Yesaya 2:9 - Wunta Mempori

⁹ Mia pinokompetuundu, mia pine'uru-uru siimo tandeo hala tembiado!

Yesaya 2:9 ပူးပေါင်းရင်းမြစ်များ

Nehemia 4:5

Siimo Itutuwiako Ira salado ka halado si oninio inso i aro-Miu, hangano mpoweweu ira luwuno anu mompokomosa'o aroa i arodo luwuno mia anu kontongaado mpowangu.

Po'unde-unde 49:2

Rongeomo, hei luwuno tongku, ta'oomo biri, hei luwuno palilino tolino,

Po'unde-unde 59:5

nahina salaku, sine mpotuturako ira ka mpepatinda mpesapoi. Aiwamo ndi ongkue ka Ikitaomo!

Po'unde-unde 62:9

Pe'ala-ala Iramo sompo tempo, hei bawaa, pauomo ihino aroamu i aro-Do; Ondaemo Ue Ala pepekaduduiato. Sela

Yesaya 27:11

Tewala mokariomo sampa-sampano, asalakono ta pinudu; ira me'aiwa beine ka mempakeo gagi keu ponahu. Hangano, onaemo andio asa tongku anu nahi molino pinewowolodo, onaemo pu'uno, onae nahi Dopehohawao anu mokogagio ka nahi Dopehohawao anu weweuo.

Yesaya 5:15

Ka mia ta pinokompetuundu, ka mia ta pine'uru-uru, humbee, mia mompelangka-langkai ta pine'uru-uru.

Yesaya 5:16

Sine Ondae Ueno luwuakoano lano tedoa mantande a laro moleoa-Do, ka Ondae Ue Ala anu tedoa mempori mokomengkaao pentoroa-Do a laro menteea-Do.

Yesaya 57:9

Omue aiwa me'aro ndi Molo saru mowawa lana ka mompokohadio mina-minamu. Utena ira saru ngkarumu melako a mpo'ianga olai, ranta metii hawe ia mpo'iangado mia mate.

Yeremia 18:23

Sine Omiu, oo Ue, Omiu tumo'orio luwuno tinoodo mingki mpepate aku. Siimo I'oniniako ira salado, ka siimo Ipahihio halado inso i aro-Miu, sine po'ineeomo dontetidu i aro-Miu; a oleo tekuda-Miu Iweweuo ndi ondae!

I MARAKUSU 3:29

Sine tewala asa mia mompepaukiako Penaa Mempori, onae nahi pohawe po'ampuni halano ranta nahina tampulaano, tendeano sala hangano moweweu hala anu nahina tampulaano.”

ROMA 3:23

Hangano luwuno mia mpoweweu iramo hala ka nami hina maramba-Do Ue Ala ndi ondae,

KOLOSE 2:18

Si mpo'ineeo ponangimiu nahi pokogagio mia anu mo'onde-onde me'urumako ka mesomba a mala'eka, saru me'ini moroso a luwuno pongkita ka nahina pu'uno ka ipompelangka-langkaiako pinewowolono ntolino,

KOLOSE 2:23

Luwuno atora andio, maupo tengkita buke ponto'ori a mpesomba wineweudo ondaedo, kana mpe'urumako, mebobarasaio koroi, nahina tuduno butu motendeo tuwu ntolino.

Yosua 24:19

Sine i Yosua mepau ia tongku atuu, ”Nahi komiu mempolio mpesomba ndi Ondae i Ue, nde Ondaemo Ue Ala anu mempori, Ondaemo Ue Ala anu meposiri. Nahi Ira umoninio pe'ewa ka halamiu.