Yesaya 2:2 - Wunta Mempori

² Ta gagi a oleo pokotampulaano: torukuno po'iangano raha-Do i Ue ta mentade lumaloio punsuno luwuno torukuno ka kontasi-tasi i wawono luwuno pongku; luwuno tongku ta hadio ntu'u melako i ra'ai,

Yesaya 2:2 ပူးပေါင်းရင်းမြစ်များ

Tegagia 49:1

Ka i'amba i Yako moboi ira anano ka ipotae, ”Ime'aiwamo mpepumpu, ka kupauakomiu, hapa anu komiu mpembasaio lembuino.

Ayubi 19:25

Sine kuto'orio Puu Pontolosiku Tuwu Ira, ka poko'ariano Ira mewangu inso a wawo pampawu.

Po'unde-unde 102:23

tempono luwuno tongku ka poparentaa mpepumpu mperonga-ronga ira mpesomba ndi Ondae i Ue.

Po'unde-unde 2:8

Po'emamo ndi Ongkue, ka luwuno tongku Aku weeakomu gagi tia pusakamu, ka tompano tolino gagi omue me'ueo.

Po'unde-unde 22:27

Mia anu marasai ta mongkaa ka mowohi, mia anu umungke Ira i Ue ta umunde-unde Ira; po'ineeomo aroamu ka imawongko mpiha!

Po'unde-unde 22:28

Luwuno tompano tolino ta mokonto'orio ka mepokule ndi Ondae i Ue; ka luwuno suku inso a luwuno tongku ira mpenggolontu mpesomba i aro-Miu.

Po'unde-unde 48:2

Ondae i Ue langkai ka tedoa inunde-unde a ngkota-Do Ue Alato!

Po'unde-unde 68:17

Hei luwuno torukuno anu mepunsu hadio, tembio ka impesili mata mosiri, a ntorukuno anu inehe-Do Ue Ala gagi mpentoroa-Do? Menteeano, Ondae i Ue Ira mo'ia mpiha i ra'ai!

Po'unde-unde 72:8

Po'ineeomo ipoparenta inso a ntahi lumako a ntahi, inso a ngkoro Eparata hawe a tompano tolino!

Po'unde-unde 86:9

Luwuno tongku anu pinokogagi-Miu ira mehawe mpengolontu mpesomba i aro-Miu, oo Ue, ka ira mpelangkaio nee-Miu.

Po'unde-unde 87:1

Penani po'unde-undeno inuleno i Kora: aasa penani. I wawono luwuno torukuno anu mempori Dowanguomo i Ue kota-Do:

Po'unde-unde 87:2

Dokekewoiopo i Ue luwuno pewowa langkaino Sioni sekonopo luwuno po'iangano i Yako.

Yesaya 11:10

I tempo atuu tumba inso a mpu'uno i Isai ta mentade gagi banderado tongku; onae ira me'ungkeo sukuno tongku ka po'iangano ta gagi maramba.

Yesaya 25:6

Ondae Ueno luwuakoano Ira mompatinda i torukuno andio tiado luwuno tongku, asa pelimbua saru ninahu anu mentaba, asa pelimbua saru uwoi anggoro motu'a, ninahu anu mentaba ka me'unto wukulaa, anggoro motu'a anu tinirisa upeno.

Yesaya 27:13

I tempo atuu ta pinuuri tawuwua langkai, ka ira mehawe ondae anu ntetadi i wita Asiuri saru ondae anu mentinadi i wita Masiri ka dompenggolontu mpesomba ndi Ondae i Ue a ntorukuno anu mempori, i Yerusale.

Yesaya 30:29

Komiu mpenani kana i tempono wongi, tempono mia mpepokomempori tiano porame-ramea, ka aroamu ta mo'unde kana i tempono mia melempa tinondaako siloli ta mewuatako a ntorukuno-Do i Ue, a Ntorukuno Watudo to Isaraeli.

Yesaya 49:6

kanandiomo pau-Do, ”Tedeilahi lahi butu kogagi tetenaa-Ku, tumeahako ira sukuno i Yako ka mokule ira to Isaraeli anu mentola. Aku weweuko gagi mewinedo luwuno tongku ka pongkadudui-Ku ka ihawe koa i tompano tolino.”

Yesaya 56:5

ndi ondae Aku weeako ira laro raha-Ku ka i horino rere watu po'ianga-Ku asa tondonino pepopoto'ori ka nee, anu moikoopo sekonopo luwuno nana'ote ntama ka beine, asa nee nahi bali anu nahi ta tampula Aku weeako ira.

Yesaya 56:7

ondae Aku wawa ira a ntorukuno-Ku anu mempori ka Aku moweeako ira mawongkoa a raha pekakaia-Ku. Aku memoikoo luwuno pesomba tinunu ka pesomba sinumbeledo anu pinesombaakodo a wawo meda pontunua pesomba ndi Ongkue, hangano raha-Ku ta pinewua raha pekakaiado luwuno tongku.

Yesaya 60:3

Luwuno tongku mpetonda-tonda me'aiwa a mewinemu, ka luwuno mokole me'aiwa a wanta anu saba ndi omue.

Yesaya 65:11

Sine, ndi omiu anu binta Iramo i Ue, anu kumolupeo torukuno-Ku anu mempori, anu mopatinda kaangano pinesombai Me'uraa, ka mompatinda anggoro mesalo rampa tiano pinesombai Meni,

Yesaya 66:20

Ira mewawao luwu pepaekompomiu inso i olodo luwuno tongku gagi pesomba tia-Do i Ue a wawo ngara ka kareta ka a wawo ponsela, a wawo bagali ka unta waino anu magasi, a wawo ntorukuno-Ku anu mempori, lumako i Yerusale, pau-Do i Ue, mengkena kana to Isaraeli mpowawa pesomba a mponaapa anu mempori a laro raha-Do i Ue.

Yesaya 66:23

Wula me'eu wula, ka Saba me'eu Saba, ka luwuno mia ira mehawe mpenggolontu mpesomba i aro-Ku, pau-Do i Ue.

Yeremia 16:19

Oo Ue, rosoku ka benteku, polaiaku a oleo pompema'isoku! Ndi Omiu ira me'aiwa tongku inso i tompano tolino saru mpotae, ”Mentee ntu'u, uempu'umami butu mpope'ue pinesombai nahi mentee, pinesombai nahina pengkonaano anu nahina tuduno.

Yeremia 23:20

Tekuda-Do i Ue nahi ta temonto, ranta ka Doweweuo ka mokogagio tinoono aroa-Do; A oleo pokotompa ka i'amba mento'orio ntu'u mongkona atuu.

Yeremia 26:18

”I Mika, to Moreseti, horio mompau anu ta gagi i tempono i Hisikia, mokoledo to Yehuda. Onae mepau a luwuno tongku Yehuda: Kanandiomo pau-Do Ueno luwuakoano: Sioni ta pinadeko kana lere; Yerusale ta gagi howuno anu terawo ka torukuno Raha Mempori ta gagi po'ianga pompesombaia anu mentobu.

Yeremia 3:17

I tempo atuu Yerusale ta pinau kadera poparentaa-Do i Ue, ka luwuno tongku ira mpepumpu i ra'ai, i Yerusale a nee-Do i Ue, ka nahi ira mpelelu tumondao aroado anu motea ka mosa'o.

Yeremia 30:24

Tekuda-Do i Ue anu tensila atuu nahi ta temonto hawe ka Doweweuo ka mokogagio tinoono aroa-Do; a oleo pokotompa komiu mento'orio mongkona atuu.

Yeremia 31:12

Ira me'aiwa mpeboo-booli a wawo pongku Sioni, rupado ta mewanta hangano moiko-Do i Ue, hangano gandu, anggoro ka lana, hangano bawaano ana bembe bimba ka sapi; tuwudo ta kana lere bunga anu inuwoi, nahi ira memarasai mbo'u.

Yeremia 48:47

Sine, lembuino Aku momuleo teweweuno Moabi, kanandiomo pau-Do i Ue.” Hawemo i ndi'ai pau pohuku ndi Moabi.

Yeremia 49:39

Sine, oleo lembuino Aku momuleo teweweuno Elami, kanandiomo pau-Do i Ue.”

Yeremia 51:44

Aku humukuo Pinesombai Bela i Babeli, ka lumuarakono inso a ngangano hapa anu tineleno. Luwuno tongku nahi ira mewaa mbo'u ndi onae; rere watuno mbo'u Babeli tehoaomo.

Yehesikieli 38:16

Omue mentade umewai ira bawaa-Ku Isaraeli kana seru anu tumutuwio tolino. A tempo anu ta hawe mongkona atuu ta gagi, ka Aku wawako umewaio wita-Ku, ka domento'ori Aku luwuno tongku, i tempono Kupopokitao mempori-Ku ndi omue i arodo, hei Goge.

Yehesikieli 40:2

a laro luwuno pongkita-Do i Ue i wita Isaraeli ka Donaa aku a wawo asa torukuno anu ondau ntu'u. I wawono atuu, i selatano, hinao asa anu kana kota.

Danieli 10:14

Ongkue aiwa weweuko ka upokonto'orio hapa anu ta gagi a tongkumu a oleo anu pokotompa; hangano pongkita mbo'u andio mongkona luwuno oleo atuu.”

Danieli 2:28

Sine, i suruga kongko Ira Ue Ala anu mosabao luwuno rahasia. Dopauakomiumo ueku Mokole Nebukanesa hapa anu ta gagi a oleo anu ta hawe. Ndiomo mo'ipi ka luwuno pongkita anu kinitamiu ueku a mpoturia:

Danieli 2:35

Ia tempo koa mbo'u atuu terawoomo labu, wita pulu, mala, salaka ka wulaa atuu; luwuno gagi kana ota a mponsesaa i tempono motu'i-tu'i. Ka i'amba puurio angi, ranta maupo hangano nahi hinawe. Sine watu anu dumunsio tinaha atuu gagi torukuno langkai anu buketio asa wawontolino.

Danieli 2:45

Mongkona atuu mengkena ntu'u kana anu kinitamiu ueku, nine komba wineweuno kaeno mia asa watu teloka inso a ntorukuno ka ipuroo labu, mala, wita pulu, salaka ka wulaa atuu. Ondae Ue Ala anu tedoa langkai Dopauakomiumo ueku mokole hapa anu ta gagi lembuino. Mo'ipi atuu mentee ka pengkonaano pine'ala-ala.”

Hosea 3:5

Umarino atuu to Isaraeli ira mpepokule ka umungke Ira i Ue, Ue Alado, saru i Daudi mokoledo. Saru medoito ira me'aiwa ndi Ondae i Ue ka a moikoa-Do a oleo pokotompa.

Sakaria 14:10

Luwuno wita andio ta bali gagi kana lembono, inso i Geba hawe i Rimoni i selatano Yerusale. Sine kota andio ta kontasi-tasi ka kongko mpiha a mpo'iangano, inso a mpewowa langkai Benami hawe a mpo'iangano pewowa langkai tese'elu, onaemo pewowa langkai Siuno, ka inso a menara Hananeeli hawe a mpopuro'ia anggorodo mokole.

Sakaria 14:9

Ondae i Ue Ira gagi Mokole i asa wawontolino. I tempo atuu, Ondae i Ue atuu asa ka asa koa mbo'u nee-Do.

Sakaria 8:22

Gagi hadio tongku ka sukuno tongku anu moroso ira me'aiwa umungke Ira Ueno luwuakoano i Yerusale ka mokomolusao aroa-Do i Ue.”

Sakaria 8:3

Kanandiomo pau-Do i Ue: Aku mekule i Sioni ka Aku mo'ia i tonga-tongano Yerusale. Yerusale ta pinau Kota Metenunu, ka torukuno-Do Ueno luwuakoano ta pinau Torukuno Mempori.

Maleaki 3:12

Luwuno tongku ira mpotaeakomiu manangai, hangano omiu ta gagi wita minawongkoako, pau-Do Ueno luwuakoano.

Podoaa 24:14

Kanandio-andio aku lumako a tongkuku. Moikoomo kupauakomu hapa anu ta wineweudo tongku atuu a tongkumu lembuino.”

WINEWEUDO TINENA 2:17

Ta gagi a oleo pokotompa – kanandiomo pau-Do Ue Ala – nine Aku motiio Penaa-Ku a luwuno mia; ka anamiu tama ka beine ira mpompau anu ta gagi, ka mangalitaumiu ira mpohawe pongkita, ka miamiu anu mota'u ira memo'ipi.

2 TIMOTIU 3:1

To'oriomo nine a luwuno oleo pokotompa ta hawe tempo anu masukara.

IBARANI 1:2

ka a tempo pokotompa andio mepau Iramo ndi ontae telalo a Ana-Do, anu Dopakosiomo gagi anu tekona tumarimao luwuno anu hina. Hangano Ondae Dopokogagiomo Ue Ala wawontolino saru luwuno ihino.

2 PETURU 3:3

Anu lalua asalakono ka imento'orio onaemo, nine a luwuno oleo pokotompaano tempo ira mehawe anu mpopopodeu-deuako pompopodeu-deudo, onaemo luwuno mia anu mentuwu montonda po'eheno aroado.

MENGKAAA 11:15

Ka i'amba mala'eka anu ko'opitu puurio tawuwuano, ka terongeomo luwuno suara meroku i laro nsuruga, motae, ”Poparentaa i wawontolino Do'inio Ueto ka Ondae anu inurapi-Do, ka Ira momparenta gagi mokole ranta nahina tampulaano.”

MENGKAAA 20:4

Ka ku'amba kumita ira kadera poparentaa ka mia anu mpentoro i wawono; ndi ondae mempinoweeako pabawa ka dompobitara. Kukita ira mbo'u sumangado, anu me'inimpahiomo uludo hangano ponsakosii mongkona Ondae i Yesu ka hangano pau-Do Ue Ala; anu nahi pesombaio kondehora atuu ka tinahano ka anu nahi hori montarima pontondoni a ra'i ka a ngkaedo; ka wali ira mentuwu ka pomparenta kana mokole meronga saru Ondae i Kerisituu tiano tempo asa nsowu ta'u.