Yesaya 2:3 - Wunta Mempori

³ ka hadio sukuno tongku ira melako saru mpotae, ”Aiwa, tompewuatako a ntorukuno-Do i Ue, a raha-Do Ue Alano i Yako, ka Dopaguruakita luwuno pesalaa-Do, ka tompesala a mpesalaa-Do; hangano inso i Sioni ta saba pompaguru ka pau-Do i Ue inso i Yerusale.”

Yesaya 2:3 ပူးပေါင်းရင်းမြစ်များ

Esetere 9:27

to Yahudi mentarimao gagi anu asalakono ira meweweuo ka gagi pompakosi tiano koroido ondaedo, inuledo ka tiado luwuno anu mpe'asa saru ondae, nine nahi ira melinggeio porame-ramea orua oleo atuu sompo ta'u, montonda anu binuri mongkona atuu ka a tempo anu tinantuako,

Po'unde-unde 102:23

tempono luwuno tongku ka poparentaa mpepumpu mperonga-ronga ira mpesomba ndi Ondae i Ue.

Po'unde-unde 110:2

Tuko poparentaamu Ira motolao i Ue inso i Sioni: poparentamo i olodo iwalimu!

Po'unde-unde 119:171

Po'ineeomo wiwiku ka ipompau po'unde-unde, hangano Ipaguruakunemo luwuno pompakosi-Miu.

Po'unde-unde 122:1

Penani pekohono i Daudi. Mawongko aku, tempono kupinauako, ”Aiwa ka tomelako a Raha-Do i Ue.”

Po'unde-unde 48:1

Penani. Penani po'unde-undedo inuleno i Kora.

Yesaya 1:26

Aku mokule ira puu mpobitaramu kana i ndi'ipua, ka luwuno puu pompatudu kana se'eluno. Umarino atuu omue konineeako kota moleoa, kota anu metenunu.”

Yesaya 11:10

I tempo atuu tumba inso a mpu'uno i Isai ta mentade gagi banderado tongku; onae ira me'ungkeo sukuno tongku ka po'iangano ta gagi maramba.

Yesaya 19:23

I tempo atuu ta hina sala langkai inso i Masiri lumako i Asuri, ka masiri ira mpesomba mperonga-ronga to Asuri.

Yesaya 28:9

Dompotae, ”Ndi semake onae andio ta mompaguruako ponto'orino, ndi semake ta mokomengkaao luwuno pinauno anu ta gagi? A nana'ote anu da saraipo ipinotoe, anu da sarai nami po'uo?

Yesaya 44:5

Anu asa ta motae: Ongkue mia-Do i Ue, anu susua pauo koroino meneeako i Yako, ka anu susuano mbo'u burio a ngkaeno: Tia-Do i Ue, ka motoroo koroino meneeako i Isaraeli.”

Yesaya 56:5

ndi ondae Aku weeako ira laro raha-Ku ka i horino rere watu po'ianga-Ku asa tondonino pepopoto'ori ka nee, anu moikoopo sekonopo luwuno nana'ote ntama ka beine, asa nee nahi bali anu nahi ta tampula Aku weeako ira.

Yesaya 56:7

ondae Aku wawa ira a ntorukuno-Ku anu mempori ka Aku moweeako ira mawongkoa a raha pekakaia-Ku. Aku memoikoo luwuno pesomba tinunu ka pesomba sinumbeledo anu pinesombaakodo a wawo meda pontunua pesomba ndi Ongkue, hangano raha-Ku ta pinewua raha pekakaiado luwuno tongku.

Yesaya 60:3

Luwuno tongku mpetonda-tonda me'aiwa a mewinemu, ka luwuno mokole me'aiwa a wanta anu saba ndi omue.

Yesaya 65:11

Sine, ndi omiu anu binta Iramo i Ue, anu kumolupeo torukuno-Ku anu mempori, anu mopatinda kaangano pinesombai Me'uraa, ka mompatinda anggoro mesalo rampa tiano pinesombai Meni,

Yesaya 66:20

Ira mewawao luwu pepaekompomiu inso i olodo luwuno tongku gagi pesomba tia-Do i Ue a wawo ngara ka kareta ka a wawo ponsela, a wawo bagali ka unta waino anu magasi, a wawo ntorukuno-Ku anu mempori, lumako i Yerusale, pau-Do i Ue, mengkena kana to Isaraeli mpowawa pesomba a mponaapa anu mempori a laro raha-Do i Ue.

Yeremia 12:16

Tewala mentee ntu'u dompepaguruakono sala ntumuwudo bawaa-Ku ka dompesumpa a nee-Ku, ’A nee-Do i Ue anu tuwu,’ kana'umpe domempaguru ira bawaa-Ku ka dompesumpa a neeno Baala, asalakono ira wali mewinangu i tonga-tongado bawaa-Ku.

Yeremia 26:18

”I Mika, to Moreseti, horio mompau anu ta gagi i tempono i Hisikia, mokoledo to Yehuda. Onae mepau a luwuno tongku Yehuda: Kanandiomo pau-Do Ueno luwuakoano: Sioni ta pinadeko kana lere; Yerusale ta gagi howuno anu terawo ka torukuno Raha Mempori ta gagi po'ianga pompesombaia anu mentobu.

Yeremia 31:6

Mentee ntu'u, ta hawe oleono nine luwuno anu mpodagai mpebooli i torukuno Eparai: Aiwamo tompewuatako i Sioni, ndi Ondae i Ue, Ue Alato!

Yehesikieli 40:2

a laro luwuno pongkita-Do i Ue i wita Isaraeli ka Donaa aku a wawo asa torukuno anu ondau ntu'u. I wawono atuu, i selatano, hinao asa anu kana kota.

Hosea 3:5

Umarino atuu to Isaraeli ira mpepokule ka umungke Ira i Ue, Ue Alado, saru i Daudi mokoledo. Saru medoito ira me'aiwa ndi Ondae i Ue ka a moikoa-Do a oleo pokotompa.

Hosea 6:3

Aiwamo tomento'orio ka mentee ntu'u tumo'ori Ira i Ue; manasa Ira me'umbaako kana wanta, Ira hawe ndi ontae kana usa, kana usa tempo pinopaho mentumba anu umuwoio tolino.”

Mika 4:2

”aiwa, tompewuatako a ntorukuno-Do i Ue, a raha-Do Ue Alano i Yako, ka Dopaguruakita luwuno sala-Do, ka tompelempa a nsala-Do; hangano inso i Sioni ta hawe pompaguru ka pau-Do i Ue inso i Yerusale.”

I MATIU 7:24

”Sompo mia anu rumongeo pau-Ku andio ka iweweuo, mengkenaomo saru mia pande mosongka, anu wanguo rahano a wawo watu.

I LUKASI 11:28

Sine Dopotae, ”Anu me'ura onaemo ondae anu mporonge pau-Do Ue Ala ka anu mpekariao.”

I LUKASI 24:47

ka mbo'u: a nee-Do lele mongkona tepidia ka po'ampunia hala asalakono pinohawe a luwuno tongku, mompu'u inso i Yerusale.

I YOHANE 4:22

Omiu mpesombaio hapa anu nahi imento'orio, omami mpesombaio hapa anu kimento'orio, hangano tekaduduia hawe inso a tongku Yahudi.

I YOHANE 7:17

Ba isema anu behe weweuo po'ehe-Do, onae ta tumo'orio pompaguru-Ku andio ba te'inso ndi Ondae Ue Ala, ke pepau-Ku inso a ngkoroi-Ku Ongkue-Ku.

WINEWEUDO TINENA 1:8

Sine komiu mpotarima pabawa, tewala metii Penaa Mempori ndi omiu, ka komiu megagi sakosii-Ku i Yerusale ka i asa wawo wita Yudea ka Samaria ka hawe i tompano tolino.”

WINEWEUDO TINENA 10:33

Onaemo pu'uno ka kuronga montena mia aiwa ndi omiu, ka mawongko aroaku hawe komiumo. Kanandio-andio mendio kamimo i ndi'ai i aro-Do Ue Ala ka kimerongeo hapa anu Dotenaakomiu Ue Ala.”

ROMA 10:18

Sine mesikeno aku: Nde nahi domerongeoke? Lano domerongeomo, ”Suarado hawe i asa wawontolino, ka paudo hawe i tompano tolino.”

Winali 33:19

Luwuno tongku ira mempinoboi a ntorukuno; i ra'aimo dompopesombaako pesomba anu mentee. Ondae ira mpo'oso hadio ntu'u ihino tahi ka arataa anu tetano a laro one.”

Winali 6:1

Ndiomo parenta, onaemo pompakosi ka atora, anu aku paguruakomiu a parenta-Do i Ue, Ue Alamiu, kai wineweu i wita, ba isua imelako komiu mpetorokio.

YAKOBU 1:25

Sine ba isema menootio songka anu soompo ntu'u, onaemo songka anu mompokomaradeka mia, ka onae mompedato i larono, gaagi komba butu rumongeo ka ikolupeo, sine mentee ntu'u ipeleluakono, onae ta me'uraako wineweuno.