Yesaya 1:4 - Wunta Mempori

⁴ Masola ntu'u tongku anu tehala, bawaa anu bukeako sala, inuledo mia anu melolambaha, mia anu mpoweweu mokoburu! Domebinta Ira i Ue, tumata Ira Anu Tedoa Mempori, Ue Alado to Isaraeli, ka mpewolili mpebungkui Ira.

Yesaya 1:4 ပူးပေါင်းရင်းမြစ်များ

Tegagia 13:13

To Sodomo tedoa melambaha ka ntehala ndi Ondae i Ue.

2 Mokole 21:22

Ipebungkui Ira i Ue, Ue Alado uempu'uno ka nahi tondao sala-Do i Ue.

2 Tawarika 12:1

Tempo pabawano i Rehabea gagi mokole rodo ka moroso, onae saru luwuno Isaraeli mebintao songka-Do i Ue.

2 Tawarika 27:2

Onae moweweu hapa anu mentee a pongkita-Do i Ue, mengkena kana anu wineweuno i Usia, amano; butu koa nahi pewinsokio raha-Do i Ue. Sine palili da mpoweweu hala anu modontai.

Nehemia 1:7

Tedoa kamimo mensala ndi Omiu ka nahi kimentondao luwuno parenta, pompakosi ka atora anu Iparentaakonomo i Musa, tetenaa-Miu.

Po'unde-unde 58:3

Tendeano mpoweweu komiu mosa'o i laro aroamiu, kaemiu mompatinda sala mpoweweu pompokonsiia i tolino.

Po'unde-unde 71:22

Ongkue mbo'u ineheku menaniako-Miu po'unde-unde saru gambusu hangano pompehohawa-Miu nahi otu-otu, oo Ue Alaku, menania-Komiu penani po'unde-unde saru katapi, oo, Omiu Anu Tedoa Mempori, Ue Alado to Isaraeli.

Po'unde-unde 78:40

Ba pempia dompe'ewa ndi Ondae i pada one, ka mokomasusao aroa-Do a mpada malua!

Po'unde-unde 78:41

Mararu dome'ara-arahako Ira Ue Ala, mokomahakio aroa-Do Anu Tedoa Mempori, Ue Alado to Isaraeli.

Po'unde-unde 78:57

domebintao pompe'ala-alado ka mehapuo pedandia kana uempu'udo, mpepokule kana pana anu mepokule lakoano;

Po'unde-unde 78:8

ka si kana uempu'udo, inule anu humapu Ira i Ue ka me'ewa, inule anu nahi rodo aroado ka nahi moroso dompe'ini ndi Ondae Ue Ala.

Po'unde-unde 89:18

Hangano Omiu koa marambano rosodo, ka hangano Ipemoikoo Itiangio tanduno rosomami.

Peluarakoa 32:7

Mepau Iramo i Ue ndi Musa, ”Te'alamo petii, hangano tongkumu anu winawamu mpeluarako inso i wita Masiri, mosa'oomo gaudo.

Yesaya 1:23

Luwuno petewawamu ondaemo anu me'ewa ka ntepo'asa saru puu mponako. Inehedo luwu mpontarima pompowee nahi pototono ka inehedo mpo'ala anu komba tiado. Nahi dompe'alaako a ntiado nana'ote nahina amado, ka kara-karado tuwu beine nahi hawe ndi ondae.

Yesaya 1:28

Sine mia anu umewa ka mia tehala ta rinopu meronga, mia anu binta Ira i Ue ta pingko moliu.

Yesaya 10:6

A tongku anu humapu Aku Kutenao, a bawaa pontiiano tekuda-Ku Kuparentao ka iporontu ka mompomuru, ka ilolanda ira kana rege a nsala.

Yesaya 12:6

Peboolimo ka temaroamo impebooli, hei palilino Sioni, hangano maramba Iramo Anu Tedoa Mempori, Ue Alado to Isaraeli, i tonga-tongamiu!”

Yesaya 14:20

Omue nahi komohawe pekaburua kana teweweudo mokole atuudo, hangano urawo-rawoomo witamu ka mepate ira palilimu. Po'ineeomo ana'uedo mia anu mpoweweu mosa'o nahi pinopau ranta nahina tampulaano.

Yesaya 29:19

Mia ntebobarasai ira mpo'unde mbo'u ndi Ondae i Ue, ka mia anu tedoa memongkokolaro ira mengkokora-kora mpo'unde ndi Ondae Anu Tedoa Mempori, Ue Alado to Isaraeli!

Yesaya 3:8

Mentee ntu'u, Yerusale tetiduomo ntu'u ka Yehuda tekale-kaleomo; hangano pau ka wineweudo ndi Ondae i Ue, umewaio maramba-Do.

Yesaya 30:1

Masola ntu'u nana'ote anu umewa, kanandiomo pau-Do i Ue, anu weweuo tinoo anu komba inso ndi Ongkue, anu mewinsokio tepo'asaa, anu komba hangano Penaa-Ku, ranta ka dompohowu hala metiangi hala.

Yesaya 30:15

Hangano kanandiomo pau-Do Ue Ala, Ondae Anu Tedoa Mempori, Ue Alado to Isaraeli, ”Saru mpepokule ndi Ongkue ka mpo'ia mpenoro-noro komiu mengkinadudui, i larono impo'ia mpomperodo ka mpompe'ala-ala rosomiu mo'ia.” Sine nahi mebehe,

Yesaya 30:9

Hangano ondae atuu tongku anu mpe'ewa, nana'ote anu ineheno megaupi nana'ote anu nahi behe moronge pompaguru-Do i Ue;

Yesaya 31:2

Sine, Ondae tedoa pande mosongka. Ira mompotii masolaa, ka nahi Dopokuleo pau-Do; Ira mentade umewai ira mia mpoweweu mosa'o, ka umewaio anu mompokowali mia lambaha.

Yesaya 37:23

Isemake anu pinokongkodeimu ka pinepaukiakomu? Te'aro ndi semake upokomerokuo suaramu ka mengkita saru mompelangka-langkai? Te'aro ndi Ondae Anu Tedoa Mempori, Ue Alado to Isaraeli!

Yesaya 41:14

Siimo doito, hei tolodo Yako, hei ule-ule Isaraeli! Ongkuemo anu tumulungiko, kanandiomo pau-Do i Ue, ka anu tumolosiko onaemo Anu Tedoa Mempori, Ue Alado to Isaraeli.

Yesaya 41:16

Omue kodumuku ira, ka i'amba angi ta panee ira, ka angi mokora ta sumiarawo ira. Sine omue ko kokora-kora ndi Ondae i Ue ka telele ndi Ondae Anu Tedoa Mempori, Ue Alado to Isaraeli.

Yesaya 41:20

ka domengkitao luwuno mia ka mpokonto'orio, menootio ka tumo'orio, nine kae-Do i Ue anu weweuo luwuno andio ka Anu Tedoa Mempori, Ue Alado to Isaraeli, anu mokogagio.

Yesaya 5:19

anu mpotae, ”Moikoomo Ondae Ue Ala ka Doronga mokogagio wineweu-Do, ka tomengkitao; moikoomo tinoo-Do Anu Tedoa mempori, Ue Alado to Isaraeli, ka i'umpedamo ka imengkaa, ka tomento'orio.”

Yesaya 5:24

Onaemo pu'uno, kana elo api mongkaa seami, ka kana ewo mokari pingko tampula a laro langano api, kanatuumo luwuno hakado ta moboo, ka sisino mpenee kana awu, hangano nahi domentarimao pompaguru-Do Ueno luwuakoano ka mentatao pau-Do Anu Tedoa mempori, Ue Alado to Isaraeli.

Yesaya 57:17

Ongkue tekuda hangano hala modokono, Kusepio, wunio rupa-Ku ka tekuda, sine ipebungkui Aku ka itondao sala anu bininikino aroano.

Yesaya 58:2

Oleo me'eu oleo dome'ungke Aku ka inehedo mento'orio luwuno sala-Ku. Kana tongku mpoweweu anu mentee ka anu nahi bintao songka-Do Ue Alano dompesikenoakono ndi Ongkue luwuno songka anu mentee, inehedo me'umpeda ndi Ondae Ue Ala, dompotae,

Yesaya 65:11

Sine, ndi omiu anu binta Iramo i Ue, anu kumolupeo torukuno-Ku anu mempori, anu mopatinda kaangano pinesombai Me'uraa, ka mompatinda anggoro mesalo rampa tiano pinesombai Meni,

Yesaya 65:3

bawaa anu mokomahakio aroa-Ku nahi penaa-naa i aro-Ku, ondae mpopesombaako pesomba a lere bungano pinesombai ka mpontunu pesomba a wawo watu tela;

Yesaya 9:17

Mentee ntu'u, gau mosa'o melanga kana api anu kumaano pingko ewo ka rui, ka i'amba sumongkoo tonga ewo a ntobu ranta pebotono ahu membombo i wawono.

Yeremia 15:6

Omue isa'a nahi utarima Aku, kanandiomo pau-Do i Ue, upebungkui Akumo. Onaemo ka Kutandeo kae-Ku ka mepateko; te'osa Akumo mehohawako.

Yeremia 2:13

Hangano bawaa-Ku mpoweweu orua rupa wineweu mosa'o: domebinta Aku, insoano uwoi tuwua, ka mpokeke ponaapado uwoi, ponaapa anu telompa, anu nahi pokomponaa uwoi.

Yeremia 2:17

Komba omuemuke anu mokohinao andio a ngkoroimu, hangano ubinta Ira Ue Alamu, tempono Dotaateko a nsala?

Yeremia 2:19

Pelelumu anu mosa'o ta humukuko, ka ipehapuakono pompe'ala-alano ta bongoko! To'oriomo ka kitaomo, tedoa mosa'o ka mopa'ino tempono ubinta Ira i Ue, Ue Alamu; ka nahi udoito ndi Ongkue, kanandiomo pau-Do i Ue Alano luwuakoano.

Yeremia 2:31

Hei, omiu anu mentuwu kanandio-andio, ipekokoongakonomo pau-Do i Ue! Nde gagiomo pada onedo to Isaraelike Ongkue ke wita anu wongi mpusu? Tembio bawaa-Ku ka dompotae, ’Tepotola kamimo, nami kimebehe mbo'u me'aiwa ndi Omiu?’

Yeremia 2:33

Pandeko ntu'u umatorao pesalaamu molulu kinekewoi! Onaemo pu'uno omue mompaguruako luwuno pesalaamu saru mbo'u a luwuno beine belesu.

Yeremia 2:5

Kanandiomo pau-Do i Ue: Hapa anu nahi moleo hinawedo uempu'umiu ndi Ongkue, ranta ka dome'olaia-Kune, tumonda ira pinesombai susua anu nahina tuduno, ka ondaedo gagi nahina tuduno?

Yeremia 32:32

hangano luwuno mosa'oa anu wineweudo to Isaraeli ka to Yehuda anu mpokotesingkao tekuda-Ku, hangano ondae, luwuno mokole ka mia pinemota'udo, luwuno sando mpesomba ka nabido, to Yehuda ka palilino Yerusale.

Yeremia 50:29

Wawa iramo puu pompana umewaio Babeli, luwuno anu mompadii pana! Impekemamo mengkaduo, ka si hina anu tola! Pombalomo ndi onae menunu saru wineweuno, weweuomo ndi onae kana anu wineweuno! Hangano onae mompelangka-langkai ndi Ondae i Ue, ndi Ondae Anu Tedoa Mempori, Ue Alado to Isaraeli.

Yeremia 51:5

sekono Isaraeli ka Yehuda nahi Dobintao Ue Alano, Ue Alano luwuakoano gagi tuwu beine, hangano witado to Kasidimi atuu bukeako sala ndi Ondae Anu Tedoa Mempori, Ue Alado to Isaraeli.

Yeremia 7:19

Nde Ongkueke pinokomahakido, kanandiomo pau-Do i Ue, kombake tendeano koroido ondaedo, ranta ka domegagi mokoko'ii?

Yeremia 7:26

Sine, nahi domebehe mperorongea-Kune ke mpo'aroo birido. Tendeano motea palowe'udo, mpoweweu lalu mosa'o sekonopo uempu'udo.

Yehesikieli 14:5

ka Kupopandeio aroado suku Isaraeli, anu luwudo mentonda ira lahumoado onaemo ka domepansia inso ndi Ongkue.

Yehesikieli 16:33

Mia mpoweeako ira tambo a luwuno beine belesu, sine omue posuleno. Omue moweeako ira pompowee gagi pompopandei a luwuno anu kumekewoiko ka moweeako ira pompowee nahi pototono ka inso a mpehori-horimu me'aiwa ndi omue ka impebelesu.

Yehesikieli 16:45

Omue andio anano inemu, anu mokoburuno kumitao tamano ka luwuno ana ntamano, ka omue andio uaido akamu beine, anu mokoburudo mpongkita tamado ka luwuno ana ntamado. Inemu to Heti ka amamu to Amori.

Danieli 9:11

Luwuno to Isaraeli domelimpaiomo songka-Miu ka mepansia hangano nahi domperorongeakono pau-Miu. Onaemo pu'uno ndi omami inuwuomo pontotonaa ka sumpa, anu teburi a wunta Taurano i Musa, tetenaa-Do Ue Ala, hangano mpoweweu kamimo hala ndi Ondae.

Sepanya 1:6

saru ondae anu mpebungkui Ira i Ue, anu nahi ungke Ira i Ue ke mo'ema pontiso-Do.”

Podoaa 32:14

Kitaomo, kanandio-andio mpentade komiu umeu ira amamiu, tepumpuado mia mentehala, tumiangio mbo'u tekuda-Do i Ue anu tensila a nto Isaraeli atuu.

I MATIU 11:28

Ime'aiwamo ndi Ongkue, luwuno anu memokendo ka ntelusa ka mpopemobea, Aku mowee komiu penaa-naaa.

I MATIU 23:33

Hei omiu ule, hei omiu inuleno ule me'ipo! Kana'umpeke ka komiu mpokotola inso a mpohukua i naraka?

I MATIU 3:7

Sine tempono ikitao hadio ira to Parisi ka to Saduki me'aiwa ira mpepebaho, ipotaeako ira, ”Hei omiu inuleno ule me'ipo. Isemake pauakomiu, nine komiu mpokompolai inso a tekuda anu ta hawe?

ROMA 8:7

Hangano po'eheno tuwu ntolino onaemo umewa ndi Ondae Ue Ala, hangano nahi tondao songka-Do Ue Ala; mongkona andio lano nahi polio.

1 KORINTI 10:22

Ke kita mpokotesingkaoke mosa'ono aroa-Do i Ue? Nde memoroso kitapoke sekono Ondae?

Winali 29:25

Ira mesangki mia, ”Hangano ondae atuu nahi domentondao pedandia-Do i Ue, Ue Alano uempu'udo, pedandia anu winutu-Do saru ondae tempono Dowawa ira mpeluarako inso i wita Masiri.

Winali 31:16

Mepau Ira i Ue ndi Musa, ”To'oriomo, omue komohawe penaa-naa meronga saru uempu'umu. Ka i'amba tongku andio ira mpentade ka mponsosabo mpontonda pinesombai susua i wita, ba isua komiu mpewinso. Ira mebinta Aku ka nahi domentondao pedandia-Ku anu winutu-Ku saru ondae.

Winali 32:19

Mansa-Do kumitao, nahi Dotarima ira i Ue, tekuda hangano anano tama ka beine.

Winali 32:5

Mpoweweu ira mokoburu ndi Ondae, komba ana-Do mbo'u hango hinao tataado, asa ntuwua anu molengku ka mpelelengkupi.

KOLOSE 1:24

Kanandio-andio kupo'undeakono marasaiku hangano omiu, ka mokosompoo a ngkoroiku hapa anu makura a ntebobarasai-Do i Kerisituu, tiano koroi-Do, onaemo bawaa.

MENGKAAA 18:5

Hangano luwuno halano tehowuomo hawe i langi, ka Dopewowoloo Ue Ala luwuno mosa'ono.

Puu Mpobitara 10:10

Mpebooli iramo to Isaraeli ndi Ondae I Ue, ”Mpoweweu kamimo hala ndi Omiu, nde kimebintaomo Ue Ala mami ka mpesomba ndi Baala.”