Yesaya 22:2 - Wunta Mempori

² hei kota anu bukeako magaga ka marisua, hei kota anu mengkokora-kora? Miamu anu mate mempinepate komba mempinepateako ponai, ka komba mbo'u memate a laro mpeteaa.

Yesaya 22:2 ပူးပေါင်းရင်းမြစ်များ

Yesaya 10:4

Nahi komiu mpokompoweweu hapa-hapa, sangkadio mo'ia i olodo mia mentinawa, ke mate i olodo mia mempinepate! Maupo gagiomo luwuno andio, tekuda-Do i Ue napi morini, ka kae-Do da tetaangako.

Yesaya 23:7

Onaemoke andio kotamu anu mawongko, anu insoano mompu'u tempo i ndi'ipua? Kombake iwawaomo pelempano a mpo'ianga anu olai ka ipo'iamo mpiha i ra'ai?

Yesaya 32:13

Sabangiomo witano tongkuku anu ituwuario ewo ka rui, oo, luwuno rahamiu po'ianga pesana-sanaa a ngkota anu mengkokora-kora.

Yesaya 32:14

Hangano bentemiu ta bininta ka kotamiu anu maroa ta gagi boni-boni. Pongku ka menara ta gagi wita merete ranta nahina tampulaano, gagi po'ianga pesana-sanaado kalide ntobu ka gagi po'iangano pinotuwu mongkaa ewo,

Yesaya 37:33

Onaemo pu'uno, kanandiomo pau-Do i Ue mongkona mokoledo to Asiuri. Onae nahi ta mewinso a ngkota andio ka nahi ta mompotola ana mpanano te'aro i ndi'ai. Onae mbo'u nahi ta aiwa saru kanta ka nahi ta mohowu wita gagi rere pongkadua.

Yesaya 37:36

Ka i'amba meluarakoomo Mala'eka-Do i Ue ka mepateo asa etu halo pulu ka olima nsowu mia a mpekemaado to Asiuri. Tisomono, tempono dompewangu mia mo'oru, tengkitaomo luwuno gagiomo wata ngkoroi!

Yeremia 14:18

Tewala meluarako aku a mpada, i ra'ai hinao mia anu mempinepateako ponai! Tewala mewinso aku a laro ngkota, i ra'ai hinao mia anu mahaki hangano mokoninggo! Tendeano, moiko nabi maupo sando mpesomba mpelakopi a wita anu nahi domento'orio.”

Yeremia 38:2

”Kanandiomo pau-Do i Ue: Isema anu mo'ia a ngkota andio ta mateako ponai, mokoninggoa ka haki lele. Sine, isema anu lumako a nto Kasidimi, onae ta kongko tuwu. Penaano onaeno anu kinaduduino ka onae kongko tuwu.

Yeremia 52:6

A ntanggala osio wula ko'opaa, mokoninggoa tekense mongkokongiri i kota atuu ka nahina mbo'u kaanga a mpalilino wita atuu.

Ponsabangi 1:1

Ha, tedoa tensia kota atuu, anu i ndi'ipua maroa! Kanamo asa tuwu beine onae, anu i ndi'ipua maramba i olodo luwuno tongku. Anu i ndi'ipua mokole beine i olodo luwuno kota, kanandio-andio gagi pine'ata.

Ponsabangi 2:20

Ikitaomo, Ue, ka Ipekokoongakonomo, isemake weweuo mongkona andio? Nde asalakonoke beine kumaano ana ngkoroino, nana'ote anu da mensinoe? Nde asalakonoke sando mpesomba ka nabi pinepate a laro mpo'ianga mempori-Do i Ue?

Yehesikieli 22:5

Moiko anu umpeda ndi omue maupo anu olai inso ndi omue ta mopodeu-deuko, anu teto'ori mokoburuno ka buke marisua.

Sepanya 2:15

Onaemo kota anu mo'unde, palilino merodo ka anu motae i laro aroano, ”Butu ongkue anu kongko, nahina anu susua!” Onae gagiomo ntu'u po'ianga anu londa, pepomboleado kondehora mo'ila. Sompo mia anu lumaloo ta mesiili ka mekambe-kamberoako kaeno.