Yesaya 10:3 - Wunta Mempori

³ Hapake anu komiu meweweuo a oleo pohukua, ka a oleo matea anu hawe inso a olaiano? Ndi semake komiu mpelulu mpepetulungi, ka isuake imebintao pompolimiu?

Yesaya 10:3 ပူးပေါင်းရင်းမြစ်များ

Tegagia 31:1

Irongeomo i Yako paudo anano i Laba, kanandio, ”I'alaomo luwu i Yako arataado amato, ka inso a arataado amato ipumpuo luwuno kaeano.”

2 Mokole 7:15

Ka do'amba melako tumonda bungku ira mia atuudo hawe a ngkoro Yarade. Huu, luwuno sala atuu bukeako sangka ka parewa anu pinetadiakodo to Arami tempono dompolai moririmpate. Mpekule iramo mia tinena atuu ka domentutuluo mongkona atuu ndi ondae mokole.

Ayubi 31:14

hapa anu ta wineweuku, tewala mentade Ira Ue Ala; tewala moweweu Ira pomparesaa, hapake sangkiku ndi Ondae?

Powadi 11:4

A oleo tekudaa arataa nahi mentudu, sine menteea motolao mia inso a matea.

Yesaya 13:6

Ponsabangimo, hangano oleo-Do i Ue umpedaomo, haweno gagi pabawa pe'iwalia inso ndi Ondae Anu Tedoa Pabawa.

Yesaya 17:4

I tempo atuu marambano i Yako ta makura, ka manangaino ta tenono;

Yesaya 20:6

I tempo atuu palilino wita i wiwino andio ira mpotae: Kitao, kanandiomo teweweudo mia anu pinerorohimami, kahinaano ndi ondae kimpelulu mpepetulungi ka kintekadudui inso ndi mokoledo to Asiuri. Kana'umpe mbo'u ka kami mentola?”

Yesaya 26:14

Ondae memate iramo, nahi ira mentuwu mbo'u, megagi iramo onitu, nahi ira mpewangu mbo'u; menteeano, Ihuku iramo ka rumopu ira, ka tumadio luwuno pinewowolo ndi ondae.

Yesaya 26:21

Hangano menteeano, Ondae i Ue Ira ronga meluarako inso a mpo'ianga-Do Ira humukuo palilino tolino hangano salado, ka tolino mosabao rea anu te'uwu i wawono, nahi wunio mbo'u mia anu mempinepate i ra'ai.

Yesaya 28:20

Hangano poturia nahi ta sompo ondauno po'ianga mepombole, ka hawu nahi ta sompo maluano petutuwi.

Yesaya 29:6

kokumitao hawe-Do Ueno luwuakoano a laro rundu, lelu ka uni mongkokodoito, a laro lompiu ka angi mokora, a laro langano api anu mongkaa ranta ka ipingko.

Yesaya 30:16

tendeano impotae, ”Naahi, kami mpolai mpesawi a ngara,” onaemo ka komiu mpolai nahi teto'ori pe'aroamiu. Mpotae komiu mbo'u, ”Kami mpesawi a ngara anu magasi,” ka ta kanatuu koa mbo'u magasido anu lumulu komiu.

Yesaya 30:5

luwuno ta mohawe mokoko'ii hangano tongku atuu nahi polio moweeako ira anu mentudu, ka nahi polio moweeako ira pontulungi ke anu mentudu; sine butu mompokoko'ii, tendeano moweweuako ira tataado.

Yesaya 30:7

a nto Masiri anu moweeako ira pontulungi anu nahina pengkonaano; onaemo pu'uno, Kuneeakono, ”Rahabi, kalamboro anu butu mentoro menoro-noro.”

Yesaya 33:14

Mia mentehala ntededengke i Sioni mia anu mpebungkui Ira i Ue ipabawai ira doitoa. Dompotae, ”Isemake i oloto anu polio mo'ia umpeda api anu mompokomo'ai andio? Isemake i oloto anu polio mo'ia umpeda a pompotuwua api anu nahina tampulaano andio?”

Yesaya 39:3

Ka i'amba haweomo Nabi Yesaya ndi mokole Hisikia ka mesikeno ndi onae, ”Hapamoke anu mempinaudo mia andiodo? Inso isuake dome'aiwa?” Sumangki i Hisikia, ”Ondae me'aiwa inso i wita anu olai, inso i Babeli!”

Yesaya 5:14

Onaemo pu'uno, tolinodo mia mate ta umungkahio burokono temalua ka ta konganga-nganga nahina otuano, ranta i larono tampulaomo mewantano ka maroano Yerusale, magagano ka mawongkoa i kota atuu.

Yesaya 5:26

Ira mowuatako bandera tiano tongku anu inso a olaino, ka momansu moboi ira inso i tompano tolino; menteeano ira koa ronga me'aiwa mpotuturako!

Yeremia 22:7

Aku pakosio anu ira meropuko, singge mia saru parewa mpeteano; ira mentuehio keu arasi bininikimu ka mpetadiakono a laro api.

Yeremia 4:30

Omue, anu pinokotampula, hapake anu ta wineweumu, tembio ka upompokona sangka motaha ntu'u, rumamba-rambaakono peramba-ramba wulaa koroimu, hahiakono matamu pohahi mata? Nahina tuduno upokontekosio koroimu, luwuno kinekewoimu nahi domebehe ndi omue, tendeano dopontooakono penaamu.

Yeremia 5:31

Luwuno nabi mpompau anu ta gagi nahi mentee ka luwuno sando mpesomba mpetewawa po'ehedo, ka bawaa-Ku inehedo mongkona anu kanatuu! Sine, hapa anu komiu mpoweweu, tewala hawe oleo tampulaano?

Yeremia 9:9

Nde kana'umpe nahi Aku humuku ira hangano luwuno andio?, kanandiomo pau-Do i Ue. Nde kana'umpe nahi Aku moweweu pombaloa a tongku kanandio?

Hosea 5:13

Mansano kumitao i Eparai hakino, ka i Yehuda kumitao moboono, lumakoomo i Eparai a nto Asuri ka montena mia lumako ndi Mokole Mosia. Sine maupo onae nahi polio mokotompa komiu ka umoninio moboo atuu inso ndi omue.

Hosea 9:5

Hapake anu komiu mingki mpoweweu i tempono tepotowoa langkai, ka ia oleo langkai-Do i Ue?

Hosea 9:7

Haweomo luwuno oleo pohukua, haweomo luwuno oleo pombaloa, asalakono ka ito'oriomo Isaraeli, ”Nabi onaemo mia benge-benge, mia anu bukeako penaa onaemo mia mekombe!” Tendeano hangano langkaino salamu ka lansarano pe'iwalimu.

Amosi 5:19

Kana asa mia molai inso a nsinga, asa berua tumowokio, sahaweno i raha metumboakono kaeno a rere, asa ule tumungkuo!

Mika 7:4

Mia anu lalu moiko i olodo kana ewo rui, anu lalu moleo i olodo kana wala rui. Haweomo oleono a luwuno puu mpopadasomu, oleo pohukuamu. Kanandio-andio ta gagi tewukaa i olodo!

Sepanya 1:18

Salaka ke wulaa nahi pokokadudui ira a oleo tekudaa-Do i Ue. Asa wawontolino ta pingko ikaano api mahakino aroa-Do, hangano matea, tendeano matea mongkokongiri pinotii-Do a luwuno palili i tolino.

I LUKASI 19:44

ka ira mpepateko saru palilimu ka a rere watumu nahi ira mpo'ineeo maupo te'asa watu mo'ia a wawo watu anu susua, hangano nahi uto'orio tempo, ba te'ipia Do'aiwa kumitako Ue Ala.”

Winali 28:49

Ondae i Ue Ira montenaakomiu asa tongku inso i olaiano, inso i tompano tolino. Tongku atuu kana rajawali anu montiu ka pauno nahi imento'orio.

1 PETURU 2:12

Temoikomo gaumiu imentuwu i tonga-tongado tongku komba Yahudi, tewala domposebe komiu kana mia melambaha, ka dompokokitao inso a luwuno wineweumiu anu moiko ka melangkai Ira Ue Ala a oleo Dotepohaweako ira.