Yeremia 9:4 - Wunta Mempori

⁴ Laluopo sompo mia metangkoro a walino. Maupo isema pepaekompomu si pe'ala-alao, hangano sompo pepaekompo onaemo puu pompopo'oo, ka sompo wali-wali melempa ngkoraane ngkoramai mpompau anu nahi mentee.

Yeremia 9:4 ပူးပေါင်းရင်းမြစ်များ

Tegagia 32:28

Ka i'amba motae mia atuu, ”Neemu nahi ta pinau mbo'u i Yako, sine i Isaraeli, hangano melulukukomo umewai Ira Ue Ala ka mia, ka omue monangi.”

Po'unde-unde 101:5

Mia anu mewuni-wuni mompepaukiako walino, aku mepateo. Mia anu mompelangka-langkai ka labampau, komba ineheku.

Po'unde-unde 15:3

anu nahi paleleakono elono pau anu nahi mentee, anu nahi poweweu mosa'o a wali-walino ka anu nahi poweweuakono tataano pehori rahano;

Powadi 10:18

Isema mowuni po'o'aliaako, pegaupi wiwino; isema mompau anu nahi mentee, onaemo mia monge-monge.

Powadi 25:18

Kanamo tuko, ke ponai, ke ana mpana anu montaso, kanandiomo mia anu mesakosii megaupi a mpe'asa miano.

Powadi 4:16

Hangano nahi dompokompoturi, tewala nahi dompoweweu anu mosa'o; tampula mongkokoturido, tewala nahi domeweweuo mia tetidu;

Powadi 4:17

hangano ondae mpongkaa roti gau mosa'o, ka mpo'inu anggoro pobobarasaia.

Powadi 6:16

Onoo rupa wineweu andio anu o'alia-Do i Ue, tendeano opitu rupa wineweu anu mokoburu-Do:

Powadi 6:19

asa mia sakosii megaupi anu mepuuriako pegaupi ka mompokohina pengengeado mpepaekompo.

Yesaya 59:13

mpe'ewa kamimo ka humapu Ira i Ue, ka mepansia inso ndi Ondae Ue Alamami. Mpontoo kami porontua ka mpoweweu anu molengku, mentiaako pegaupi a laro aroa ka mpe'anaakono a mpau.

Yesaya 9:16

Onaemo pu'uno, Ondae i Ue nahi Dopehohawa ira mangalitaudo, ka nahi Dopehohawa ira nana'ote nahina amado ka tuwu beinedo, hangano luwudo mpebungkui Aku ka mpoweweu mosa'o, ka sompo nganga mpepau anu nahi moiko. Maupo gagiomo luwuno atuu, tekuda-Do napi morini, ka kae-Do da tetaangako.

Yeremia 12:6

Hangano luwuno pepaekompomu ka pe'etumu tendeano mempopo'ooko koa mbo'u; ondae mbo'u nahi domenanta-nata mpebooli i bungkumu. Si pe'ala-ala ira, maupo mo'ahi-ahi dompepauakomu!

Yeremia 6:28

Luwudo lano wela me'ewa, mpelempa ngkoraane-ngkoramai mpotetewehi mia susua; ondae kana mala ka labu. Luwudo mpelelu mosa'o!

Yeremia 9:8

Elodo onaemo ana mpana anu mompepate, pauno ngangado onaemo pe'akala; ondae mpepau rodoa saru walido, sine i laro aroado mpontoo mentowokio.

Yehesikieli 22:9

I olomu mehinawe anu pompau pegaupi anu tinoodo mpo'uwu rea ka mia anu mpongkaa pesomba a wawo luwuno pongku pesombaa. Luwuno mbo'u mia anu mpoweweu mokoburu kongko i tonga-tongamiu.

Imama 19:16

Si melako ngkoraane ngkoramai mompalele petuluri i olodo mia pe'asa tongkumu; si mpokodoitoo tuwuno pe'asa miamu. Ongkuemo Ue.

Maleaki 2:10

Kombake luwuto hinao asa ama? Kombake ontae pinokogagi-Do asa Ue Ala? Ka i'amba tembio ka tompedodontai pada ontaeto ranta kumokoburutio pedandiado uempu'uto?

I MATIU 10:17

Sine impetangkoro a luwuno mia; hangano hinao anu ta meweengakomiu a majelisi agama ka ira mensepi komiu a raha tepumpuado.

I MATIU 10:21

Mia ta meweengakono pepaekompono ka ipinepate, kanatuu koa mbo'u asa ama a anano. Ka ana ta umewa a mia mota'uno ka ta mepate ira.

I LUKASI 21:16

Ka ira mpeweengakomiu mbo'u mia mota'umiu, pepaekompomiu, pe'etumiu ka luwuno sambe'emiu ka ba opia mia i olomiu ira mempinepate

1 TESALONIKA 4:6

ka mongkona luwuno andio mia ka si poweweu anu nahi moiko a mpepaekompono ke mopo'oo. Hangano Ondae i Ue mombaloakono luwuno andio, kana anu kimempauomo ka mpokomanasaa komiu i ndi'upua.