Yesaya 10:2 - Wunta Mempori

² nahi dompoweeako ira moleoa a mia molema, me'alao tiado mia marasai i olodo bawaa-Ku, ka dome'alao anu ta tiado tuwua beine, ka mpomuru ira nana'ote nahina amado!

Yesaya 10:2 ပူးပေါင်းရင်းမြစ်များ

Maleaki 3:5

Aku aiwa umpeda ndi omiu gagi puu mpobitara. Aku ronga gagi sakosii a luwuno puu ponsihiri, luwuno mia anu mponsosabo, ka mia anu mpesumpa mpegaupi, saru mbo'u luwuno mia anu mompokonsii mia tinambo, tuwu beine, ka nana'ote nahina amano, saru anu nahi poweeako ira tia mia hawe ka nahi doito ndi Ongkue, pau-Do Ueno luwuakoano.

Yesaya 3:14

Ondae i Ue mentade gagi puu mpobitara a mia memota'u ka luwuno petewawa bawaa-Do, ”Omiumo anu mengkaano ka ipingko lere anggoro atuu, parewa merinontu inso a mia tepokonsii tehowu a laro rahamiu.

Yehesikieli 22:7

Luwuno ama ka ine i olomu pinokongkodei, ka i tonga-tongamu mia mpo'ala komba tiado a mia mehawe; nana'ote mbo'u anu nahina amano ka tuwu beine i olomu pinokonsii.

Yesaya 29:21

ondaemo anu moruana mpopokosala mia a laro asa kara-kara, ka mpota'oakono oho anu monteahako songka a mpewowa langkai, ka anu mpoposule moleoa a mia mentee me'empehiako anu nahi mengkaa pepu'uano.

Yesaya 5:23

anu mokomenteeo mia mosa'o gauno hangano pompowee nahi pototono ka anu humapuo tiano mia mentee.

Yesaya 1:23

Luwuno petewawamu ondaemo anu me'ewa ka ntepo'asa saru puu mponako. Inehedo luwu mpontarima pompowee nahi pototono ka inehedo mpo'ala anu komba tiado. Nahi dompe'alaako a ntiado nana'ote nahina amado, ka kara-karado tuwu beine nahi hawe ndi ondae.

I MATIU 23:13

Memasola komiumo, hei anu mponto'ori Taura ka to Parisi, hei omiu mia mpo'onde-onde, hangano imentondoo luwuno pewowano Poparentaa Suruga i arodo mia. Hangano omiu isa'a nahi mpewinso ka ime'onsoi ira anu mpopete'umala ira mpewinso. [

Amosi 2:7

Ondae melolanda ira uludo mia molema a laro pampawu ka mebungkui ira mia marasai inso a nsala moleoa; ana ka ama lumako mewowaliako asa ana beine, ranta molinggei memporino nee-Ku.

Ponsabangi 3:35

tewala tiano mia pinelengkuako i aro-Do Anu Tedoa Mantande,

Yeremia 7:6

tewala nahi imempokonsii ira mia mehawe, nana'ote nahina amano ka tuwu beine, nahi mpo'uwu reano mia anu nahina salano a mpo'ianga andio, ka nahi mpetonda a mpinesombai susua, anu sumolangi komiu,

Yesaya 5:7

Hangano lere anggoro-Do Ueno luwuakoano onaemo sukudo to Isaraeli, ka to Yehuda onaemo bonde anu inehe-Do; Dosikorio moleoa, sine butu lambaha anu hinao, Dosikorio menteea, sine butu marisua anu hinao.

Po'unde-unde 94:6

tuwu beine ka mia hawe domensumbeleo, nana'ote nahina amado dompepate ira;

Yesaya 3:15

Hapa pabawamiu bobarasai ira bawaa-Ku ka umisao ka imotutu rupado mia tepokonsii?” Kanandiomo pau-Do Ue Alano luwuakoano.

Yesaya 32:6

Hangano mia monge-monge mompau monge-mongeno, ka aroano montoo anu mosa'o; onae moweweu gau mosa'o ka mompau anu mompokopansia mongkona Ondae i Ue, mo'ineeo kompono mia mokoninggo mooa mpiha ka mia mokoranga nahina inua.

Yesaya 59:15

Tewala kanandio menteea tetadiomo, ka isema anu olaiakono wineweu mosa'o, ta gagi pomurua. Sine Ondae i Ue kumitao, ka Ondae nahi Dope'eheo hangano songka nahi tineahako.

Peluarakoa 23:6

Si melinggeio tiado mia mongkokolaro i olomiu a laro kara-karano.

Ayubi 31:16

Tewala horio nahi kutondao po'ehedo mia mongkokolaro, ka weweuo matano asa tuwu beine gagi mo'au-au,

Powadi 22:22

Siimo rontuo mia molema hangano onae molema, ka siimo lolandao mia mongkokolaro a mpewowa langkai.

Powadi 30:14

Hinao inule anu ngisino ponai, anu tinduno piso, ka ipingko ikaano mia tepokonsii inso i tolino, ka mia mongkokolaro inso i olono mia.

Yesaya 1:17

impepagurumo mpoweweu moiko; teahakonomo moleoa, pabawai iramo mia lambaha; weeako iramo tiado nana'ote nahina amado, teahakonomo kara-karado tuwu beine!

Amosi 2:6

Kanandiomo pau-Do i Ue, ”Hangano otolu wineweuno Isaraeli anu mosa'o, ke opaa, nahi Aku balio mbo'u pomputusi-Ku. Ondae me'asa ira mia mentee hangano doi ka mia mongkokolaro hangano asa pasa sandala.

Amosi 5:19

Kana asa mia molai inso a nsinga, asa berua tumowokio, sahaweno i raha metumboakono kaeno a rere, asa ule tumungkuo!

Mika 3:1

Umarino atuu kupotae, ”Imerongeomo, hei luwuno mia pinemota'uno i Yako, ka luwuno petewawa suku Isaraeli! Kombake tekona imento'orio moleoa,