Yesaya 1:3 - Wunta Mempori

³ Sapi tumo'orio ueno, sine to Isaraeli naahi; kalide tumo'orio dulano ueno, sine bawaa-Ku naahi.”

Yesaya 1:3 ပူးပေါင်းရင်းမြစ်များ

Po'unde-unde 94:8

Pekokoongakono, hei omiu anu lalu benge-benge i olodo palili! Hei luwuno mia monge-monge, te'ipiake ka igagi mempande mposongka?

Powadi 28:5

Mia mosa'o wineweuno nahi pokonto'orio moleoa, sine mia anu umungke Ira i Ue mokonto'orio luwuakoano.

Powadi 6:6

Hei anu moluwe, lakomo a limonti, pekokoongakono peleluno ka gagimo pande mosongka:

Yesaya 27:11

Tewala mokariomo sampa-sampano, asalakono ta pinudu; ira me'aiwa beine ka mempakeo gagi keu ponahu. Hangano, onaemo andio asa tongku anu nahi molino pinewowolodo, onaemo pu'uno, onae nahi Dopehohawao anu mokogagio ka nahi Dopehohawao anu weweuo.

Yesaya 42:20

Hadio anu kinitamu, sine nahi upekokoongakono, uta'oo birimu, sine nahi poronge.

Yesaya 44:18

Nahi dompoto'ori hapa-hapa ka nahina tino'orido hapa-hapa, hangano matado metako tepusu, ranta nahi dompongkita, kanatuu koa mbo'u aroado, ranta nahi dompokonto'orio.

Yesaya 5:12

Katapi ka gambusu, rebana ka siloli, saru anggoro mokomaroao luwuno pogawedo, sine wineweu-Do i Ue nahi pinelangkai ka inangga-Do i Ue nahi pinerio.

Yesaya 5:13

Onaemo pu'uno, bawaa-Ku asalakono melako a pontadia, hangano nahi domponto'ori hapa-hapa; luwuno mia anu maramba ira memokoninggo, ka mia hadio ira memarasai mokoranga.

Yesaya 56:11

dahu memodoko mpongkaa, anu nahi domponto'ori mowohi! Ondae atuu puu pompakambi, anu nahina tino'orido! Luwudo mpo'ala salado ondaedo, singge mia molulu untu, nahina pinesusua.

Yeremia 10:14

Sompo mia mengkaa benge-benge, nahina tino'orino, ka sompo mia anu pande mo'angga wulaa gagi mokoko'ii hangano tinaha wineweuno. Hangano tinaha tinawano butu pompopo'oo, nahina penaa i larono,

Yeremia 10:8

Lahumoa atuu luwuno benge-benge ka monge-monge; pontisodo nahina tuduno; onae butu koa keu.

Yeremia 35:16

Mentee ntu'u, inuleno i Yonadabi anano i Rekabi mentondao parenta anu iweeako ira uempu'udo, sine tongku andio nahi behe meronge Aku!

Yeremia 4:22

”Mentee ntu'u, bawaa-Ku atuu mebenge-benge, nahi domento'ori Aku! Ondae onaemo nana'ote monge-monge, nahina tino'orido! Ondae pande mpoweweu mosa'o, sine nahi domponto'ori mpoweweu moiko.”

Yeremia 50:6

Bawaa-Ku kana ira bimba ntetadi; luwuno puu mpopakambido weweu ira ntesaa, weweu ira mpelakopi a luwuno torukuno. Ondae mpelempa inso a ntorukuno melako a pongku ka mengkolupeo po'ianga pepomboleado.

Yeremia 8:7

Maupo manu-manu timba'u i laro meene mento'orio tempono, manu-manu wurokou, wowitu, ka koro mentondao tempo pekuleado, sine bawaa-Ku nahi domento'orio songka-Do i Ue.

Yehesikieli 16:30

Langkai ntu'u po'eheno koroimu atuu, kanandiomo pau-Do Ue Ala, omue anu weweuo luwuno andio, poweweuno asa beine belesu tinutundali.

Danieli 9:11

Luwuno to Isaraeli domelimpaiomo songka-Miu ka mepansia hangano nahi domperorongeakono pau-Miu. Onaemo pu'uno ndi omami inuwuomo pontotonaa ka sumpa, anu teburi a wunta Taurano i Musa, tetenaa-Do Ue Ala, hangano mpoweweu kamimo hala ndi Ondae.

Hosea 2:8

Onaemo pu'uno Aku wali umalao gandu-Ku i tempono ka anggoro-Ku i tempono, Aku wali sumintakio sawu wulu bimba ka sawu lena-Ku anu tumutuwio anuno.

I MATIU 13:19

A sompo mia anu rumongeo pau mongkona Poparentaa Suruga, sine nahi pokonto'orio, haweomo i mosa'o ka irontuo anu rinawo i laro aroano mia atuu; onaemo inii anu rinawo a wiwi nsala.

ROMA 1:28

Ka hangano nami domebehe mpesomba ndi Ondae Ue Ala, onaemo ka Dopeweengako ira Ue Ala a mpinewowolo anu tetotonaa, ranta ka dompoweweu hapa anu nahi tekona:

2 PETURU 3:5

Dompe'inungakono nahi dobehe mento'orio, nine hangano pau-Do Ue Ala hinaomo langi inso i ndi'upua, ka tolino mbo'u anu tepu'uano inso a uwoi ka hangano uwoi,