Yesaya 1:9 - Wunta Mempori

⁹ Ande-andeno Ondae Ueno luwuakoano nahi Dopobinta ndi ontae mia mentekadudui, ontae ilawu kana Sodomo, ka gagi mengkena kana Gumora.

Yesaya 1:9 ပူးပေါင်းရင်းမြစ်များ

Tegagia 18:26

Mepau Ira i Ue, ”Tewala mohawe Aku lima pulu mia mentee a laro ngkota Sodomo, Aku umampunio luwuno po'ianga atuu, hangano ondae.”

Tegagia 18:32

Motae i Burahima, ”Ku'emao ndi Omiu Ue, si tekuda tewala mepau aku mbo'u pohonamo koa ndio. Kana'umpe tewala hopulu anu hinawe i ra'ai?” Mepau Ira, ”Nahi Aku mokotampulao, hangano anu hopulu atuu.”

Tegagia 19:24

Ka Do'amba i Ue mompotiiakono Sodomo ka Gumora usa walira ka api anu pu'uno inso ndi Ondae i Ue, inso i langi;

1 Mokole 19:18

Sine Aku mobinta pitu nsowu mia i Isaraeli, luwuno mia anu nahi penggolontuu mesombaio ka nahi wowooo i Ba'ala.”

2 Mokole 19:4

Bara'ura Dorongeomo i Ue, Ue Alamiu pinauno i rabi-sakehi atuu anu tinenano mokoledo to Asuri, ueno kai tetewehi Ira Ue Ala anu tuwu, ranta Ondae i Ue, Ue Alamiu Ira moweeakono pohuku hangano luwuno pinauno anu Dorongeomo. Moikoomo ipekakaiako ira toreano anu da tebinta andio!”

Yesaya 1:8

Ana beine Sioni tebinta asa-asano kana laika a lere anggoro, kana bansule a lere nsuai, kana kota anu tekadu.

Yesaya 11:11

Tempo atuu Ondae i Ue Ira tumandeo mbo'u kae-Do tumolosi ira bawaa-Do anu da mentuwu anu mpo'ia i Asuri ka Masiri, i Patirosi, Etiopia ka Elami, i Sineari, Hamati ka a luwuno togo i Tahi Tongano.

Yesaya 11:16

Te'ipua ta hina sala langkai tiado bawaa-Do anu da mentuwu anu mpo'ia i Asuri, kana anu hinaomo tiado to Isaraeli i ndi'ipua, i tempono dompeluarako inso i wita Masiri.

Yesaya 17:6

Sine ta hina anu tebinta tiado anu mponsowi lembuino kana i tempono mia mposodoli wua saitu, butu orua ke otolu laba wua anu tebinta a ntonggino ka opaa ke olima a sampa-sampano anu mewua, kanatuumo pau-Do i Ue, Ue Alado to Isaraeli.

Yesaya 24:13

Hangano kanandiomo ta gagi i wawontolino, i olodo tongku, kana i tempono mia monsodoli wua saitu, kana i tempono po'opua lembuino, tewala po'opua wua anggoro umariomo.

Yesaya 24:6

Onaemo pu'uno, pontotonaa ta kumaano tolino, ka palilino ta mohawe pohuku; onaemo pu'uno, palilino tolino ta makura, ka mia anu da tuwu tedeimo koa.

Yesaya 37:4

Bara'ura Dorongeomo i Ue, Ue Alamu, pauno i rabi-sakehi atuu anu tinenano mokoledo to Asiuri, ueno, ka itata Ira Ue Ala anu tuwu, ranta Ondae i Ue, Ue Alamu Ira moweeakono pohuku hangano luwuno pau anu Dorongeomo. Moikoomo upekakaiako ira anu da mentuwu anu da ntebinta andio!”

Yesaya 46:3

”Ronge Akumo, hei suku inuleno i Yako, hei luwuno mia anu da mentuwu inso a inuleno i Isaraeli, hei mia anu Kutembi komiu mompu'u inso a mpe'anakaa, hei mia anu Kusu'u komiu mompu'u inso a laro kompono inemiu.

Yesaya 6:13

Tewala i ra'ai da mpo'ia asa ntia hopulu inso ndi ondae, ta kumaa ira api pohonapo mbo'u, kana keu tarabanti ka keu langkai susuano anu tinuehi butumo koa tu'ono tebinta. Tu'o atuu gagi wuku mpinopaho anu mempori.”

Yesaya 65:8

Kanandiomo pau-Do i Ue, ”Kana dompotae mia mongkona tonggino wua anggoro anu da hinawe uwoino: Siimo ipepateo luwu atuu, hangano i larono da hinao ronso, kanatuumo Aku weweuo hangano luwuno tetenaa-Ku; nahi Aku mokotampulao luwu.

Yeremia 23:14

Maupo i olodo nabi i Yerusale Kukitao mongkona anu mongkokongiri: ondae mponsosabo ka mentuwu mpelelu nahi moleo; ondae menteahako ira mia anu mpoweweu mosa'o, ranta nahina maupo te'asa mia anu tepidi inso a wineweuno anu mosa'o. Luwudo megagi kana Sodomo ndi Ongkue ka palilino kana Gumora.”

Yeremia 42:2

Dompotae ndi nabi Yeremia, ”Po'ineeomo po'emamami ka ihawe i aromu! Pekakaiakamimo ndi Ondae i Ue, Ue Alamu, tiado luwuno anu da mentuwu andio. Hangano, butumo koa omami anu mentuwu, tedeimo koa inso a mia anu hadio, kana anu ukitaakonomo matamu.

Yeremia 50:20

I tempo atuu, kanandiomo pau-Do i Ue, mia ta mo'ungke salano i Isaraeli sine nahi pohawe, ka halano i Yehuda sine nahi pohawe, hangano Aku umoniniako ira halado mia anu Kupo'inee ira mentuwu.

Ponsabangi 3:22

Menteeano nahi otu-otu pompehohawa-Do i Ue pompowee-Do nahi hori pingko,

Ponsabangi 4:6

Mosa'oano ana beine tongkuku lumaloio halano Sodomo, anu asa mpiniro rinongka-rongka nahina kae anu tumunduhio.

Yehesikieli 14:22

Sine mentee ntu'u, ta tepo'ia i ra'ai mia anu tola, nana'ote tama ka beine anu winawa meluarako. Kitao, ira me'aiwa ndi omue! Komiu mengkitao peleludo ka tetarero mongkona masolaa anu Kupotiiakono Yerusale, mongkona luwuakoano anu Kupotiio ndi onae.

Yehesikieli 6:8

Sine, asa ntia inso ndi omiu anu tola inso a mponai, Aku mo'ineeo tuwu i olodo luwuno tongku, tempono imensiniarawo a luwuno wita atuu.

Yoeli 2:32

Isemamo koa anu mebooli a nee-Do i Ue ta kinadudui, hangano i Torukuno Sioni ka i Yerusale ta hina tekaduduia; kana anu Dopauomo i Ue, sompo mia anu pinoboi-Do i Ue ta tewinso a luwuno mia anu tepotola.”

Amosi 4:11

”Kuwowangunsuleomo luwuno kota i olomiu, kana Dowowangunsuleo Ue Ala Sodomo ka Gumora, ranta ka imegagi kana tompa api anu inala inso a langano api. Sine nahi mpepokule ndi Ongkue,” kanandiomo pau-Do i Ue.

Habaku 3:2

Kurongeomo telele-Miu Ue, ka inangga-Miu, oo Ue, ku'unde-undeo! Ipotuwuomo atuu i tempo andio, Ipokomengkaaomo i tempo andio; a laro ntekuda Irambeomo pompehohawa!

Sepanya 2:9

Onaemo pu'uno, Ongkue anu tuwu, kanandiomo pau-Do Ueno luwuakoano, Ue Alado to Isaraeli, menteeano Moabi ta gagi kana Sodomo ka inuleno i Amoni kana Gumora, onaemo gagi tongampada melaro rui, po'ianga pongkekea ohia, ka po'ianga boni-boni ranta nahina tampulaano. Luwuno toreano bawaa-Ku ira mpopomuru ndi ondae ka anu toreano inso a tongku-Ku ondae mpe'ueo.”

I MATIU 7:14

hangano ma'iso pewowa ka kodei sala anu te'aro a ntuwua, ka tedei mia anu humaweo.”

ROMA 9:27

Ka i Yesaya mebooli mongkona Isaraeli, ”Maupo porokono anano i Isaraeli kana one a ntahi, sine butu toreano ta kinadudui.

ROMA 9:29

Ka kana anu pinauno i Yesaya se'eluno, ”Bakanaano Ondae Ueno luwuakoano nahi Dopobintaakita inule, megagi kitamo kana Sodomo ka mengkena kana Gumora.”

Winali 29:23

Luwuno witano mo'aiako belera ka ohia, anu nahi rinawo, nahina hapa anu tuwu, ka nahina maupo pinopaho hapa anu me'umbaako inso ndi onae, kana i tempono Dowowangunsuleo Sodomo ka Gumora, Adema ka Seboimi, a laro ntekuda ka mokulano aroa-Do.

2 PETURU 2:6

ka tewala Ondae Ue Ala sumongkoo kota Sodomo ka Gumora, ka ba kanandio rumopuo ka mokogagio aasa pompopoto'orido anu mentuwu mpogau mosa'o a tempo lembuino,

MENGKAAA 11:8

Ka wata ngkoroido ta mo'ia a wawo batatanano kota langkai, anu montonda pompe'ala-ala nineeako Sodomo ka Masiri, i ra'ai koa mbo'u Uedo Dopinaso a ngkeu pinotamba.