1 Mokole 15:14

Maupo luwuno pongku wita pesombaa nahi liahakono, sine buke aroano i Asa metako ndi Ondae i Ue asa ntinuwuno.

1 Mokole 2:4

ka Ondae i Ue Ira umihiio dandi anu pinau-Do mongkona ongkue: Tewala luwuno anamu mekongko ira mentuwu mpetenunu i aro-Ku, tompaano aroado ka tompaano tinuwudo manasa inulemu nahi ta te'otu inso a ngkadera poparentaa i Isaraeli.

2 Mokole 18:3

Onae moweweu hapa anu mentee a pongkita-Do i Ue, mengkena kana anu wineweuno i Daudi, ama mpu'uno.

1 Tawarika 28:9

Ka omue anaku Salomo, to'oriomo Ue Alano amamu ka pesombamo ndi Ondae tompaano aroa ka bobotoli aroamu, hangano Ondae i Ue paresao sompo aroa ka tumo'orio sompo tinoo. Tewala omue umungke Ira, kohumawe Ira, sine tewala omue binta Ira, Ira tumadiko ranta nahina tampulaano.

1 Tawarika 29:19

Ndi Salomo, anaku Ipoweeakonomo aroa anu moleo ka ipekariao luwuno parenta-Miu ka pepopoto'ori-Miu ka pompakosi-Miu, weweuo luwuakoano ka wanguo raha anu kupatindaomo.”

1 Tawarika 29:9

Tongku atuu memawongko a pompoweedo asa mia ka asa mia, hangano moleo aroado mpompowee pesomba a moputeno aroado ndi Ondae i Ue. Mokole Daudi mbo'u tedoa mawongko aroano.

2 Tawarika 16:9

Menteeano, mata-Do i Ue mensiroio asa wawontolino moweeako ira roso-Do ndi ondae anu moleo aroano ndi Ondae. Mongkona anu andio salaomo pelelumu, onaemo pu'uno mompu'u ka kandio-andio omue mo'ia mpiha a laro mpeteaa.”

2 Tawarika 25:2

Onae moweweu hapa anu mentee a pongkita-Do i Ue, butumo koa nahi buke aroano.

Esera 10:1

Kontongaano i Esera menggolontu mekakai ka ipengese mangakuakono hala i arono Raha-Do Ue Ala, tepumpuomo bawaa to Isaraeli hadio ira ntu'u umpeda ndi onae, tama, beine, ka nana'ote. Mia atuudo mpengese meroku ntu'u.

Nehemia 1:4

Mansaku rumongeo lele andio, mentoro akumo mengese ka mo'inombo i larono ba'opia oleo. Mepuasa aku ka mekakai i aro-Do Ue Alano asa wawo langi.

Nehemia 13:14

Oo Ue Alaku, Ipewowolo akumo hangano mongkona atuu, ka sii pahihio luwuno petenunu anu kuweweuomo tiano Raha-Do Ue Alaku ka luwuno anu wineweu i larono!

Nehemia 13:22

Kutena ira mbo'u to Lewi mokomemporio koroido ka me'aiwa medagaio luwuno pewowa langkai kai pinokomempori oleo Saba. Oo Ue Alaku, Ipewowolo akumo hangano mongkona mbo'u atuu ka Ipehohawa akumo montonda petenunu ka pompehohawa-Miu anu langkai!

Nehemia 13:31

Kupakosio mbo'u asa pesalaano mompatinda keu ponahu a luwuno tempo anu pinakosi ka a luwuno wua amba-ambano. Oo Ue Alaku Ipewowolo akumo a laro ntumuwuku!

Nehemia 5:19

Ipewowolo aku, oo Ue Alaku, a moikoaku, hangano luwuno anu kuweweuako ira palili andio.

Po'unde-unde 101:2

Aku mekokoongakono tumuwu anu nahina tataano. Te'ipiake Komiu aiwa ndi ongkue? Ineheku tuwu moleo aroa a laro rahaku.

Po'unde-unde 102:9

Hawe sumoo oleo domentata aku iwaliku, mia anu memae-maeakune metotonaa saru pauo neeku.

Po'unde-unde 119:80

Po'ineeomo aroaku ka itondao luwuno pompakosi-Miu inso i aroa, ka si kupohawe mokoko'ii.

Po'unde-unde 16:8

Wela aku tuwu tepo'aro saru Ondae i Ue; hangano Ondae mentade i koanaku, nahi aku telelu.

Po'unde-unde 26:3

Hangano pompehohawa-Miu wela kongko i arono mataku, ka kutuwu a laro menteea-Miu.

Po'unde-unde 32:2

Me'uraomo mia, anu salano nahi Dopototoio i Ue, ka anu nahi pe'aroa mompopo'oo!

Po'unde-unde 6:6

Hangano a mpo'iangado mia mate nahi domerambe Komiu mia; isemake anu ta umunde-unde-Komiu a ntolinodo mia mate?

Po'unde-unde 6:8

Mataku mowewu hangano mahaki aroa, merawu-rawu hangano luwuno iwaliku.

Yesaya 38:2

I Hisikia wolilio rupano me'aro a rere ka mekakai ndi Ondae i Ue.

Yesaya 38:4

Haweomo pau-Do i Ue ndi Yesaya,

Hosea 12:4

I laro pe'anakaa i'akalaomo pepaekompono, ka a laro morosono ipelulukuako Ira Ue Ala.

I YOHANE 1:47

Motae i Pilipu ndi onae, ”Aiwa ka ukita Ira!” Dokitao i Yesu i Natanae aiwa ndi Ondae, ka Do'amba mepau mongkona onae: Kitao, ndiomo asa to Isaraeli ntu'u, nahi molengku aroano!

2 KORINTI 1:12

Ndiomo anu kipo'undeako, onaemo nine i laro aroamami mesakosii ndi omami, nine tuwumami i wawontolino andio, tamoako a mpenggoeamami saru omiu, ipabawaio moleoa ka memporia inso ndi Ondae Ue Ala komba hangano ponto'ori ntolino, sine hangano rosono pompehohawa-Do Ue Ala.

Winali 6:18

Asalakono imeweweuo hapa anu mentee ka moiko a pongkita-Do i Ue, kai moiko tumuwumiu ka impewinsokio saru mpetorokio wita anu moiko, anu dinandi-Do i Ue saru sumpa ndi ondae uempu'umiu,

IBARANI 5:7

A ntuwu-Do kana mia, Dopesombaakonomo pekakai ka saru monsabangi mompemasusa mo'ema ndi Ondae, anu polio kumadudui Ira inso a matea, ka hangano mempori-Do rinonge Iramo.

IBARANI 6:10

Hangano Ondae Ue Ala komba nahi Domoleo, ranta Ira kumolupeo inanggamiu ka pompehohawamiu anu pinopokitamiu te'aro a nee-Do hangano pompekakaakomiu a luwuno mia mempori, anu da imeweweuo hawe kanandio-andio.